Спорт
Во 2011 Суарез беше казнет 8 меча за „negrito“, сега Јунајтед велат дека тоа е „невин“ збор

Единсон Кавани се извини за постот на социјалните мрежи кој предизвика бура на реакции во Англија и предизвика истрага од Фудбалската асоцијација (ФА), откако одговори со „Gracias, negrito“ на еден комплимент од негов пријател.
33-годишниот Уругваец постигна два гола и беше човек на одлука при 3:2 победата на „ѓаволите“ над Саутемптон, но зборот „negrito“, иако во јужноамериканските земји нема расистичка конотација, во Англија се сфаќа сосема поинаку.
„Пораката која ја пратив по натпреварот беше наменета како поздрав до мојот пријател, благодарност за честитките кои тој ми ги упати по мечот. Последното нешто што сакав да го направам е да навредам некого, бидејќи сум целосно против расизмот. Ја избришав пораката кога ми беше објаснето дека во Англија може да биде протолкувано поинаку. Би сакал искрено да се извинам за тоа“, напиша Кавани.
Бернардо Силва од Манчестер сити доби суспензија од еден меч и казна во 2019 поради пост на социјалните мрежи во кој Бенжамин Менди го спореди со лик од чоколадо, а Деле Али од Тотенхем оваа година доби казна од еден меч за шега кон Кинезите поради корона вирусот.
Уште поинтересно, во 2011 година, тогашниот напаѓач на Ливерпул и сонародник на Кавани, Луис Суарез доби казна од осум меча за користење на истиот збор „negrito“ кон францускиот фудбалер на Манчестер јунајтед, Патрис Евра. Ливерпул тогаш носеа маички со ликот на Суарез барајќи намалување на казната, но таа остана.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Пикси е новиот селектор на Србија

Драган Стојковиќ-Пикси официјално е менуван за селектор на фудбалската репрезентација на Србија. Пикси потпишал три годишен договор, треба да ја предводи Србија до крајот на квалификацискиот циклус за пласман на Европското првенство во 2024 година.
Легендарниот фудбалер, денес го слави 56 роденден и на промоцијата реколд дека подобар подарок не можел да добие.
„Знам каква е одговорноста, но во исто време верувам во мојот и во квалитетите на моите соработници. Верувам и во големиот потенцијал со кој располага репрезентацијата. Исто така ја чувствувам поддршката и од јавноста, која ќе ни биде потребна за да ги оствариме нашите цели. Квалификациите ќе започнат за три недели, започнавме со подготовките, ги анализираме противниците. Првите два противника се исклучително тешки, реално тие се нашите главни ривали за првите две места во групата“, рекол Стојковиќ.
Поранешниот тренер на Нагоја и Гвангжу, ќе дебитира на 24.март против Република Ирска, три дена подоцна Србија ќе игра против Португалија, а на 30.март ќе гостува во Азербејџан.
Пикси на селекторската функција го наследи Љубиша Тумбаковиќ, кој доби отказ откако не успеа да избори пласман на Европското првенство.
Спорт
Манчестер јунајтед си ги бара парите – Интер за Лукаку платил само 24 милиони евра

Интер се наоѓа во тешка финансиска ситуација. Дека тоа е така, покажува и информацијата што ја објави „Ил Кориере“, дека клубот од Милано за трансферот на Ромелу Лукаку досега на Манчестер јунајтед му платил само 24 милиони евра.
Ромелу Лукаку во летниот преоден рок во 2019 година од Манчестер јунајтед се пресели во Интер. Клубовите се договорија Интер да плати 74 милиони евра за белгискиот напаѓач.
Две години подоцна, во Јунајтед откриле дека Интер досега им платил само 24 милиони евра.
На „Олд Трафорд“ имаат план како да си го наплатат долгот. Ед Вудворд, спортскиот директор, побарал Интер да им го испрати Милан Шкринијар или, пак, Лаутаро Мартинез за да го покрие долгот.
Интер набргу ќе се огласи во јавноста по ова барање од Манчестер.
Инаку, Ромелу Лукаку игра во неверојатна форма во Интер. За 18 месеци одиграл 82 натпревара, постигнал 58 гола и забележал 12 асистенции.
Спорт
Лаказет го напушта Арсенал

Фудбалскиот клуб Арсенал, по завршувањето на сезоната, ќе ги разгледа понудите за францускиот напаѓач, Александар Лаказет. Доколку на „Емирејтс“ добијат добра понуда, тогаш Лаказет ќе може да го напушти клубот.
Александар Лаказет има договор со Арсенал до јуни 2022 година. Овој напаѓач според „Трансфермаркт“ на фудбалскиот пазар има вредност од 35 милиони евра.
„Фудбал Лондон“, тврди дека сериозен интерес за Лаказет покажува Монако.
Лаказет, сезонава има одиграно 30 натпревари, постигнал 11 голови и забележал три асистенции.
- Книги3 месеци
Македонски лекар ја објави последната исповед на Јосип Броз Тито
- Македонија3 месеци
МЖСПП: Мечкиното грозје важен ресурс, кој треба грижливо да го собираме
- Македонија3 месеци
(Видео) Отстранети два нелегално изградени објекта во општина Центар
- Македонија2 месеци
Возачот на „бентлито“ што „влета“ на плоштад казнет со 45 евра, објавена фотографија од записникот
- Регион2 месеци
(Видео) Прекината прес-конференција на градоначалникот на Бања Лука: „Луѓе ова е сериозен земјотрес“
- Регион2 месеци
(Видео) Снимен моментот на потресот во Петриња – луѓе не можат да се задржат на земјата
- Европа1 недела
Планот за отклучување на Германија протече во медиумите, Меркел: Имаме трет бран
- Свет1 месец
Поради примање мито во Кина погубен поранешен државен функционер