Спорт
(Видео) Нови победи за Баер и Штутгарт

Фудбалерите на Баер Леверкузен и Штутгарт ја продолжија низата на одлични резултати во новата сезона, во Бундес лигата. „Фармацевтите“ славеа победа во Мајнц, а „швабите“ на гостувањето во Келн.
Избраниците на Чаби Алонсо убедливо со 3:0 го победија Мајнц во шестото коло од Бундеслигата и ќе останат на лидерската позиција најмалку до следната недела.
Баер има 16 бода, пет триумфи и едно реми, а на врвот на табелата може да им се придружи и Баерн, кој во дербито од 18:30 часот е домаќин на Лајпциг.
Баер поведе во 18. минута со автоголот на Сеп ван ден Берг, а гостите на одмор заминаа со минимална предност.
Во воведниот дел од вториот дел Мајнц беше многу подобар тим на теренот, но во 59. минута Алехандро Грималдо изведе одличен слободен удар и со хируршки прецизен удар ја удвои предноста на својот тим на 2:0.
Конечниот резултат во 65. минута го постави Јонас Хофман со својот трет гол сезонава.
Штутгарт, најпријатното изненадување на шампионатот.
„Швабите“ го забележаа четвртиот последователен триумф, славеа со 2:0 на гостувањето кај Келн, вкупно петти во сезоната и со 15 бода се втори на табелата.
Неверојатниот Серху Гираси, кој постигна десет гола на првите пет натпревари, не постигна гол против Келн, но се истакна неговата замена Дениз Ундав со два гола.
Дебитантот во Бундес лигата, Ханденхајм, ја постигнаа втората победа сезонава со брилијантниот слободен удар на Јан Никлас Беста против неубедливиот Унион Берлин.
Борусија Менхегладбх со 3:1 победи во Бохум, додека Волфсбург со играч повеќе го победи Ајнтрахт со 2:0.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Јокиќ емотивно ја прослави победата на својот коњ

Во Суботица се одржа познатата трка Дужијаница, едно од најпрестижните натпреварувања на српската коњичка сцена, а победата ја однесе Демон Дел’Ест, коњ во сопственост на кошаркарот на Денвер Нагетс, Никола Јокиќ.
Иако Јокиќ е познат на теренот како ладнокрвен и резервиран играч, неговата емоционална страна доаѓа до израз кога станува збор за коњите.
Откако неговиот коњ прв ја помина целта, Јокиќ заплака од среќа и лично им честиташе на џокејот Кармине Пискуољи и на тренерот Владимир Прибиќ. Тој гордо излезе на патеката за да ја прослави големата победа заедно со нив.
„Го кажав тоа одамна, ги доживеав сите мои големи победи и порази тука, во овој спорт. Сите луѓе овде со кои заедно го правиме ова се мои пријатели, мои семејни пријатели, сите тие го доживуваат ова исто како и јас. Го правиме ова како хоби, ова е прилика да се дружиме, да се забавуваме и да уживаме во животот“, рече Јокиќ.
🃏 Nikola Jokić u suzama nakon pobede na čuvenoj Dužijanci u Subotici! pic.twitter.com/2gOWM9YZj8
— Arena Sport TV (@arenasport_tv) July 27, 2025
Спорт
Погачар го освои Тур д’Франс по четврти пат

Словенецот Тадеј Погачар е победник на 112-то издание на најпрестижната велосипедска трка во светот, Тут Д’Франс. Словенецот четврти пат во кариера победи на трката околу Франција.
Победник на последната етапа од овогодинешната Тур Д’Франс е Ваут ван Ерт, кој го престигна Погачар на третата раскрсница од последната етапа и беше првиот што помина низ Триумфалната капија во Париз.
Второто место му припадна на Италијанецот Давиде Балерини, додека Словенецот Матеј Мохориќ ја заврши етапата на третото место.
Победникот, Тадеј Погачар, го освои четвртото место во последната етапа. Претходно Погачар победи на тур Д4Франс во 2020, 2021 и 2024 година.
Поради исклучително лошите временски услови, организаторите мораа да ја скратат и последната етапа, но исходот од последната етапа не можеше да влијае на конечниот исход.
Погачар стана втор возач со четири победи на Тур Д ‘Франс, заедно со Крис Фрум. Жак Анкетил, Еди Меркс, Бернард Хино и Мигел Индуреин победиле пет пати.
💛 Si alguien tenía que robarle la foto para la eternidad a Pogacar de ganar en París vestido de amarillo tenía que ser él.
Qué salvajada de Wout van Aert. En último paso por Montmartre dejó sin respuesta a Tadej.
El ciclismo sonríe por verle a ese nivel pic.twitter.com/SOMYiZPj7x
— Alberto Marcos Gallego (@albermg) July 27, 2025
Спорт
Англичанките ја одбранија европската титула

Женската фудбалска репрезентација на Англија е шампион на Европа. Во големото финале на Европското првенство во Базел, Англија ја победи Шпанија. По 90 минути резултатот беше 1:1. И по 120 минути резултатот беше ист, 1:1, на крајот Англија победи со 3:1 на пенали.
Шпанките ја пропуштија можноста да ја комплетираат „триплетa“, бидејќи ги имаат титулите од Светското првенство и Лигата на нации, додека Англија ѝ се одмазди на Шпанија за поразот во финалето на Светското првенство во Сиднеј од пред две години.
Апсолутен херој на Англија е младата голманка Хана Хемптон, која во одбрани три пенали.
Во историјата влезе и селкторката Сарина Вигман, која е третата во историјата со три последовни титули на Европските првенства. Пред неа, тоа го постигнаа Џеро Бизанц (1989, 1991 и 1995) и Тина Тун (1997, 2001 и 2005) – обете со Германија. Вигман беше европски шампион со Холандија, а сега двапати со Англија.
Фото/ Принскрин