Спорт
(Видео) Вознемирувачки сцени во Сао Пауло: фудбалер на Насионал се онесвести среде натпревар
Сао Паоло рутински го елиминира Насионал од Монтевидео во Копа Либертадорес. По 0:0 во првиот меч во Уругвај, бразилскиот тим на домашен терен победи со 2:0, со головите на Бобадиља и Калери.
Четвртфиналниот реванш на стадионот „Мурумбу“ остана во сенка ужасната сцена од 85.минута, кога дефанзивецот на Насионал, Хуан Искијердо, колабираше на теренот.
Que imagem assustadora, velho
Melhoras e forças ao jogador do Nacional pic.twitter.com/wRnUr8Gxoy
— colunatricolor (@colunatricolor) August 22, 2024
Неколку минути медицинскиот тим му укажуваше помош на теренот, а потоа со амбулантно возило фудбалерот е пренесен во болница. Според реакциите на играчите на теренот се чини дека со Искијердо ќе биде се во ред.
Juan Izquierdo, defensor de Nacional, se descompensó en pleno partido ante São Paulo en el Morumbí 🏆⚠️
➜ Fue atendido rápidamente y salió en ambulancia. Desde este espacio deseamos que no sea nada grave 🙏pic.twitter.com/15isquSF75
— Out of Context Libertadores (@OoCLibertadores) August 22, 2024
Инциденти имаше и на трибините, гостинските навивачи се судрија со полицијата, по што настана стампедо и право е чудо како никој не е повреден.
Otro:pic.twitter.com/99I7pPosUM
— Out of Context Libertadores (@OoCLibertadores) August 22, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Му платија 700 милиони долари, веднаш направи нешто што МЛБ досега не видела
Јапонскиот бејзбол играч Шохеи Охтани, изминатата ноќ, влезе во историјата на МЛБ.
Шохеи Охтани дојде во Лос Анџелес Ејнџелес како фрлач (pitcher) и веднаш стана голема ѕвезда бидејќи правеше работи кои не се видени во модерниот спорт, а тоа е да игра и во поле и покрај тоа што е фрлач.
Јапонецот уриваше рекорди во фрлања и погодоци (хоум ран), па го привлече вниманието на градскиот ривал Лос Анџелес Доџерс кој му плати дури 700 милиони долари.
Овој 10-годишен договор е најголемиот во историјата на спортот, а лудилото допрва ќе следи бидејќи Шохеи Охтани направи нешто што досега не е видено.
Шохеи Охтани игра на позицијата удирач и стана првиот играч во историјата на МЛБ кој има 50 хоум ран (погодок кога топката оди преку трибините и не може да се фати) и 50 украдени бази (кога играчот ќе стигне до базата пред да дојде топката до неа).
„Овој спорт се игра повеќе од 200 години, никој во историјата на лигата не го направил она што него му успеа“, изјави тренерот на Лос Анџелес Доџерс, Дејв Робертс.
Рекордот беше соборен во Мајами за време на натпреварот помеѓу Доџерс и Марлинс, во седмиот ининг Охтани влезе во историјата.
Спорт
Симеоне: Овој формат на ЛШ ве тера да играте на победа
Тренерот на Атлетико Мадрид, Диего Симеоне изјави дека е задоволен од исходот на натпреварот против Лајпциг.
Фудбалерите на Атлетик во четвртокот го победија Лајпциг со 2:1, во натпреварот од првото коло во Лигата на шампионите.
Шпанскиот клуб победи со голот на дефанзивецот Хосе Марија Хименез во 90. минута.
„Овој формат нè принудува да победиме, од нерешен резултат има малку корист. Целосно сум задоволен, натпреварот беше многу добрар. Ова ќе го кажев и доколку завршеше нерешено. Игравме на различни начини и со различни играчи. Играчите добро го протолкуваа тоа и добивме важен натпревар. Се се одвиваше онакак како што замисливме, контролиравме 80 проценти од играта“, изјави Симеоне по мечот.
Клубот од Мадрид во недела ќе му гостува на Рајо Ваљекано во шестото коло од шпанската лига.
Спорт
Ембид ќе заработува 64 милиони долари по сезона
Џоел Ембид е еден од најдобрите центри во денешната НБА и е член на Филаделфија ’76 од почетокот на кариерата.
Според Шемс Чаранија, моментално единствениот активен НБА инсајдер, Филаделфија ќе му плати на Џоел Ембиид 193 милиони долари во следните три сезони.
Максималниот договор трае до 2028/29 година и тоа значи дека Ембид ќе заработува 64,33 милиони долари годишно, или ќе инкасира над 301 милион долари за пет години со стариот максимален договор.
Тоа е еден од најголемите договори во историјата на НБА.
Ембид дојде од Универзитетот Канзас во НБА во 2014 година кога Фили го избра од третата позиција на драфтот. Тој беше МВП во 2023 година и член на идеалната петорка.
Ембид е седумкратен Ол-стар, двапати водечки стрелец во лигата, четири пати член на втората најдобра петорка во лигата и три пати се најде во вториот најдобар одбранбен тим во лигата.