Спорт
Вињалес ја прекина доминацијата на Дукати во Катар
Маверик Вињалес и фабричката Јамаха покажаа дека ќе се најсериозни кандидати за Мото ГП титулата оваа сезона, откако Шпанецот го презеде водството на првата трка од сезоната, Катар ГП во Лосаил во вториот дел од трката и стигна до доминантна победа, додека за второто место имаше трилер-завршница во последниот круг, за Жоан Зарко да го совлада Франческо Бањаја, кој беше лидер на почетокот.
Дукати имаше две победи во последните две трки во Катар, и двата италијански мотоцикли беа доминантни на стартот, но Вињалес по спориот старт успеа да се врати во игра.
Бањаја во Дукати го заддржа првото место за Дукати на стартот, додека неговиот колега Џејк Милер, Жоан Зарко и дебитантот Хорхе Мартин ја покажаа силата на италијанскиот мотоцикл на првата кривина, поминувајќи ги возачите на Јамаха.
Мартин и Зарко се бореа за третото место, додека фаворитот Франко Морбидели падна на 20. место. По првиот круг, триото на Јамаха, Вињалес, Фабио Квартараро и Валентино Роси се регрупираа и почнаа да се придвижуваат напред. Вињалес го помина третопласириот Квартараро во 11. круг, два круга подоцна го мина и Зарко, а во 14. круг на ред да дојде Бањаја за во претпоследниот круг да направи разлика од 1.6 секунди. Ова е деветта победа во кариерата на Шпанецот.
Жоан Мир од 10. место на стартот стигна до второто место за Сузуки, откако го помина Зарко во претпоследната кривина, меѓутоа актуелниот шампион потоа направи грешка и дозволи Зарко и Бањаја да го победат и да го остават на четвртото место.
Квартараро беше на петтото место во Јамаха, Алекс Ринс беше шести за Сузуки, пред Алеш Еспархаро (Априлија) и неговиот брат Пол Еспархаро (Хонда), а Валентино Роси беше само на 12. место.
What a start to 2021! ?@mvkoficial12 overcomes the Ducatis to claim victory as @JohannZarco1 and @PeccoBagnaia deny @JoanMirOfficial late on! ?#QatarGP ?? pic.twitter.com/DHYRTJvfeZ
— MotoGP™? (@MotoGP) March 28, 2021
Dream start to 2021 for @mvkoficial12! ?
And a victory dedicated to a special someone in his life! ❤️#QatarGP ?? pic.twitter.com/YtVNqkrMJG
— MotoGP™? (@MotoGP) March 28, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Со селфи од брзата помош Карвахал потврди дека ги скинал лигаментите
Реал го победи Виљареал со 2:0 во дербито од 9. коло во Примера, но победата има горчлив вкус поради повредата на Дани Карвахал.
Десниот бек на Реал во 92.минута го повреди коленото, на носилки беше изнесен од теренот.
Околу 2 часа по полноќ, Каравахл на Инстаграм објави селфи од брзата помош и ги потврди црните прогнози.
„Потврдена ми е тешка повреда на вкрстените лигаменти. Морам да одам на операција и нема да играм неколку месеци. Со нетрпение очекувам да почнам да закрепнувам и да се вратам како ѕвер. Ви благодарам на сите за пораките“.
Карвахал е позитивен и покрај се, но оваа повреда обично значи долго отсуство од терените, кое трае приближно осум до десет месеци. Тоа значи дека неговата сезона е практично завршена.
Ова е огромен удар за Реал бидејќи Карвахал е незаменлив на позицијата десен бек.
Негова замена е Лукас Васкез, но освен него Реал нема ниту еден десен бек. Шпанските медиуми пишуваат дека поради ова сигурно е дека Реал ќе мора да реагира во зимскиот преоден рок.
Спорт
Бањаја победи во Јапонија, Мартин стартуваше 11. заврши втор
Возачот на Дукати, Франческо Бањаја, триумфираше на Големата награда на Јапонија, 16.трка во Мото ГП шампионатот.
Актуелниот шампион водеше од почеток до крај за неговата прва победа на патеката Мотеги во кралската класа, и негова осма во сезоната. Најблиску до Бањаја беше Хорхе Мартин од Прамак Дукати. Шпанецот возеше неверојатна трка која ја започна од 11.место. На третото скалило на подиумот се најде возачот на Гресини, Марк Маркез.
Ваквиот исход значи дека Бањаја ја намали разликата во однос на Мартин на 10 поени, а до крајот на сезоната остануваат уште четири трки.
Бањаја на стартот го мина Педо Акоста кој стартуваше од пол-позицијата, додека Мартин направи пробив и по само неколку свиоци од 11. дојде до четвртото место.
Возачот на Гас Гас, Акоста се задржа на втората позиција, а потоа излета во четвртиот круг, се врати во трката, но се повлече во 15. круг.
Тогаш Мартин стигна до второто место, во еден момент дојде на седум десетинки од Бањаја, но во ниту еден момент не можеше да му се закани. Бранителот на титулата го зголеми темпото на половина од трката,
Мартин во финишот заостануваше секунда и пол зад Бањаја
Шампионатот во Мото ГП продолжува со Големата награда на Австралија од 18 до 20 октомври.
Спорт
(Видео) Победата на Реал во сенка на повредата на Карвахал
Реал Мадрид го победи Виљареал со 2:0 во деветотот коло, во Примера. Со овој триумф Реал се изедначи на првото место со Барселона, која утре му гостува на Алавес.
Реал ја потона „жолтата подморноца“ со две торпеда, на Валверде во 14. и Винисиус Жуниор во 73.минута. Виљареал имаше свои шанси кои не ги искористи. Пеп во првото полувреме веднаш по голот на Валверде ја погоди гредата. Во финишот добија пенал, но судијата го поништи откако ВАР покажа дека на пеналот му претходел офсајд.
Интересно Реал на овој натпревар упати само три удари во рамките на голот, два од нив завршија зад грбот на Кунде.
Реал победи, но прашање е колку скапо ја плати победата. Винисиус Жуниор во 78.минута поради повреда на рамото го напушти теренот, а во самиот финиш на натпреварот се повреди и Карвахал, кој мораше да биде изнесен од теренот.