Спорт
Во Дортмунд признаваат дека „почесниот круг“ на Халанд бил необичен

Спортскиот директор на Борусија Дортмунд, Михаел Цорк признава дека „почесниот круг“ кој го направи Ерлинг Халанд по победата над Гројтер Фирт бил „чуден“, додека генералниот директор на клубот, Ханс-Јоаким Вацке потврди дека Реал Мадрид се заинтересирани за норвешкиот „бомбардер“.
Халанд постигна два гола при 3:1 победата над Фирт минатата недела, за да стигне до 13 гола оваа сезона во Бундеслигата, но ова беше во сенка со поздравите кои ги имаше со публиката по крајот на мечот што многумина го протолкуваа како збогување со навивачите на „милионерите“ пред јануарскиот преоден рок.
Цорк признава дека однесувањето на 21-годишниот Халанд било бизарно, но не гледа порака во тоа.
„Ги видов фотографиите по тој меч. Изгледаше малку чудно, но е мислам дека беше нешто намерно. Зборував со него накратко и тоа не е проблем за тимот. Го прашав ‘Што е ова?’, и тој ми одговори ништо, така што работата е средена“, вели Цорк.
Во исто време Вацке признава дека Мадрид го посакуваат Халанд на „Сантијаго Бернабеу“.
„Знам дека Реал Мадрид се многу заинтересирани. Би можел да кажам уште 25 клуба, но за Реал знам сигурно. Во Шпанија фудбалот ќе му одговара повеќе од тој во Англија. Со неговиот агент Мино Рајола зборував неодамна, и бевме пријателски расположени. Ќе зборуваме повторно. Ако остане со нас, ќе има повеќе евра за него“, вели Вацке за „Билд“.
Графика: Sofascore за Топспорт.мк
Haaland waves to all four ends of Dortmund’s stadium: Was it a goodbye? Does the Norwegian expect it to be the last time he plays at the ground as a Dortmund player? @Helle66221114 pic.twitter.com/L1TgrDfx6l
— Manuel Menacho (@ManuelMenacho0) December 16, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Анчелоти официјално е назначен за селектор на Бразил

Италијанскиот стручњак, актуелен тренер на Реал, Карло Анчелоти е новиот фудбалски селектор на Бразил.
Како што беше објавено, 65-годишниот стручњак потпиша договор до крајот на Светското првенство, кое ќе се игра следното лето во САД, Мексико и Канада.
„Најтрофејниот избор во историјата на фудбалот сега ќе го води најуспешниот тренер во светот. Карло Анчелоти, синоним за историски достигнувања, беше објавен овој понеделник од претседателот на Бразилската фудбалска асоцијација, Едналдо Родригез, за нов селектор на националниот тим. Италијанецот ќе го предводи Бразил на Светското првенство во 2026 година и ќе го тренира тимот веќе во следните два квалификациски натпревари против Еквадор и Парагвај, следниот месец“, се вели во соопштението на веб-страницата на Бразилската фудбалска асоцијација.
Родригез рече дека доведувањето на Анчелоти да го предводи Бразил е повеќе од стратешки потег.
„Ова е порака до светот дека сме решени да го вратиме првото место на подиумот. Тој е најголемиот тренер во историјата, а сега ја предводи најголемата репрезентација на планетата. Заедно ќе напишеме нови славни поглавја за бразилскиот фудбал“, рече Родригез, како што објави веб-страницата на ФС Бразил.
Спорт
Првиот човек на ФФМ провери како тече работата на стадионот во Битола, треба да се исполни условот на УЕФА

Претседателот на Фудбалската федерација на Македонија Масар Омерагиќ, заедно со претставници од ФФМ, денес ја посетија Битола и извршија увид во состојбата на стадионот „Петар Милошевски“, со цел да се исполнат условите на УЕФА, за одигрување на меѓународен натпревар за селекциите до 21 година, помеѓу Македонија и Италија.
За одигрување на ваков натпревар од меѓународен ранг, потребно е да се извршат подготовки и да се исполнат критериуми за добивање на лиценца од комисија на УЕФА.
Градоначалникот Тони Коњановски и претседателот Масар Омерагиќ, разговараа околу подготовките и преземањето на обврските од страна на општината и од ФФМ, со цел Битола да биде претставена во најдобро светло.
На 9 септември, Битола треба да биде домаќин на натпреварот Македонија – Италија, за фудбалери до 21 година. По увидот на терен, претседателот на ФФМ, ја посети општина Битола, каде што со градоначалникот разговараа за успесите во спортот на битолските екипи, успесите во училишниот спорт и условите за развој на училишниот спорт, во кои општината постојано инвестира.
Градоначалникот посочи дека на последниот јавен повик од страна на Владата, општината аплицираше за изградба на 3 спортски училишни сали и 9 спортски игралишта во училиштата. Во знак на добрата соработка, Омерагиќ му подари на градоначалникот Коњановски репрезентативен фудбалски дрес со негово име, кое го носи бројот 9.
Спорт
Шпански медиуми: Родриго сам одлучил да не игра против Барселона

Навивачите на Реал Мадрид беа изненадени што Виктор Муњоз, 21-годишник кој вчера дебитираше за Реал Мадрид, беше испратен на теренот во финалето на Ел Класико. Шпанските медиуми објавуваат дека на навивачите не им било јасно како му е дадена предност во однос на Родриго.
Бразилецот, крилниот напаѓач на тимот вреден 100 милиони евра, остана на клупата во текот на целиот натпревар. Оваа сезона, Карло Анчелоти го стави Родриго во 50 натпревари на кои даде 13 гола и имаше 10 асистенции. Во последните денови се појави информација дека Родриго би можел да го напушти Реал и дека Манчестер Сити е заинтересиран за него. Денес шпанските медиуми пишуваат дека одлуката да не игра на натпреварот против Барса (Каталонците победија со 4:3) ја донел самиот.
Во саботата, дури ни 24 часа пред натпреварот, Анчелоти изјави дека Родриго е подготвен, дека добро тренира и дека е во комбинациите за дербито. „Постои опција тој да биде во почетните единаесет“, рече италијанскиот стручњак.
По натпреварот, тој објасни зошто Родриго не добил минутажа: „Тој се опорави, но не се чувствуваше добро. Да го ставите во игра шест или седум минути, само ќе се зголемат шансите да се повреди.“
Според некои шпански медиуми, одлуката да не игра во Ел Класико била одлука на играчот. Тој му рекол на Анчелоти дека чувствува дека нема доволно енергија за натпреварот, но и дека не се чувствува ментално подготвен за него.