Спорт
(Видео) Гати во 97. минута спаси реми за Јуве против Севилја, Рома со предност против Леверкузен
Федерико Гати, момчето кое до пред некоја сезона немаше професионален договор, пак се покажа како клучен играч за Јувентус, откако со гол во 97. минута спаси 1:1 реми против „експертите“ за Лига Европа, Севилја во првиот меч од полуфиналето.
Во дуелот на двајца стари познаници пак, Жозе Мурињо го победи својот ексфудбалер Чаби Алонсо, откако Рома стигна до минимална 1:0 предност против Баер Леверкузен во второто полуфинале.
Шпанскиот клуб стигна до водство во 25. минута, кога по еден брз контранапад, Луис Окампос му асистираше на Јусеф Ен Несири, кој без мака го совлада Војчех Шчесни. Јувентус имаше повеќе од поседот на топката, но Севилја беше поактивна пред противничкиот гол и чекаше да замине дома со предност, кога Гати по асистенција на Пол Погба да ја смести топкат во голот на гостите.
Federico Gatti He tied Juve with a last-second goal pic.twitter.com/kRG3FWzL2f
— FootColic ⚽️ (@FootColic) May 11, 2023
На „Олимпико“ пак, еден гол го реши победникот – Рома го скрши отпорот на бундеслигашот во 63. минута со комбинацијата Теми Ејбрахам-Едоардо Бове.
Во Конференциската лига, пак, италијанскиот фаворит Фиорентина загуби со 1:2 од швајцарскиот Базел по првото полуфинале, додека Вест хем се намачи со АЗ Алкмар за да се врати за 2:1 победа.
Артур Кабрал ги донесе Виола во водство во 25. минута, за Базел да израмни во 69. минута преку Анди Диуф, пред Зеи Азмуни да го замолчи „Артемио Франки“ во 92. минута. Во Лондон, „чеканите“ губеа од 42. минута со голот на Рајндерс, пред прво во 67. минута Саид Бенрама да израмни од пенал, за Микаел Антонио во 72. минута да осигура победа.
ЛИГА ЕВРОПА, 1/2 ФИНАЛЕ, 1.МЕЧ
Рома – Баер Леверкузен 1:0
Јувентус – Севилја 1:1
КОНФЕРЕНЦИСКА ЛИГА ЕВРОПА, 1/2 ФИНАЛЕ, 1.МЕЧ
Фиорентина – Базел 1:2
Вест хем – АЗ Алкмар 2:1
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Модриќ и наредната сезона ќе игра за Реал
Лука Модриќ и наредната сезона ќе го носи дресот на реал Мадрид. „Мундо Депортиво“. Овој медиум, кој е поблизок до Барселона отколку до Реал, тврди дека Модриќ и челниците на Реал постигнале вербален договор за продолжување на договорот на уште една година. Договорот е постигнат по тричасовната средба одржана вчера во Валдебебас.
Истата информација ја објавија и „Онда Мадрид“ и „Телемадрид“, два медиуми специјализирани за следење на Реал Мадрид. Според нив, Модриќ ги прифатил условите што му ги понудил клубот. Тој досега заработуваше околу 10 милиони евра нето по сезона, а сега се согласи да ја преполови платата.
Според Шпанците хрватскиот играч за врска планира да одигра уште една сезона во Реал, а потоа како 39-годишен да се збогува од фудбалот. Така Модриќ би станал најстариот фудбалер во историјата на Реал Мадрид кој се пензионирал во дресот на шпанскиот великан. Рекордот моментално го држи Пако Хенто, кој се пензионираше на 38 години.
Хрватската легенда на Реал Мадрид освои се. Меѓу другото, пет европски, четири шпански титули и два Купа на кралот и Златната топка. Тој одигра 531 натпревар, постигна 39 и постави 86 гола.
Во тековната сезона претежно беше резерва, но со значаен придонес на патот на Реал кон освојување на Ла Лига и финалето на Лигата на шампионите. Иако беше во стартниот тим на само 22 натпревари, успеа да постигне 2два гола и да забележи осум асистенции.
Спорт
Бекеле по 12 години повторно на Олимписките игри
Кенениса Бекеле, големата атлетска ѕвезда, ќе учествува на Олимписките игри во Париз, 12 години по неговиот последен настап на најголемиот светски спортски настан.
Бекеле, кој има 41 година, последен пат настапи на Олимписките игри во Лондон во 2012 година, кога заврши на четвртото место на трката на 10 километри.
Тој ги пропушти Рио де Жанеиро (2016) и Токио (2022) и сега е дел од 10-члениот атлетски тим на Етиопија за Париз.
Во главниот град на Франција ќе трча маратон на кој во последно време бележи одлични резултати. Тој во декември го освои четвртото место во Валенсија, додека неодамна беше втор во Лондон.
Бекеле освои три олимписки злата и едно сребро. Во Атина во 2004 година победи на 10 километри и беше втор на 5 километри, додека четири години подоцна во Пекинг славеше и на 5 и на 10 километри.
Олимпискиот маратон за мажи е закажан за 10 август.
Спорт
(Видео) Индијана избори мајсторка против Њујорк
Кошаркарите на Индијана славеа против Њујорк (116:103) и со тоа го обезбедија мајсторка во „Медисон Сквер Гарден“.
Екипите продолжија да го бранат домашниот терен, па така и во шестиот меч од полуфиналната серија на Истокот, гостинот загуби.
Најзаслужни за триумфот на Индијана беа Паскал Сијакам со 25 поени, седум скока и пет асистенции и Мајлс Тарнер со 17 поени, осум скока и три асистенции.
Тајрис Халибартон (+9ас), Ти Џеј Меконел и Ендру Небхард постигнаа по 15.
На другата страна се истакнаа Џејлен Брансон кој постигна 31 и Донте ДиВинченцо кој постигна 17 поени.
Првото двоцифрено водство „Пејсерс“ го остварија на крајот од првото полувреме и со исклучок на почетокот на вториот дел не го испуштија.
Разликата во последната четвртина се искачи на +23.
Решавачкиот седми натпревар е закажан за в недела од 21.30 часот во Њујорк.
Победникот, во финалето ќе игра против Бостон Селтикс, кој ги елиминираше Кливленд Кавалирс.