Астон Вила е еден од најактивните клубови во зимскиот преоден рок. На „Вила парк“, пристигнаа Лука Дињ и Филипе Кутињо, а следна цел на менаџерот Стивен Џерард е играчот на Јувентус, Родриго Бентанкур.

Астон Вила ги отвориле преговорите со Јувентус, околу уругвајскиот репрезентативец, објави Би-би-си.

Бентанкур од летото 2017 година е играч на Јувентус. Во тој преоден рок, Јувентус на Бока јуниорс им платија 15.700.000 евра. Договорот на Бентанкур истекува во јуни 2024 година.

Сезонава, Уругваецот има одиграно 26 натпревари за Јувентус.

Се шпекулира дека Астон Вила за неговите услуги ќе треба да плати околу 25.000.000 евра.

Антонио Конте пречкртал петмина фудбалери, тие до крајот на преодниот рок ќе треба да го напуштат Тотенхем, во спротивно ќе седат на трибините.

Изнеандувачки е што на оваа листа се наоѓа Стивен Бегвајн, режисерот на сензационалниот пресврт на Тотенхем против Лестер, во минатото коло. На трансфер листата се наоѓа и најскапиот играч во клупската историја, Тунгај Ндомбеле.

Нов клуб можат да си бараат аргентинскиот репрезентативец, Џовани Ло Селсо, Деле Али и младиот Шпанец, Брајан Хил.

Деле Али веројатно ќе се обиде во Њукасл да ја врати кариерата на вистинскиот пат, за Ло Селсо постои интерес од Севилја, но прашање е колку е ова реално бидејќи Аргентинецот е поранешен играч на Бетис.

Брајан Хил, кој има голем потенцијал и кој пристигна од Севилја во летниот преоден рок, сезонава има одиграно само 85 минути во Премиер лигата. Тотен хем смета дека е најдобро вториот дел од сезоната да го мине во клуб каде што ќе има поголема минутажа. Наводно Валенсија сака да го донесе на позајмица до крајот на сезоната.

За Ндомбеле интерес покажува ПСЖ. Дел од медиумите најавуваат дека е можна размена на двата клуба, Ндомбеле за Жоржињо Вајналдум.

Стефанос Циципас успеа да се пласира во четврт-финалето на Австралија опен. Гркот, по голема борба, со пресврт го победи Тејлор Фрис 4/6, 6/4, 4/6, 6/3, 6/4.

Мечот кој траеше три часа и 26 минути го реши искористеноста на брејк шансите. Фриц нна Циципас му понуди пет шанси за брејк, од кои Гркот искористи три. Од друга страна Циципас спаси 13 од 15.брејк топки што му ги понуди на Американецот.

Циципас имаше еден винер и седум грешки повеќе од Фриц повеќе (53/52, 44/37).

Клучниот брејк, Гркот го направи во деветтиот гем од петтиот сет.

Циципас во четврт-финалето ќе игра против Јаник Синер. Младиот Италијанец, во три сета го декласира домашниот тенисер, Алекс де Минор.