Спорт
(Видео) Историската победа на Јужен Судан во сенка на гафот на организаторот
Им нема крај на скандалите кои ги режира организаторот на Олимписките игри во Париз.
Се започна со претставување на јужнокорејската делегација како Северна Кореја (!?) за време на церемонијата на отворање на ОИ, тогаш и беше најавена турската делегација, а на дефилето се појави Тунис и на крајот наопаку беше подигнато на јарболот олимпиското знаме.
Денес организаторот направи уште еден гаф кој спортистите од Јужен Судан нема да им го прости. Кошаркарската репрезентација на Јужен Судан, попладнево дебитираше на ОИ, но пред почетокот на мечот со Порторико, наместо нивната организаторот ја пушти химната на Судан.
Јужен Судан по долгогодишната граѓанска војна во која страдаа над 2.000.000 луѓе, во 2011 стекна независност. Тоа е најмладата држава во светот.
Публиката наклонета на африканската селекција бурно протестираше и го принуди организаторот да ја признае грешката, да го прекине интнирањето на суданската химна. Тука организаторот се најде во паника, помина време додека ја најде вистинската химна.
За тоа време публиката им аплаудираше на кошаркарите на Јужен Судан, а колку тоа им значеше на ривали сфатија и Порториканците, кои се солидализираа со публиката.
Натпреварот Јужен Судан го доби со 90:79 Најефикасен во победничкиот тим беше натурализираниот Американец, Карлик Џонс со 19 поени и по шест асистенции и скокови, Маријом Шајок постигна 15 поени, а Куол и поранешниот играч на МЗТ Скопје, Нуни Омот реализираа по 12 поени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Поради Мбапе, Реал им ги зголеми платите на Белингем и Винисиус
Реал Мадрид за по пет милиони евра им ги зголеми платите на Џуд Белингем и Винисиус Жуниор. Англичанецот и Бразилецот со ова покачување ие изедначија со Килијан Мбапе. Реал Мадрид се реши на ваков потег за да спречи евентуално незадоволство во соблекувалната, пишуваат шпанските медиуми.
Мбапе во Реал пристигна како слободен играч, па клубот бидејќи не мораше да потроши цело богатство за тој трансфер, му даде и голема плата. Со нето плата од 15 милиони евра беше меѓу најплатените, а сега исто толку ќе добијат и Белингем и Винисиус, па причина за љубомора во тимот меѓу тројцата не би требало да има.
Во однос на нивните перформанси, Мбапе и Винисиус одиграа по седум натпревари од стартот на сезоната. Французинот постигна пет гола, а Бразилецот три гола со четири асистенции. Играчот од средниот ред Белингем, кој минатата сезона воодушеви со 23 гола и 13 асистенции, се враќа од повредата. Досега одигра три натпревари и забележа една асистенција.
Спорт
Нетси во јануари ќе го пензионираат дресот на Винс Картер
Бруклин Нетс ќе го повлечат дресот со број 15 на Винс Картер пред нивниот домашен натпревар на 25 јануари 2025 година против Мајами Хит.
Дресот на Картер ќе биде седмиот „пензиониран“ од оваа франшиза, по дресовите на Дражен Петровиќ (бр. 3), Џејсон Кид (бр. 5), Џон Вилијамсон (бр. 23), Бил Мелкиони. (бр. 25 ), Џулиус Ервинг (бр. 32). и Чарлс „Бак“ Вилијамс (бр. 52).
„Возбудени сме што можеме да му оддадеме чест на поранешниот играч на Нетс, Винс Картер, кој придонесе многу за оваа организација на теренот и надвор од него. Тој е важен дел од историјата на франшизата на Нетс и со нетрпение очекуваме да му посакаме добредојде во арената оваа сезона.за да го прославиме неговото наследство“, рече извршниот директор на Нетс, Џо Цаи.
Картер, член на класата на кошаркарската Куќа на славните од 2024 година, имаше просек од 23,6 поени во текот на четири сезони со тогашниот Њу Џерси Нетс од 2004-2009 година. Картер, кој сега има 47 години, сè уште го држи рекордот на франшизата со 2.070 поени во сезоната 2006/2007 година.
Осумкратен Ол-стар и дебитант на годината во сезоната 1998/99, Картер е единствениот играч во историјата на НБА кој се натпреварувал во текот на четири децении. Првиот пик на драфтот во 1998 година се повлече по сезоната 2019/20. со 25.728 поени во 1.541 натпревар.
Спорт
Трент сака да купи клуб во Франција
Интересни вести доаѓаат од светот на фудбалот. Фудбалерот на Ливерпул, Трент Александер-Арнолд сака да го купи фудбалскиот клуб Нант од Лига 1.
Како што пренесува „Лекип“, заменик-капитенот на Ливерпул и репрезентативец на Англија води сериозни преговори со сопственикот на „Канаринците“, Валдемар Кит. Кит е сопственик на Нант од 2007 година и наводно сака да го продаде клубот.
Еден од најдобрите десни бекови во светот би влегол во овој бизнис во партнерство со конзорциумот во кој е и неговиот татко. Наводно, Кит бара 100 милиони евра, но купувачите не се заинтересирани да инвестираат толку многу, па преговорите се уште траат.
Инаку, Александер-Арнол е малцински сосптвеник во Формула 1 тимот, Алпин, заедно с актерот и сопственик на Рексам, Рајан Рејнолдс, голферот Рори Мекилрој и боксерот Ентони Џошуа.