Спорт
(Видео) Паркер во Куќата на славните на Сан Антонио влезе со песната „Оди дома, не враќај се“
Изминатата ноќ во НБА беше одбележана со церемонија во арената на Сан Антонио Спарс. Тони Паркер влезе во Куќата на славните на клубот.
Сепак, изборот на песната што одеше додека Паркер се подготвуваше да ги добие почестите не беше најсреќен.
Рефренот на песната, во изведба на францускиот рапер Градур, гласи „не се враќај, не се враќај, земи си ги работите, оди си дома“.
Изборот на оваа песна не го навреди Паркер, но секако беше непримерен за ваков тип на церемонија истакнаа многу корисници на социјалните мрежи.
Овој мал гаф сепак не фрли сенка на големата вечер на Французинот и актуелен сопственик Асвел.
„Беше убаво да го прославиме приемот во Куќата на славните во август, но уште поубаво е да го направам тоа овде со вас. Бев носталгичен во последено време, убаво е што се потсетив на сите тие моменти, а вие сте најдобрите навивачи на светот Ви благодарам за поддршката. Вие ме прифативте. Сан Антонио е мојот дом и секогаш ќе биде. Ви благодарам од се срце“, емотивно им се обрати Паркер на навивачите пред натпреварот помеѓу Спарс и Њу Орлеанс.
Паркер беше четирикратен шампион во НБА со Сан Антонио.
Во Сан Антонио играше 17 години, до 2018 година.
Après les Dallas Mavericks et “Premier Gaou” de Magic System pour Dirk Nowitzki, on a le droit à du Gradur et Heuss l’Enfoiré avrc “Ne reviens pas” pour rendre hommage à Tony Parker … 💀💀💀pic.twitter.com/mIhKQwoyBD
— 🇫🇷 Dylan Veerasamy 🇲🇺 (@DylanVeerasamy) December 17, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Палмер најдобар млад играч во Премиер лигата
Фудбалерот на Челзи Кол Палмер е најдобриот млад играч во Премиер лигата оваа сезона.
Палмер, кој летово пристигна во Челси од Манчестер сити, постигна 22 гола на 33 натпревари и забележа десет асистенции.
Тој е водечка сила на сините оваа сезона, а на последните три натпревари постигна по два гола.
Тој победи во конкуренција на Александер Исак (Њукасл), Коби Мајно (Манчестер јунајтед), Букајо Сака и Вилијам Салиба (Арсенал) и Дестини Удоги (Тотенхем).
Траката за Златната копачка во Премиер лигата, Палмер ќе ја заврши на второто место зад Ерлинг Халанд од Манчестер сити, кој постигна 27 гола.
И не само тоа, 22-годишниот Палмер е номиниран и за најомилен играч на гласањето на навивачите во Премиер лигата.
Офанзивниот играч за врска на Челзи неодамна беше прогласен и за играч на месец април во Премиер лигата, откако постигна седум гола на четири натпревари.
Треба да се додаде дека тој со огромно мнозинство ја освои наградата за најдобар играч на Челзи оваа сезона.
Спорт
Салфетката на која Меси потпиша за Барселона продадена за 760.000 фунти
Салфетата на која Лионел Меси ја потпиша согласноста дека ќе и се приклучи на Барселона во 2000 година е продадена за 760.000 фунти (околу 888.000 евра), објави во петокот британската аукциска куќа Бонамс.
Бонамс првично очекуваше продажната цена да биде во опсег од 300.000 фунти до 500.000 фунти. Онлајн аукцијата траеше од 8 до 17 мај.
„Салфетката ја промени судбината и на клубот и на Меси, кој стана еден од најголемите играчи на сите времиња“, објави Бонамс.
Овој фудбалски сувенири бил внимателно чуван во сеф од Хорасио Гаџиоли, тогашниот менаџер на Меси. На салфетката не е само потписот на Меси, туку и потписите на Карлес Рексач, тогашниот спортски директор на Барселона и Хосеп Марија Мингела, скаутот за таленти кој го препозна потенцијалот на Меси.
Салфетката, која беше потпишана за време на ручекот во „La Reial Societat de Tennis Pompeia“ во Монжуик, содржи писмена обврска од Рексач.
„Во Барселона, на 14 декември 2000 година, во присуство на господата Мингела и Хорасио, Карлес Рексач, спортски директор на ФК Барселона со ова се согласува, под негова одговорност и без разлика на какви било спротивни мислења, да потпише договор со играчот Лионел Меси под услов да се држиме до договорените суми“, пишува на салфетката.
Меси, кој оттогаш освои голем број големи титули, вклучувајќи ја Лигата на шампионите и Светското првенство, имаше само 13 години кога се приклучи на академијата на Барселона, откако дојде од аргентинскиот клуб Њуелс Олд Бојс.
Спорт
Алкалоид го победи Вардар 1961, ќе се бори за трофејот во Купот
Фото/ facebook.com/rkalkaloid
Алкалоид ќе му се спротивстави на Еурофарм Пелистер во борбата за трофејот во Купот на Македонија. Вечерва, Алкалоид славеше победа над бранителот на пехарот, Вардар 1961 со 25:24 (15:13).
Со исклучок на почетните минути кога црвено-црните поведоа со 4:0, натпреварот беше изедначен, а во финишот крајно драматичен.
Во последните осум минути Алкалоид влезе со предност 24:22. Во последната минута екипата на Кире Лазаров влезе со 25:24, не го искорсит последниот напад, а Вардар 1961 во последната секунда избори седмерец.
Голамнот Галевски го одбрани ударот на Срдановиќ. Најдобар стрелец на мечот беше Мартин Серафимов со седум гола, пред Арно Бинго со шест гола.
Финалниот натпревар во СЦ „Борис Трајковски“ ќе се одигра в недела од 19:30 часот.