Спорт
(Видео) Интер го освои Лига купот, Меси стана најтрофејниот играч на сите времиња
Лионел Меси од денеска е фудбалерот со најмногу освоени трофеи во историјата на фудбалот. Досега го делеше првото место со Дани Алвеш со 43 освоени пехари, но откако Интер Мајани го освои Лига купот дојде до својот 44. трофеј и сега е сам на челната позиција на вечната листа.
Аргентинецот беше клучен играч за тимот од Мајами на патот кон овој историски трофеј за клубот. Го носеше тимот во текот на целиот турнир, а потоа и во финалето против Нешвил.
Интер на крајот славеше дури по изведувањето пенали. Во регуларниот дел натпреварот заврши со резултат 1:1, а единствен стрелец за Интер беше Меси во 23. минута. Тоа беше неговиот десетти гол во седмиот натпревар за Интер.
#Messi𓃵
He is him pic.twitter.com/Yq1mr7O8AY— Franklin Ọnwụanakụ (@FranklinOnwuan1) August 20, 2023
Дрејк Календер си постигна автогол во 57. минута и го постави конечниот резултат.
Според правилата, доколку по 90.минута нема победник веднаш се шутираат пенали.
Сепак, таму Интер победи со 10:9 во серијата со три промашени пенали. Рандал Леал и Елиот Панико промашија за Нешвил, а Виктор Улоа за Интер.
Меси го реализираше првиот пенал, а неговиот соиграч, голманот Дрејк Календер, прво одбрани два пенали, од кои еден против колегата Елиот Панико, а потоа го постигна и победничкиот гол, па Интер го освои првиот трофеј во клупската историја.
This is how you treat the Goat, PSG can’t relate pic.twitter.com/Uh1duOkDvD
— ganesh🇦🇷 (@breathMessi21) August 20, 2023
Inter Miami holds up their first ever League Cup trophy 🏆
The Messi Effect. 🐐
(via @MLS)pic.twitter.com/N8Md7JapbY
— Bleacher Report (@BleacherReport) August 20, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Палмер најдобар млад играч во Премиер лигата
Фудбалерот на Челзи Кол Палмер е најдобриот млад играч во Премиер лигата оваа сезона.
Палмер, кој летово пристигна во Челси од Манчестер сити, постигна 22 гола на 33 натпревари и забележа десет асистенции.
Тој е водечка сила на сините оваа сезона, а на последните три натпревари постигна по два гола.
Тој победи во конкуренција на Александер Исак (Њукасл), Коби Мајно (Манчестер јунајтед), Букајо Сака и Вилијам Салиба (Арсенал) и Дестини Удоги (Тотенхем).
Траката за Златната копачка во Премиер лигата, Палмер ќе ја заврши на второто место зад Ерлинг Халанд од Манчестер сити, кој постигна 27 гола.
И не само тоа, 22-годишниот Палмер е номиниран и за најомилен играч на гласањето на навивачите во Премиер лигата.
Офанзивниот играч за врска на Челзи неодамна беше прогласен и за играч на месец април во Премиер лигата, откако постигна седум гола на четири натпревари.
Треба да се додаде дека тој со огромно мнозинство ја освои наградата за најдобар играч на Челзи оваа сезона.
Спорт
Салфетката на која Меси потпиша за Барселона продадена за 760.000 фунти
Салфетата на која Лионел Меси ја потпиша согласноста дека ќе и се приклучи на Барселона во 2000 година е продадена за 760.000 фунти (околу 888.000 евра), објави во петокот британската аукциска куќа Бонамс.
Бонамс првично очекуваше продажната цена да биде во опсег од 300.000 фунти до 500.000 фунти. Онлајн аукцијата траеше од 8 до 17 мај.
„Салфетката ја промени судбината и на клубот и на Меси, кој стана еден од најголемите играчи на сите времиња“, објави Бонамс.
Овој фудбалски сувенири бил внимателно чуван во сеф од Хорасио Гаџиоли, тогашниот менаџер на Меси. На салфетката не е само потписот на Меси, туку и потписите на Карлес Рексач, тогашниот спортски директор на Барселона и Хосеп Марија Мингела, скаутот за таленти кој го препозна потенцијалот на Меси.
Салфетката, која беше потпишана за време на ручекот во „La Reial Societat de Tennis Pompeia“ во Монжуик, содржи писмена обврска од Рексач.
„Во Барселона, на 14 декември 2000 година, во присуство на господата Мингела и Хорасио, Карлес Рексач, спортски директор на ФК Барселона со ова се согласува, под негова одговорност и без разлика на какви било спротивни мислења, да потпише договор со играчот Лионел Меси под услов да се држиме до договорените суми“, пишува на салфетката.
Меси, кој оттогаш освои голем број големи титули, вклучувајќи ја Лигата на шампионите и Светското првенство, имаше само 13 години кога се приклучи на академијата на Барселона, откако дојде од аргентинскиот клуб Њуелс Олд Бојс.
Спорт
Алкалоид го победи Вардар 1961, ќе се бори за трофејот во Купот
Фото/ facebook.com/rkalkaloid
Алкалоид ќе му се спротивстави на Еурофарм Пелистер во борбата за трофејот во Купот на Македонија. Вечерва, Алкалоид славеше победа над бранителот на пехарот, Вардар 1961 со 25:24 (15:13).
Со исклучок на почетните минути кога црвено-црните поведоа со 4:0, натпреварот беше изедначен, а во финишот крајно драматичен.
Во последните осум минути Алкалоид влезе со предност 24:22. Во последната минута екипата на Кире Лазаров влезе со 25:24, не го искорсит последниот напад, а Вардар 1961 во последната секунда избори седмерец.
Голамнот Галевски го одбрани ударот на Срдановиќ. Најдобар стрелец на мечот беше Мартин Серафимов со седум гола, пред Арно Бинго со шест гола.
Финалниот натпревар во СЦ „Борис Трајковски“ ќе се одигра в недела од 19:30 часот.