Спорт
(Видео) Грчкиот селектор во солзи: Моја грешка го реши финалето, извинете
Грчката ватерполо репрезентација дожиева пораз од Унгарија во финалето на Светското првенство и со тоа ја пропушти совршената можност за првпат да ја земе титулата.
Ова е прво сребро за Грците на Мундијалите по три бронзи (2005, 2015, 2022).
Одговорноста за поразот, кој дојде по 10:10 во регуларниот дел и седум серии пенали, ја презеде тренерот Тодорис Влахос.
Тој се обвинува себеси за потегот кога резултатот беше 10:10 на 36 секунди до крајот кога Грците тргнаа на контра, но тој повика тајм-аут за да ја подготви последната акцијата.
Во продолжение Грците не успеаја да организираат напад за победа.
Грчкиот селектор по мечот пред камерите на националната телевизија призна дека направил голема грешка кога побарал тајм-аут, знаејќи дека го прекинал евентуалниот победнички напад на својот тим.
„Ја направив најголемата грешка во животот, која го реши финалето. Имавме ситуација два на еден да ја погодиме мрежата, а јас побарав тајм-аут… Тоа е најголемата грешка што сум ја направив, во таков важен момент за репрезентацијата. Им се извинувам на моите играчи и на целиот свет“, изјави Влахос видно вознемирен, емотивен, со солзи во очите.
Με δάκρυα στα μάτια ζήτησε συγγνώμη από τους παίκτες του
ο Βλάχος: "Έκανα το μεγαλύτερο λάθος της ζωής μου" 🇬🇷 pic.twitter.com/GfNZVbFn8F— ΕΛΛΑΔΑ 24 (@ellada24) July 29, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Почина легендарниот Бил Волтон
Легендарниот центар, член на Куќата на славните, е роден на 5 ноември 1952 година во Калифорнија. За време на неговата колеџ кариера играше за Универзитетот Ју-Си-Ел-Еј.
Бил Волтон пристигна во Портланд Трејл Блејзерс како прв пик на драфтот во 1974 година. Во текот на кариерата играше за Портланд, Лос Анџелес Клиперс, Бостон Селтикс.
Тој беше двократен шампион НЦАА шампион и двократен шампион во НБА (по една титула освои со Портланд и Бостон).
Волтон беше МВП на финалната серија во 1977 година во дресот на Портланд.
Двапати учествуваше на Ол-стар натпреварите, освои многу индивидуални награди, беше најдобар шести играч во НБА, најдобар во скокови и блокади.
Својата НБА кариера ја заврши со просек од 13,3 поени, 10,5 скока и 3,4 асистенции по натпревар.
Спорт
Емери го продолжи договорот со Астон Вила
Менаџерот на Астон Вила, Унаи Емери, потпиша нов петгодишен договор со клубот од Бирмингем. Шпанецот ќе остане на „Вила парк“ до 2029 година.
По фантастичната сезона во Премиер лигата, Астон Вила обезбеди пласман во Лигата на шампионите следната сезона, а голема заслуга за тоа има шпанскиот тренер.
Унаи Емери (52) пристигна на „Вила Парк“ од Виљареал во октомври 2022 година, кога клубот беше на 17. место во Премиер лигата. Во истата сезона ги предводеше до седмото место, а оваа сезона ја заврши на четвртата позиција зад Манчестер сити, Арсенал и Ливерпул.
Поранешниот менаџер на Севилја, ПСЖ и Арсенал оваа сезона ја одведе Астон Вила до полуфиналето на Конференциската лига во првата европска кампања на клубот од Бирмингем по 13 години.
Спорт
Фабрицио Романо: Челзи има нов тренер
Енцо Мареска (44) наскоро ќе го преземе Челзи, пренесува трансфер инсајдерот Фабрицио Романо. Мареска, пред две недели го врати Лестер во Премиер лигата, а Романо пренесува дека веќе ја прифатил понудата од „Стенфорд Бриџ“.
Италијанецот ќе потпише двегодишен договор со опција за продолжување на уште една година. Остануваше уште клубовите да се договорат околу обесштетувањето. Челзи сака Мареска да го преземе тимот уште оваа недела.
Ова е трета самостојна работа на Мареска на сениорско ниво, откако претходната сезона беше дел од стручниот штаб на Пеп Гвардиола во Манчестер сити, каде придонесе за освојување на тројната круна.
Претходно раководеше со У-23 тимот на Сити, од кој замина во Парма, но таа епизода беше неуспешна, па набрзо повторно се врати во стручниот штаб на Гвардиола.
Како фудбалер кариерата ја градеше во ВБА, Јувентус, Болоња, Пјаченца, Фиорентина, Севилја, Олимпијакос, Малага, Сампдорија, Палермо и Верона. Тој се пензионираше пред шест години.