Спорт
(Видео) Светски рекорд за Сјостром и штафетата на Австралија, Ледецки доминира на 800 метри краул
Сара Сјостром, Кејти Ледецки и мешаната штафета 4×100 метри на Австралија го обележа денот на Светското првенство во пливање. Сјостром и Австралиците поставија нови светски рекорди, а Ледецки влезе меѓу легендите, откако го освои шестиот златен медал во дисциплината 800 метри слободно.
И покрај тоа што има 30 години,Сјостром се уште е една од најдобрите пливачки во светот. Швеѓанката за само десет минути повторно ја фасцинираше планетата на Светското првенство во Фукуока.
Таа прво славеше во финалето на трката 50 метри со делфини. Победи со време 24.77 секунди и стигна до своето 12 злато на планетарните првенства во големи базени, а на своето конто има вкупно 21 медал. Џанг од Кина беше втора со 25.05, додека Американката Волш заврши на третото место со 25.46.
Само десет минути подоцна Сјостром се појави на стартот од полуфиналето на 50 слободно и потврди дека е најбрзата пливачка во историјата. Таа го помести сопствениот рекорд од 23.67 на 23.61 секунди. За новиот светски рекорд таа беше наградена со 30 илјади долари.
🇸🇪Sarah Sjostrom betters her own World Record setting the bar at 23.61 🤩😱#AQUAFukuoka23 pic.twitter.com/R32q1CpM2p
— World Aquatics (@WorldAquatics) July 29, 2023
Австралија го заокружи одличниот ден за своите пливачи со очекуван триумф во мешана (двајца мажи и две жени) штафета 4×100 слободно, зачинета со светски рекорд. Картрајт, Чалмерс, Џек и Моли О’Калахан ја минаа целта за 3:18.83 минити за да ја надминат сопствената граница од соништата (3:19.39). САД беа втори, а Велика Британија трета.
Кејти Ледеки го надмина Мајкл Фелпс по бројот на златни медали на светските првенства. Американката победи на 800 слободно со време од 8:08.87 и се искачи на врвот на вечната листа со 16 златни медали. Ледецки владее во оваа дисциплина од Барселона 2013 година и има вкупно шест златни медали.
Втор беше Кинската Ли со 8:13.31, додека трета заврши Тимус од Австралија (8:13.59).
Литванката Рута Меулитите го израмни светскиот рекорд во дисциплината 50 метри градно во полуфиналето. Таа сега го дели најдоброто време во историјата со Италијанката Бенедета Пилато со 29.30 секунди.
🇱🇹Ruta Meilutyte equals Pilato's WORLD RECORD in the 50 Breast! 😱 // ⏱️ 29.30 #AQUAFukuoka23 pic.twitter.com/iNWUcfdyY3
— World Aquatics (@WorldAquatics) July 29, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ројс со пиво почести 80.000 навивачи
Фудбалерот на Борусија Дортмунд, Марко Ројс го одигра последниот натпревар на „Вестфален“, пред домашните навивачи.
Во последното коло од Бундес лигата Дортмунд, вчера победи против Дармштад со 4:0, а меѓу стрелците се запиша и Ројс. Од слободен удар го постигна вториот гол на натпреварот.
Ројс ги почести сите 80.000 фанови со пиво со порака на прошталниот натпревар.
„Во благодарам за се! Последната тура пиво е на мене”.
Германецот по 12 години ја напушта Борусија, а колку се емотивни неговите соиграчи и навивачи покажува кореографијата што му ја подготвија.
На Ројс му останува уште еден натпревар, а тоа е финалето од Лигата на шампионите на 1 јуни против Реал Мадрид на „Вембли“.
Dortmund reverencia Marco Reus. Hoje a festa é sua, craque! 👏🟡⚫️#BundesligaNoSportv pic.twitter.com/DyEIvSxW0s
— sportv (@sportv) May 18, 2024
Спорт
(Видео) Дончиќ и Далас во финалето на Западот
Кошаркарите на Далас ја победија Оклахома со 117:116 и се пласираа во финалето на Западната конференција.
Маверикс со вкупен резултат 4:2 го победија Тандер, тимот кој регуларниот дел од сезоната го заврши на првото место на Западот.
Победничките поени за Далас ги постигна Пи Џеј Вашингтон од линијата за слободни фрлања на 2,5 секунди до крајот, поточно го погоди првото, а намерно го промаши второто, а во преостанатото време играчите на Тандер имаа само време да шутираат од својата половина и не успеаја да реализираат.
Оклахома пропушти голема шанса да избори мајсторка бидејќи во третата четвртина имаше предност од 17 поени.
Херој на Маверикс, како и обично, беше фантастичниот Словенец Лука Дончиќ, кој блескаше и оствари трипл-дабл со 29 поени и по 10 скока и асистенции.
Трагичар на Оклахома беше нејзиниот најдобар играч, Шај Гилџис-Александер, кој го фаулираше Вашингтон. Најефикасниот кошаркар на натпреварот постигна дури 36 поени.
Спорт
(Видео) Усик го победи Фјури – Светот доби апсолутен шампион во тешка категорија
По 24 години светот на боксот има апсолутен шампион во тешка категорија. Тоа е Украинецот Александар Усик, кој по 12 извонредни рунди го совлада Британецот Тајсон Фјури во долгоочекуваниот меч.
Двајца судии гласаа за Усик (114-113 и 115-112), а еден за Фјури (114-113).
Усик тргна подобро, беше поагресивен во почетната фаза од мечот, но во шестата рунда се чинеше дека Украинецот е многу далеку од победа бидејќи беше разнишан од одличните комбинации на „кралот на циганите“.
Сепак, во деветтата рунда, Усик покажа зошто е еден од најголемите борци на својата генерација и со фантастичен бокс и различни притисоци, го нокаутира својот ривал.
Можеби судијата тука требаше да го прекина мечот, затоа што Фјури доби голем број на удари без активно да се брани и возврати. Гонгот на крајот од рундата го спаси видно дезориентираниот Фјури, а се чинеше дека Украинецот ќе успее да дојде до престана победа во следната рунда.
Сепак, Фјури „преживува“ до крајот на 12. рунда, но Украинецот победи на поени.
Борбата се одржа пред преполната „Кингдом арена“ во Ријад, а Усик сега е сопственик на сите главни титули на денешницата, во верзиите на ВБА, ВБЦ, ИБФ, ВБО (како и помалку значајната ИБО), титулата на списанието „Ринг“, како и титулата линеален шампион на светот.
Усик има совршени 22-0 како професионалец.
HOW did Tyson Fury survive this from Oleksandr Usyk 🤯 pic.twitter.com/49IbID0yNl
— Happy Punch (@HappyPunch) May 18, 2024