Спорт
(Видео) Киксот на Шчесни го најави поразот на Јуве, Гати си постигна бизарен авто-гол
![](https://makfax.com.mk/wp-content/uploads/2023/09/11735624.jpg)
Фудбалерите на Јувентус го доживеаја првиот пораз оваа сезона во Серија. Црно-белите од Торино се поразени со 4:2 од Сасуоло во Реџо Емилија.
Јувентус нешто одигра само во првите 10 минути. Целосно потоана по 12.минута кога Шчешни лошо интервенираше по ударот на Арман Лоријен.
На „Старата дама“ не и требаше долго да израмни. По центаршут од левата страна, несмасно во својот шеснаесетник беше Матеус Виња, кој ја испрати топката во сопствената мрежа.
Јувентус продолжи да напаѓа, но тие напади беа лоши и не толку организирани, Јуве наликуваше на оној тим од минатата сезона кој немаше решение како да ја пробие ниската зона на противникот.
Доменико Берарди во 41.минута му ја врати предноста на Сасуоло.
Вториот дел целосно им припадна на играчите на Сасуоло, кој промашија неколку изгледни шанси. Промашувањата на домашните ги казни Федерико Киеза кој погоди во 78. минута за 2.2.
Надежта дека Јуве може да остане непоразен ја згасна Андреа Пинамонти, кој по лошата интервенција на Војчех Шчесни се најде на вистинското место и со глава ја испрати топката во мрежата.
За комплетирање на катастрофата за Јувентус, Федерико Гати си постигна бизарен автогол.
Foto/ EPA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Милиони за канадскиот кошаркар Мареј
Канадскиот кошаркар Џамал Мареј доби нов договор од Денвер Нагетс.
Соиграчот на Никола Јокиќ ќе добие 209 милиони долари од поранешниот шампион во НБА во следните четири години.
Тоа е максимален договор за поранешниот студент од Кентаки кој минатата сезоната имаше просек од околу 21 поен, 6 асистенции и 4 скока.
Мареј беше избран од Нагетс на драфтот во 2016 година од седмата позиција и во 2023 година беше дел од тимот кој стана шампион во НБА.
Спорт
Монако со ново засилување
Монако претстави ново засилување, а тоа е Вито Браун, поранешниот кошаркар на Пинар Каршијака.
Браун, кој ги покрива крилните позиции на центарот, потпиша двегодишен договор со тимот на Саша Обрадовиќ, а следната сезона во Евролигата ќе биде негово деби.
Досега имаше искуство само во европските натпреварувања во Лигата на шампионите на ФИБА.
Кариерата ја изгради преку развојната лига во Америка, а потоа замина во Европа, каде играше за Ле Ман, а потоа и за Реал Бетис.
Во Пинар Каршјак пристигна во 2022 година, каде запиша две солидни сезони. Во Лигата на шампионите на ФИБА, тој имаше просек од 13,3 поени со 4,6 скока.
Монако досега го доведе само Ник Калатес, но исто така направи добра работа во тимот бидејќи Мајк Џејмс и Џејрон Блосомгејм потпишаа нови договори.
Спорт
Англија со засилување
Бекот Лук Шо засилување за Англија во продолжението на Евро 2024 година.
В недела во Гелзенкирхен во осминафиналето Англиската селекција за противник ќе ја има Словачка.
Шо ги пропушти сите натпревари во групната фаза затоа што не беше во кондиција за настап, поради проблем со грбот, па од февруари беше надвор од терените.
Сепак, се чини дека сега се е во најдобар ред и дека на него ќе може да смета и селекторот Герет Саутгејт.
Кога играчот на Манчестер Јунајтед беше прашан дали е блиску до настап на турнирот, Шо им даде краток одговор – „во следниот натпревар“.
Ова секако е добра вест за Ерик тен Хаг и Манчестер Јунајтед, кои не можеа да сметаат на искусниот дефанзивец во вториот дел од сезоната.
Натпреварот меѓу Англија и Словачка се игра на 30 јуни од 18 часот