Спорт
(Видео) Историска ноќ за Јокиќ, Шеј и Фокс решетаа во Сакраменто
Никола Јокиќ со нов трипл-дабл влезе во историја на НБА лигата. Србинот го предводеше својот тим до победата над Бруклин, 10. за Денвер во 11. меч оваа сезона на домашен терен. Изминатата ноќ во НБА ја обележа „револверашката“ пресметка меѓу ѕвездите на Сакраменто и Оклахома, Диерон Фокс и Шеј Гилџес-Александер.
Денвер славеа во дуечот со Бруклин 124:101. Јокиќ го забележа 115. трипл-дабл во кариерата, 10. оваа сезона, со што стана единствениот играч во историјата на НБА кој забележал двоцифрен број на трипл-дабл во седум последователни сезони.
Јокиќ за 30 минути игра запиша 26 поени, 15 скока и 10 асистенции и го предводеше Денвер до третата последователна победа, 17. во тековната сезона.
Многу подраматично беше во Сакраменто, каде Дијарон Фокс и Шеј Гилџис-Александер комбинираа 84 поени. Асот на Тандер постигна уште два, но Кингс постигна пет повеќе од гостите и ја совлада Оклахома со 128:123.
Фокс мечот го заврши со 41, а Александер со 43 поени.
Лидерот на Западот, Минесота славеше победа во Далас 119:109. Дончиќ повторно блескаше, но не успеа да го спречи поразот на својот тим. Словенецот заврши со 39 поени и 13 асистенции.
Резултати:
Бостон – Кливленд 116:107
/Татум 27, 11 ск, 3 бл – Мичел 31, 8 ск, 6 ас/
Мајами – Чикаго 116:124
/Мартин 17, 11 ск – Вучевиќ 24, 12 ск, 7 ас/
Далас – Минесота 101:119
/Дончиќ 39, 6 стр, 13 ас – Рид 27, 6 ск/
Денвер – Бруклин 124:101
/Јокиќ 26, 15 ск, 10 ас – Динвиди 17, 8 ас/
Портланд – Јута 114:122
/Хендерсон 23, 10 ас – Секстон 27/
Сакраменто – Оклахома 128:123
/Фокс 41 – Гилџис-Александар 43/
ЛА Клиперс – Голден Стејт 121:113
/Харден 28, 7 ск, 15 ас – Томпсон 30/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ливерпул потврди: Слот е замена за Клоп
Ливерпул дефинитивно го потврди доаѓањето на Арне Слот за менаџер.
Клубот од Енфилд на социјалните мрежи објави дека токму холандскиот стручњак ќе ги предводи „црвените“ во наредните години.
„Ливерпул може да потврди дека Арне Слот се согласил да биде нов менаџер на клубот и тој официјално ќе ја преземе таа функција од 1 јуни, откако ќе добие работна дозвола“, се вели во соопштението на Ливерпул.
We can announce Arne Slot has agreed a deal to become the club’s new head coach, formally taking up the position on June 1, 2024, subject to a work permit 🙌
— Liverpool FC (@LFC) May 20, 2024
Слот на кормилото ќе го замени Јирген Клоп, кој реши да се пензионира по девет години.
Слот пристигнува по три многу успешни сезони во холандскиот фудбал со Фејенорд, кој го водеше до титулата минатата година и двапати беше менаџер на годината.
Во април со клубот од Ротердам го освои Купот на Холандија со победата над НЕЦ од 1:0.
Спорт
Хулен Лопетеги ќе биде тренер на Вест Хем
Договорот конечно е постигнат по неколку средби, Хулен Лопетеги ќе биде тренер на Вест Хем, пренесуваат англиските медиуми.
Пред еден месец беше познато дека шпанскиот стручњак преговара со клубот од Лондон, но договорот не беше постигнат уште во првиот обид, па следуваа уште две средби.
Се уште не е познато за колку долго ќе биде потпишан договорот, но во медиумите се шпекулира дека ќе биде на две или три години.
Вест Хем моментално е на деветтото место во Премиер лигата со кое не може да се задоволи, а кога почна да бележи лоши резултати стана јасно дека менаџерот Дејвид Мојс ќе добие отказ, па почнаа шпекулациите за неговиот наследник.
Што се однесува до Лопетеги, тој досега работеше како тренер на Севиља, Реал Мадрид, Вулверхемптон, но беше селектор и на шпанската репрезентација.
Спорт
Разбојници пукале врз тројца фудбалери на Марсеј
Тројца фудбалери на Олимпик Марсеј биле нападнати утрово во 3 часот по враќањето од Ле Авр, каде тимот го одигра последниот натпревар во сезоната, во Лига 1. Марсеј победи со 2.1 но не успеа да избори пласман во европските купови.
Како што јави „Европа 1“, жртви на напдто биле Фарис Мумбања, Жан Онана и Бамо Меите. Група разбојници, им се заканиле со пиштоли и се обиделе да ги украдат нинвите автомобили.
Драмата, кулминирала кога кон фудбалерите биле испукани неколку куршуми додека тие се обидувале да избегаат. Во еден од автомобилите два куршуми завршиле во врата на возачот, а во вториот куршум бил испукан во багажникот.
23-годишниот Мумбања е напаѓач од Камерун кој на почетокот на годината дојде од Норвешка, Меите е стопер од Брегот на Слоновата Коска, а Онана е Камерунец кој игра на позицијата заден играч за врска. Тој дојде во Марсеј на позајмица од Бешикташ.