Спорт
(Видео) Историски успех на Копенхаген, Јунајтед ја заврши сезоната во Европа, Бенфика во 92.минута обезбеди место во Лига Европа
![](https://makfax.com.mk/wp-content/uploads/2023/12/11891369.jpg)
Foto/ EPA
Копенхаген и Наполи се пласираа во осминафиналето во Лигата на шампионите. Најголеми губитници од вечерашните натпревари се Манчестер јунајтед и Салцбург.
Данскиот шампион успеа да заврши на второто место во Б групата. Зад себе ги остави фаворизираните Галатасарај и Манчестер јунајтед.
Копенхаген го доби дуелот со директниот конкурент Галатасарај. Стрелец на единствениот гол беше Лерагер во 58.минута.
Со ист резултат Баерн победи на „Олд Трафорд“ и само ја продолжи мизеријата на Манчестер јунајтед. Победата на Баварците им ја донесе Коман во 71.минута.
Во Ц групата, Реал ја забележа и шестата победа. Во Берлин славеше над Унион со 3:2, со голот на Себаљос во 89.минута. Два гола за Реал постигна Хоселу,а Модриќ при резултат 0:0 промаши пенал. За Унион головите ги постигнаа Фоланд и Крал.
Наполи ја победи Брага со 2:0, Елиф Елмас влезе на тереноот во 60.минута. Саци во деветтата минута си постигна авто гол, а во 33. стрелц беше и Осимен.
Д групата ја освои Реал Сосиедад, откако вечерва одигра 0:0 кај вицепрвакот на Еворпа, Интер.
Драматично беше во Салцбург, во дуелот за третата позиција. Бенфика го победи Салцбург со 3:1 и ќе продолжи во Лига Европа. Херој на Бенфика е Кабрал кој потигна гол во 93.минута. Претходно Ди Марија во 32.минута постигна гол од корнер, а Рафа СИлва зголеми на 0:2 во 45.минута. Единствениот гол за Салцбург е дело на Сучиќ.
Пласман во осминафиналето од Лигата на шампионите обезбедија:
Арсенал
Баерн
Манчестер сити
Реал Мадрид
Атлетико Мадрид
Барселона
Борусија Дортмунд
Интер
Лацио
РБ Лајпциг
ПСВ
Реал Сосиедад
Наполи
Копенхаген
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Импресивната техника на рекордерот Нојер
На тимот на Џулијан Нагелсман пред почетокот на групната фаза, не му беше доделена улогата на фаворит.
Тие со својата игра покажаа дека тоа е неоправдано.
Спојот на младост и искуство, како и огромниот квалитет, како на теренот, така и на клупата, беа доволни за да се продолжи од првото место – иако Швајцарија се закани во последниот меч на турнирот.
Меѓутоа, секогаш кога нешто ќе тргне наопаку во добро наместената „машина“ на Нагелсман, постои „осигурувач“ за да спречи колапс на целиот систем.
Мануел Нојер, и покрај доцните играчки години, дури и за голман, покажа дека сè уште е еден од најдобрите голмани во Европа. А тимот може да се потпре на него кога ќе пропадне последната линија.
Дополнително, импресивната техника на Нојер е од големо значење за Германците кои инсистираат на игра на додавање, но и притискање на ривалите.
Конечно, не треба да се заборави дека Германија е домаќин на Европското првенство и ќе има феноменална поддршка и поголем број навивачи од било која репрезентација на секој меч до крајот на турнирот.
Не е ни чудо, ако Германците одат во финалето на ова големо првенство.
Спорт
Не ми веруваа кој сум !?
![](https://makfax.com.mk/wp-content/uploads/2024/06/jonatan.jpg)
Помошникот на селекторот на Словачка и легенда на Наполи, Марек Хамшик, раскажа анегдота во пресрет на осминафиналето на Европското првенство против Англија в недела во 18 часот.
„Има моменти кога луѓето не ме препознаваат. Се шетав пред некој ден и група македонски фанови сакаа да се фотографираат, но сакаа фотографијата да им ја направам јас.
Го сторив тоа и им кажав дека го познавам (поранешен) капитен на Македонската фудбалска репрезентација Горан Пандев.
Не ми веруваа, но потоа проверија на „Гугл“… После тоа ме препознаа, па заедно се фотографиравме“, раскажува 36-годишниот Хамшик, сега без препознатливиот „хирокан“ познат по своите играчки денови.
Спорт
Генерална проба пред Вимблдон
![](https://makfax.com.mk/wp-content/uploads/2024/06/JOKOVITS.jpg)
Во последниот меч пред почетокот на третиот Грен слем сезонава, најдобриот српски тенисер Новак Ѓоковиќ го победи Русинот Данило Медведев со 6:3, 6:4.
Ѓоковиќ беше многу подобар на мечот против Медведев отколку на мечот против Јаник Синер, каде се пожали дека не може да погоди ниту една дијагонала.
Еден брејк му беше доволен на Србинот за првиот сет.
Новак беше сигурен на својот сервис, доминантен и во долгите и во кратките поени.
Вториот сет беше забележително понеизвесен. Медведев со брејк го отвори сетот, но Новак одговори и израмни на 4:4.
Во следниот гем Ѓоковиќ имаше три врзани брејк топки, а третата успеа да ја претвори во брејк и да дојде до решавачка предност, која ја материјализираше во следниот гем и со тоа го доби овој меч.
Новак во првото коло на Вимблдон ќе игра против Чехот Вито Коприва