Спорт
(Видео) Меси со историски гол ги отвори квалификациите за Светското првенство
Фудбалерите на Аргентина стартуваа со победа во новиот циклус јужноамерикански квалификации. „Гаучосите“ на домашен терен го победија Еквадор со 1:0. Со минимална победа над Венецуела, во квалификациите стартуваше и Колумбија, додека Парагвај и Перу ремизираа 0:0.
Централниот меч беше меѓу светскиот првак и Еквадор, кој секако го реши Лионел Меси.
Аргентинците долго се мачеа, тешко создаваа шанси бидејќи имаа само три удари кон голот, а еден заврши во мрежата. Во 78. минута Меси ја намести топката и од слободен удар по којзнае кој пат маестрално погоди.
🇦🇷 Lionel Messi scores the winner again from a free-kick as Argentina win their opening World Cup qualifier against Ecuador (1-0).pic.twitter.com/VHM8QF9NNR
— Newell's Old Boys – English News (@Newells_en) September 8, 2023
Ова е 104. гол на Меси и 11. од слободен удар во неговиот 176. настап за Аргентина. Меси со овој гол постави неколку рекорди. Тој се израмни со Луис Суарез на првото место на табелата на најдобри стрелци во историјата на јужноамериканските квалификации за Светското првенство. Двајцата постигнаа по 29.
Тој се израмни со Роман Рикелме нпрвото место меѓу најдобрите шутери од слободни удари во историјата на јужноамериканските квалификации за Светското првенство. Меси се израмни со Џејмс Родригез како единствен со четири погодоци за победа од 1:0 во квалификациите за Светското првенство. Конечно, со голот на Меси, Аргентина ја оствари својата најдобра серија во историјата со 22. меч без пораз во квалификациите за Светското првенство.
Треба да се напомене дека Лионел Скалони мечот го започна тимот кој ја освои светската титула, минатиот декември во Катар. Единствено изненадување во стартниот состав беше Николас Гонзалес, кој во вториот дел беше заменет со Анел Ди Марија.
Како домаќин славеше и Колумбија со минимални 1:0.
Колумбијците ја победија Венецуела со голот на Боре во 46. минута.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Палмер најдобар млад играч во Премиер лигата
Фудбалерот на Челзи Кол Палмер е најдобриот млад играч во Премиер лигата оваа сезона.
Палмер, кој летово пристигна во Челси од Манчестер сити, постигна 22 гола на 33 натпревари и забележа десет асистенции.
Тој е водечка сила на сините оваа сезона, а на последните три натпревари постигна по два гола.
Тој победи во конкуренција на Александер Исак (Њукасл), Коби Мајно (Манчестер јунајтед), Букајо Сака и Вилијам Салиба (Арсенал) и Дестини Удоги (Тотенхем).
Траката за Златната копачка во Премиер лигата, Палмер ќе ја заврши на второто место зад Ерлинг Халанд од Манчестер сити, кој постигна 27 гола.
И не само тоа, 22-годишниот Палмер е номиниран и за најомилен играч на гласањето на навивачите во Премиер лигата.
Офанзивниот играч за врска на Челзи неодамна беше прогласен и за играч на месец април во Премиер лигата, откако постигна седум гола на четири натпревари.
Треба да се додаде дека тој со огромно мнозинство ја освои наградата за најдобар играч на Челзи оваа сезона.
Спорт
Салфетката на која Меси потпиша за Барселона продадена за 760.000 фунти
Салфетата на која Лионел Меси ја потпиша согласноста дека ќе и се приклучи на Барселона во 2000 година е продадена за 760.000 фунти (околу 888.000 евра), објави во петокот британската аукциска куќа Бонамс.
Бонамс првично очекуваше продажната цена да биде во опсег од 300.000 фунти до 500.000 фунти. Онлајн аукцијата траеше од 8 до 17 мај.
„Салфетката ја промени судбината и на клубот и на Меси, кој стана еден од најголемите играчи на сите времиња“, објави Бонамс.
Овој фудбалски сувенири бил внимателно чуван во сеф од Хорасио Гаџиоли, тогашниот менаџер на Меси. На салфетката не е само потписот на Меси, туку и потписите на Карлес Рексач, тогашниот спортски директор на Барселона и Хосеп Марија Мингела, скаутот за таленти кој го препозна потенцијалот на Меси.
Салфетката, која беше потпишана за време на ручекот во „La Reial Societat de Tennis Pompeia“ во Монжуик, содржи писмена обврска од Рексач.
„Во Барселона, на 14 декември 2000 година, во присуство на господата Мингела и Хорасио, Карлес Рексач, спортски директор на ФК Барселона со ова се согласува, под негова одговорност и без разлика на какви било спротивни мислења, да потпише договор со играчот Лионел Меси под услов да се држиме до договорените суми“, пишува на салфетката.
Меси, кој оттогаш освои голем број големи титули, вклучувајќи ја Лигата на шампионите и Светското првенство, имаше само 13 години кога се приклучи на академијата на Барселона, откако дојде од аргентинскиот клуб Њуелс Олд Бојс.
Спорт
Алкалоид го победи Вардар 1961, ќе се бори за трофејот во Купот
Фото/ facebook.com/rkalkaloid
Алкалоид ќе му се спротивстави на Еурофарм Пелистер во борбата за трофејот во Купот на Македонија. Вечерва, Алкалоид славеше победа над бранителот на пехарот, Вардар 1961 со 25:24 (15:13).
Со исклучок на почетните минути кога црвено-црните поведоа со 4:0, натпреварот беше изедначен, а во финишот крајно драматичен.
Во последните осум минути Алкалоид влезе со предност 24:22. Во последната минута екипата на Кире Лазаров влезе со 25:24, не го искорсит последниот напад, а Вардар 1961 во последната секунда избори седмерец.
Голамнот Галевски го одбрани ударот на Срдановиќ. Најдобар стрелец на мечот беше Мартин Серафимов со седум гола, пред Арно Бинго со шест гола.
Финалниот натпревар во СЦ „Борис Трајковски“ ќе се одигра в недела од 19:30 часот.