Спорт
(Видео) Топката не ја минала гол-линијата – Останува прашањето зошто Шпанците немаат гол технологија
Дали топката ја мина гол-линијата или не? Од Каталинија се бесни на судијата Сото Градо и неговите колеги во ВАР собата, убедени се дека по ударот на Ламине Јамал, голманот Лунин од голот ја исфрли топката во поле.
Спорниот момент во синоќешното Ел Класико, повотрно ја отвори дебатата зошто во шпанската Ла Лига не постои гол-технолигијата?
Тоа по натпреварот го потенцираше капитенот на Барселона, Марк Андре тер Штеген.
„Технологијата за гол линијата не е економско прашање, туку прашање на имплементација. Во текот на сезоната имаме четири-пет ситуации во кои би можеле да го примениме. Судијата Матеу Лахоз ни кажа дека во 99 проценти од ситуациите судиите гледаат дали е гол или не. Исто така, оваа технологија има грешки и не е совршена. За се што ни треба во овие ситуации, можеме да користиме ВАР и не планираме воведување на „Око соколово“ бидејќи тоа не ни е потребно“, изјави претседателот на шпанската Примера Хавиер Тебас пред почетокот на сезоната кога по којзнае кој пат го прашаа за воведување видео технологија на гол линијата.
Сепак, виновни се и клубовите. Пред една година тогашниот претседател на шпанската фудбалска федерација Луис Рубиалес изјави дека се е до клубовите.
„Ова не е услуга која ја плаќа Федерацијата или Лигата, туку клубовите. Кога ќе одлучат да платат 2.000.000 евра, нема да имам ништо против воведување нови технологии“.
Клубовите не се договорија и не платија. Иронијата е што ова лето Барселона гласаше за продолжување на мандатот на Хавиер Тебас, па дури и зголемување на неговата плата на неверојатни 5.400.000 евра годишно. Реал беше против тоа. Ниту еден од двата клуба не го покрена прашањето за воведување на „Око соколово“.
Инаку, синоќа, францускиот „Канал+“ со своите стручњаци, ја реши мистеријата. Според нив одлуката на Сото Градо била исправна, односно топката не ја минала гол-линијата.
Both Being Sport + Canal+ released the footage of the ball.
The ball didn't entirely cross the line.
& it's not Real Madrid's fault that Laliga doesn't have a goal line technology.
BARCA actually voted for Tebas salary increment while Real Madrid was against it.
So, deal with it pic.twitter.com/Dr4bFB2WCZ— Ksquare (@kunlexco001) April 22, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ландо Норис го победи Ферстапен на ГН на Мајами
Ландо Норис ја забележа првата победа во кариерата. Возачот на Мекларен победи на трката за Големата награда на Мајами. Ова е прва победа за Мекларен од 2021 година кога Даниел Рикардо победи во Монца. Норис во Мајами победи пред Макс Ферстапен (Ред Бул) и Шарл Леклер (Ферари).
Норис, трката во Мајами ја стартуваше од петтата позиција, која ја загуби на стартот, но како што одминуваа круговите тој беше најбрзиот човек на патеката. Најбрзиот круг го возеше во 25 круг, кога дел од неговите конкуренти ги сменија гумите.
За одличното возење го „погледна и среќата“. Поради инцидентот меѓу Магнусен и Сарџент, во 28.круг на патеката излезе возилото за безбедност. Норис го искорсти влезе во боксот и се врати на челната позиција.
Откако возилото за безбедност ја напушти патеката, Норис на чиста брзина ја доби борбата со Ферстапен.
Британецот со деби победата ја прекина доминацијата на Ферстапен во Мајами, кој имаше шест последовни победи на оваа патека.
Бодови во Мајами освоија: Карлос Саинц (Ферари), Серхио Перез (Ред Бул), Луис Хамилтон (Мерцедес), Јуки Цунода (РБ), Џорџ Расел (Мерцедес), Фернандо Алонсо (Астон Мартин) и Естебан Окон (Алпин).
Спорт
Реми во дербито меѓу Рома и Јувентус
Рома и Јувентус освоија по еден бод, откако во дербито на 35.коло одиграа 1:1, на „Олимпико“ во Рим.
Рома никако не може да биде здоволна со бодот бидејќи си го компромитира пласманот во Лигата на шампионите. Италија наредната сезона ќе има пет екипи во Лигата на шампионите, а Рома на петтото место има три бода и два натпревари повеќе од Аталанта.
Натпреварот почна добро за Рома, Лукаку се најде на вистинското место во вистинско време и му донесе водство на својот тим во 15. минута.
Јувентус после тоа не сакаше да тактизира, избраниците на Масимилијано Алегри тргнаа во напад, а во 31.минута ја искористија грешката во одбраната на Рома. Резултатот го изедначи Бремер.
До крајот на мечот Јуве беа поблуску до победата. Киеза ја погоди стативата во 47.минута, а потоа голманот Свилар имаше две добри интервенции.
Спорт
Рубљов го освои Мастерсот во Мадрид
Рускиот тенисер Андреј Рубљов победи на Мастерсот во Мадрид.
Рубљов во финалето го совлада Канаѓанецот Феликс Оѓер-Алиасим по три сета, со пресврт 4:6, 7:5, 7:5 по два часа и 49 минути игра.
Рускиот тенисер во главниот град на Шпанија ја освои втората титула од серијата 1000, а воедно осмиот тенисер во светот стана првиот во кариерата кој победил на Мастерсот во Мадрид и во сингл и во двојки.
Русинот лани во Монте Карло го освои првиот трофеј на турнирите од серијата 1000, а за 27-годишниот Русин ова е 16. титула во кариерата, втора во 2024 година.