Луис Хамилтон, седумкратниот шампион во Формула 1, им кажал на своите работодавци во Мерцедес дека чувствува дека може да вози уште пет години. 37. годишникот се уште е без победа оваа сезона, но го има најголемиот договор меѓу конкурентите на патеката.

Според Би-би-си, Хамилтон во последната сезона од договорот со Мерцедес вози за приближно 46 милиони евра. На 17 трки оваа сезона, тој освои 170 поени и се наоѓа на шестото место во поредокот кај возачите со 171 поен помалку од лидерот Макс Верстапен.

„Разговараме многу. Седнавме минатата недела и тој ми рече дека може да се трка уште пет години и ме праша што мислам за тоа. Ние сме искрени еден со друг и знам дека тој ќе биде првиот што ќе каже дека не може повеќе да се трка кога ќе почувствува дека бавно реагира. Или кога трките ќе престанат да му бидат забавни. Воопшто не се сомневам дека ќе го продолжи договорот. Ние отворено ќе зборуваме за тоа што носи иднината“, призна тимскиот шеф Тото Волф.

Шампионатот во Формула 1 продолжува викендов со трката за Големата награда на Јапонија.

Норвешкиот тренер Оле Гунар Солскјер, во ноември минатата година доби отказ на „Олд Трафорд“. Манчестер јунајтед го отпуштија по серијата лоши резултати. Оттогаш Солскјер е без работа.

Како што пренесуваат англиските медиуми, поранешниот тренер на „црвените ѓаволи“ е на листата на желби на Вулверхемптон. Вулвс, пред два дена го отпуштија 46. годишниот Португалец Бруно Лаж.

Според британските медиуми, Солскјер е првиот кандидат, доколку не прифати клубот ќе преговара со Педро Мартинс, поранешниот тренер на Олимпијакос, како и Карлос Карваљо, поранешниот тренер на Свонси.

Пред Манчестер јунајтед, Солскјаер работеше во Молде и Кардиф. Како тренер, Солскјер двапати беше шампион на Норвешка со Молде и победник на Купот на таа земја.

Вулверхемптон по осум кола се наоѓа на 18. место во англиската Премиер лига, со само една победа. До ангажирањето на новиот тренер, тимот привремено ќе го води дуото Стив Дејвис и Џејмс Колинс.

По репрезентативната пауза се враќа Лигата на шампионите. Вечерва ќе се одиграат натпреварите од третото коло, во групите А, Б, Ц и Д. Дербито е на „Џузепе Меаца“, каде Интер ќе ја пречека Барселона.

Интер е во криза, има три порази на последните четири натпревари, за разлика од Барселона која без проблеми победува во Примера. Можно е вечерашниот натпревар да биде последен за Симоне Инзаги на клупата на Интер.

Голем хендикеп за Интер ќе биде неиграњето на Марсело Брозовиќ. Проблеми со ростерот има и Барселона, натпреварот ќе го порпушта Роналд Араухо и Жил Кунде.

Група А:
Ајакс-Наполи
Ливерпул-Ренџерс

Табела: Наполи 6, Ливерпул 3, Ајакс 3, Ренџерс 0

Група Б:

Клуб Брж-Атлетико Мадрид
Порто-Баерр Леверкузен

Табела: Клуб Бриж 6, Атлетико 3, Баер 3, Порто 0

Група Ц:
Интер-Барселона
Баерн Минхен-Викторија Плзен

Табела: Баерн 6, Барселона 3, Интер 3, Викторија 0

Група Д:
Ајнтрахт-Тотенхем
Марсеј-Спортинг

Табела: Спортинг 6, Тотенхем 3, Ајнтрахт 3, Марсеј 0

Натпреварите Баерн-Викторија и Марсеј- Спортинг ќе започнат во 18.45 часот, сите останати дуели се играат во стандардниот термин од 21 час.