Спорт
(Видео) Фоден и Халанд за 14 минути ги решија „шумарите“
![](https://makfax.com.mk/wp-content/uploads/2023/09/11735257.jpg)
Фудбалерите на Манчестер сити го победија Нотингем Форест со 2:0 во шестото коло од Премиер лигата. Во попладневниот термин во Премиер лигата без победник завршија натреварите Лутон-Вулверхемптон и Кристал Палас-Фулам.
Фил Фоден во седмата и Ерлинг Халанд во 14. минута обезбедија максимален учинок на избраниците на Пеп Гвардиола по шест кола во Премиер лигата..
Како на плеј стејшн беа акциите за головите на Манчестер сити. Инаку, асистенти беа Вокер и Нуњез.
Ситуацијата на теренот малку се искомплицира на самиот старт од вториот дел, бидејќи Родри доби директен црвен картон во 46. минута.
Тоа не им помогна многу на „шумарите“ кои во судиското надополнување беа најблиску до постигнување на гол, но ударот на Боли го одбрани Едерсон.
Сити така го задржа максималниот учинок, шест победи во шест натпревари и е прв на табелата, додека Форест е на средината на табелата со седум освоени бодови.
Foto/EPA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(ВИДЕО) Среќата е на негова страна
![](https://makfax.com.mk/wp-content/uploads/2024/06/1639321549-Max-Verstappen-scaled-e1639321570945.jpg)
Актуелниот трикратен светски шампион во Формула 1, Холанѓанецот Макс Ферстапен изјави дека и следната сезона ќе вози за Ред Бул.
„ Да, работиме на болидот за следната сезона. А кога сте фокусирани на тоа, значи дека возите за тој тим“, изјави Ферстапен.
Холандскиот возач има договор со Ред Бул до 2028 година.
Некои медиуми објавија дека Ферстапен следната година би можел да го замени Луис Хамилтон во тимот на Мерцедес, кој на крајот од сезоната се сели во Ферари.
„Се разбира, луѓето кажуваат секакви работи, но најважно е што имаме многу конкурентен болид за иднината. Работиме и се фокусираме на следната сезона за да се обидеме повторно да бидеме конкурентни“, изјави возачот на Ред Бул.
Ферстапен моментално е на првото место во генералниот пласман на возачи со 219 бодови. Следната трка во Ф1 шампионатот ќе се вози на 30 јуни за Големата награда на Австрија.
Спорт
Милиони за канадскиот кошаркар Мареј
Канадскиот кошаркар Џамал Мареј доби нов договор од Денвер Нагетс.
Соиграчот на Никола Јокиќ ќе добие 209 милиони долари од поранешниот шампион во НБА во следните четири години.
Тоа е максимален договор за поранешниот студент од Кентаки кој минатата сезоната имаше просек од околу 21 поен, 6 асистенции и 4 скока.
Мареј беше избран од Нагетс на драфтот во 2016 година од седмата позиција и во 2023 година беше дел од тимот кој стана шампион во НБА.
Спорт
Монако со ново засилување
Монако претстави ново засилување, а тоа е Вито Браун, поранешниот кошаркар на Пинар Каршијака.
Браун, кој ги покрива крилните позиции на центарот, потпиша двегодишен договор со тимот на Саша Обрадовиќ, а следната сезона во Евролигата ќе биде негово деби.
Досега имаше искуство само во европските натпреварувања во Лигата на шампионите на ФИБА.
Кариерата ја изгради преку развојната лига во Америка, а потоа замина во Европа, каде играше за Ле Ман, а потоа и за Реал Бетис.
Во Пинар Каршјак пристигна во 2022 година, каде запиша две солидни сезони. Во Лигата на шампионите на ФИБА, тој имаше просек од 13,3 поени со 4,6 скока.
Монако досега го доведе само Ник Калатес, но исто така направи добра работа во тимот бидејќи Мајк Џејмс и Џејрон Блосомгејм потпишаа нови договори.