Спорт
(Видео) Голот на Јамал е најубав на ЕУРО 2024
![](https://makfax.com.mk/wp-content/uploads/2024/07/12370411.jpg)
Голот на шпанскиот фудбалер Ламин Jамал во полуфиналето против Франција е избран за најубав на Европското првенство, објави Европската фудбалска унија (УЕФА).
По голот на шпанскиот тинејџер следат головите на Англичанецот Џуд Белингем против Словачка, Швајцарецот Џердан Шаќири против Шкотска, Романецот Николае Станчиу против Украина и Турчинот Арда Ѓулер против Грузија.
Топ 10-те гола на ЕП ги комплетираат Турчинот Мерт Мулдур против Грузија, Шпанецот Фабијан Руиз против Хрватска, Англичанецот Оли Воткинс против Холандија, Италијанецот Матија Закањи против Хрватска и Холанѓанецот Чави Симонс против Англија.
Goal of the semi-finals ✅
Lamine Yamal's incredible strike wins it! 😮💨👏#EUROGOTT | @AlipayPlus pic.twitter.com/BMzFOgLEkG
— UEFA EURO 2024 (@EURO2024) July 14, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Шчесни замина во пензија
![](https://makfax.com.mk/wp-content/uploads/2024/08/Wojciech-Szczesny.jpg)
Десет дена по објавата дека Јувентус го отпушти Војчех Шчесни (34), полскиот голман ја шокира јавноста со објавата дека заминува во пензија.
Шчесни во 2017 година, од Арсенал за сума од 19 милиони евра пристигна во Јувентус како наследник на Џанлуиџи Буфон. Претходно осум сезони беше во Арсенал.. Откако доби отказ се поврзуваше со трансфер во Монца, но сепак тој реши да се пензионира.
Интересно, тој запиша точно 200 првенствени настапи за црно-белите од Торино.
„На оваа игра и дадов 18 години, секој ден, без иговори. Денес, иако моето тело е подготвено за нови предизвици, моето срце вели поинаку.
Чувствувам дека сега е вистинското време да се посветам на моето семејство. На оваа приказна и дојде крајот, но секој крај е нов почеток.
Што ќе ми донесе овој нов пат ќе покаже времето. Но, во последните 18 години научив дека ништо не е невозможно и верувајте, имам големи сништа“, напиша Полјакот во објавата на Инстаграм.
Спорт
Кепа замина на позајмица – Челси сега во ростерот има „само“ пет голмани
![](https://makfax.com.mk/wp-content/uploads/2024/08/d6e354a2-c150-43ae-a335-7e1cd7097922.jpg)
Кепа Аризабалага (29) е новиот голман на англискиот клуб Борнмут. Тој заминува на едногодишна позајмица од Челзи, со кој претходно го продолжи договорот до летото 2026 година, објави Фабрицио Романо.
Кепа минатата сезона беше на позајмица и во Реал Мадрид, каде беше доведен на местото на Белгиецот Тибо Куртоа, кој тешко се повреди на подготовките пред стартот на сезоната.
Меѓутоа, во ноември минатата година, Кепа заработи повреда на адукторот, испадна од тимот, а кога ја залечи повредата не можеше да дојде до првиот тим бидеќи во извонредна форма бранеше Андриј Лунин. Реал имаше опција но не сакаше да го откупи дфоговорот на Кепа.
Кепа пристигна во Челзи летото во 2018 година од Атлетик Билбао во трансфер вреден 80 милиони евра, што се уште е светски рекорд за платено обештетување за голман.
Со заминувањето на Кепа од клубот на позајмица, Челзи сега има „само“ пет голмани. Тоа се Санчез (26), Филип Јоргенсен (22), Ѓорѓе Петровиќ (24), Маркус Бетинели (32) и Лукас Бергстром (21).
Спорт
Мик Шумахер се враќа во Формула 1?
![](https://makfax.com.mk/wp-content/uploads/2024/08/mick-schumacher.jpg)
Мик Шумахер, син на легендата на Формула 1, Михаел Шумахер, би можел да се врати на гридот. Шумахер во последните 18 месеци е резервен возач во тимот на Мерцедес.
Мик Шумахер (25) возеше за тимот на Хаас во 2021 и 2022 година. Не помина добро. Во првата сезона за Хаас беше 19-ти во поредокот кај возачите, а во втората заврши на 16-та позиција. По тие две сезони, Хас го отпушти и го нагажира Нико Хулкенберг.
Сега, Мик Шумахер би можел да се пристигне во Вилијамс. Не е исклучено тој да вози за овој тим в недела во Монца на Големата награда на Италија.
Се шпекулира дека Вилијамс ќе му врачи отказ на Американецот Логан Сарџент. Во Вилијамс веќе немаат трпени за Американецот, кој во саботата на тренингот целосно го уништи болидот.
„Доколку јас се прашувам би го ангажирал Мик. Се разбира, никој нема да ме послуша бидејќи ми е пријател, но сепак е најдоброто решение. Мик има двегодишно искуство како Формула 1 возач, има увид и во техничките карактеристики на моторот на Мерцедес.
Тој многу созреа како личност по заминувањето од Хас. Ги знае патеките и тоа е голема предност. Се надевам дека ќе покаже се што знам дека е способен“, изјави Себастијан Фетел во интервју за Билд.