Спорт
(Видео) Фјури го погоди Нгану со забранет удар – лакт
Со квалитетен бокс и агресивен пристап по нокдаунот, Фјури успеа да победи со одлука, но исходот можеби ќе беше поинаков доколку судиите му дадоа негативен бод на Фјури поради нелегален удар
Шампионот на ВБЦ во тешка категорија, Тајсон Фјури (35, 34-0-1) доби поделена одлука во „кросовер“ мечот против поранешниот шампион на УФЦ Френсис Нгану (37, 0-1).
Иако Фјури победи на крајот, Нгану ја воодушеви публиката со многу добри боксерски перформанси и покрај неговото деби во спортот. Да потсетиме, Нгану е мајстор за мешани боречки вештини, а за прв пат се најде во боксерски ринг. И какво деби имаше.
Тој излезе лице в лице со најдобриот боксер на светот Фјури, со кој многу боксери се двоумат да се борат. Сепак, Камерунецот не се плашеше, па пружи голема борба, која ја круниса со одлична кука во третата рунда, која го собори на подот монструозниот Фјури. На „Циганскиот крал“ не му требаше многу време да застане на нозе, но неговото лице покажа шокираност.
Сепак, со квалитетен бокс и поагресивен пристап, Фјури успеа да победи со судиска одлука (95-94 Нгану, 96-93 Фјури, 95-94 Фјури).
Сепак, исходот можеби ќе беше поинаков доколку судиите му дадоа негативен бод на Фјури за недозволен удар врз борецот на УФЦ. Имено, Фјури во еден момент од натпреварот го удри противникот со чист лакт во главата.
<blockquote class=”twitter-tweet”><p lang=”en” dir=”ltr”>Elbow from Fury….Ngannou wasn’t even phased <a href=”https://t.co/OyKv9dgwhy”>pic.twitter.com/OyKv9dgwhy</a></p>— Spinnin Backfist (@SpinninBackfist) <a href=”https://twitter.com/SpinninBackfist/status/1718405713754534081?ref_src=twsrc%5Etfw”>October 28, 2023</a></blockquote> <script async src=”https://platform.twitter.com/widgets.js” charset=”utf-8″></script>
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Зголеми ја својата добивка за 1.000 отсто во „Моцарт“

Oд 15 август во Mozzart обложувалници е активен HAPPY HOUR БОНУС со кој може да освоиш дури десет пати поголема добивка на тикетот!
Бонусот важи за сите ИГРИ и за натпревари со квота 1.35 или поголема. Бонусот важи за елементарни тикети, а доколку на тикетот има натпревар со квота помала од 1.35, тикетот влегува во пресметката, но тој натпревар не влегува во пресметката за бонус.
Happy Hour бонусот важи во термините 9 – 11 ч. и 19 – 21 ч.
Посетете го најблиското Mozzart уплатно место, искористете го неверојатниот бонус и освојте за 1000% поголема добивка!
(ПР)
Спорт
Челси на семејството Жота ќе му донира бонус од освоената светска титула

Фудбалскиот клуб Челзи одлучи да донира дел од бонусите освоени на Светското клупско првенство на семејствата на трагично починатиот Диого Жота и неговиот брат Андре Силва. Потег за почит од страна на клубот и играчите по победата на престижното натпреварување, пишува „Атлетик“.
Да ве потсетиме, во јули, клубот од Западен Лондон ја освои шампионската титула на новото, проширено Светско клупско првенство на ФИФА, победувајќи го Пари Сен Жермен во финалето со убедливи 3:0.
Овој успех им донесе околу 114,6 милиони долари (околу 100 милиони евра). После тоа, клубот воспостави фонд од 15,5 милиони долари за еднаква распределба меѓу играчите на тимот на Енцо Мареска, а со заедничка одлука на клубот и играчите, дел ќе му припадне на семејството Жота.
Вредноста на секој поединечен дел е повеќе од 500.000 долари, пред одбивањето на трошоците за конверзија на валута, даноците и другите такси.
Гестот доаѓа во знак на поддршка на семејството по ужасната трагедија што се случи на 3 јули, само десет дена пред финалето на Челзи. Во сообраќајна несреќа во шпанската покраина Замора, напаѓачот на Ливерпул, Диого Жота, и неговиот брат Андре Силва, фудбалер од португалскиот клуб Пенафиел, ги загубија животите.
И Ливерпул, клубот на Жота, се збогува со својот напаѓач на трогателен начин. Неодамна беа откриени планови за спомен-скулптура на „Енфилд“ во чест на Португалецот, кој постигна 65 гола на 182 настапи за клубот.
Во текот на сезоната 2025/26, играчите ќе го носат амблемот „Засекогаш 20“ на своите дресови, а фондацијата на клубот ќе започне програма за млади фудбалери која ќе го носат името на Жота.
Пред првиот натпревар од сезоната против Борнмут во петок, планирани се специјална кореографија на навивачите и едноминутно молчење. Минатиот месец, Ливерпул исто така објави дека трајно го повлекува дресот со број 20 на сите нивоа на клубот во спомен на играчот кој пристигна на „Енфилд“ во 2020 година.
Спорт
Нема дилема кој ќе ја освои „Златната топка“

Ако поразот од Челзи во финалето на Светското првенство за клубови предизвика сомнеж, Европскиот Суперкуп ги врати работите на свое место, Усман Дембеле е првиот кандидат за „Златната топка“.
Пет минути пред крајот, ПСЖ беше на работ на амбисот. Имаше минус од два гола против Тотенхем, но се врати во мечот со головите на резервистот Канг-Ин Ли и Гонсало Рамош, во 85. и 94.минута.
Иако не постигна гол, Усман Дембеле беше прогласен за играч на натпреварот, бидејќи повторно беше најопасен на теренот, а во судиското продолжение мајсторски го погоди Рамош во „трепката“ за 2:2, со што ПСЖ избори пенали.
Тој беше прецизен и од 11 метри, и го турна својот тим кон нов трофеј оваа сезона.
ПСЖ и Дембеле ја освоија Лигата на шампионите, Лига 1, Купот на Франција, а сега и Европскиот Суперкуп.
Во последната сезона, Дембеле постигна 35 гола и додаде 16 асистенции во 53 натпревари.
Foto/ EPA/Alessio Marini