Спорт
Во Неапол пица не се забранува – фудбалерите на Наполи смеат да јадат една пица неделно

Нутриционистот на италијанскиот клуб на Елиф Елмас, Наполи, вели дека фудбалерите на клубот имаат дозвола да јадат и пица „еднаш неделно“, бидејќи невозможно е кога си во Неапол да не јадеш пица.
Улогата на исхраната на фудбалот во последно време е поставена на највисоко ниво за постигнување на целосна физичка подготвеност и здравје, како и при помагањето на опоравувањето од повредите. За менито на Кристијано Роналдо за да се оддржи формата на негова возраст е пишувано многупати, додека е познато дека Антонио Конте во било кој тим каде што работел збранува јадење кечап.
Нутриционистот Марко Руфоло на Наполи, пак, ја објаснува својата позиција во јужна Италија.
„Мојата работа е да се грижам за исхраната, да спречам дехидрација, еден од најголемите непријатели на секој спортист. Честопати, иако губат многу течности, не чувствуваат потреба за пиење. Претходно, нашата работа со фудбалските клубови беше ретка, но сега повеќе се сфаќа улогата на вистинската исхрана. Во Наполи, пицата не е забранета за играчите, еднаш неделно смеат да јадат. Но, само доколку е направена со свежи врвни состојки“, вели Руфоло.
Il nutrizionista del #Napoli: «È concessa una pizza a settimana, con materie prime e lievitazione di qualità»
Repubblica Bologna intervista Marco Rufolo: «Importante prevenire la disidratazione, uno dei principali nemici dell’atleta» https://t.co/3iWWQ02Zji
— il Napolista (@napolista) January 17, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Алонсо подготвува чистка во Реал

Чаби Алонсо закажал состанок со пет играчи за 4 август. Според тврдењата на шпанските медиуми, ќе им каже дека повеќе нема место за нив во клубот. Станува збор за Родриго, Ферланд Менди, Давид Алаба, Дани Себаљос и Ендрик.
Како што пишува „АС“, Реал е отворен за продажба на Родриго, Менди и Алаба, додека сè уште постои одредена неизвесност околу Себаљос и Ендрик. Одлуката треба да биде онесена по состанокот со Алонсо.
Најголем „проблем“ во соблекувалната наводно е Давид Алаба, кој не сака да го раскине договорот, а заработува дури 22,5 милиони евра годишно. Според извештаите, тој е еден од оние на кои Алонсо дефинитивно не смета.
Најблиску до заминување е Бразилецот Родриго. Многу европски гиганти се заинтересирани за него, а најконкретен е Арсенал.
Ова лето, Реал Мадрид се впушти во сериозна реконструкција на тимот. Одбраната беше значително зајакната со доаѓањето на Дин Хујсен, Алваро Карерас и Трент Александар-Арнолд. Пристигна и младиот напаѓач Франко Мастантуоно, додека Лука Модриќ, Лукас Васкез и стоперот Хесус Ваљехо го напуштија клубот.
Фото/ Принскрин
Спорт
(Видео) Македонски судија нападнат на кадетското Европско првенство во бокс

Извор и фото/ b92.net
Заврши Европското првенство за кадети и кадетки (ученици на возраст од 13 и 14 години), кое се одржа во Златибор, Србија.
Последниот ден го обележа инцидентот, што се случи во финалето во категоријата до 75 килограми.
Златниот медал му припадна на Виктор Мајсторовиќ од Србија, откако неговиот противник, Азербејџанецот Јусиф Агакишијев, беше дисквалификуван во втората рунда поради неспортското однесување на тренерот.
Имено, македонскиот судија Стефан Цубалевски беше физички нападнат од тренерот на азербејџанскиот боксер. Тренерот влета во рингот среде борбата и го зграпчи за вратот.
Потоа следеше давење и удирање пред целата публика и присутните малолетни деца, кои не можеа да поверуваат што гледаат.
Поради целата ситуација, борбата веднаш беше прекината, а победата му беше доделена на Виктор Мајсторовиќ.
Судијата Цубалевски потоа се смири и ја крена раката во рингот кон новиот кадетски европски шампион од Србија.
Погледнете го овој момент од 3:31:53 од приложеното видео:
Спорт
(Видео) Јокиќ емотивно ја прослави победата на својот коњ

Во Суботица се одржа познатата трка Дужијаница, едно од најпрестижните натпреварувања на српската коњичка сцена, а победата ја однесе Демон Дел’Ест, коњ во сопственост на кошаркарот на Денвер Нагетс, Никола Јокиќ.
Иако Јокиќ е познат на теренот како ладнокрвен и резервиран играч, неговата емоционална страна доаѓа до израз кога станува збор за коњите.
Откако неговиот коњ прв ја помина целта, Јокиќ заплака од среќа и лично им честиташе на џокејот Кармине Пискуољи и на тренерот Владимир Прибиќ. Тој гордо излезе на патеката за да ја прослави големата победа заедно со нив.
„Го кажав тоа одамна, ги доживеав сите мои големи победи и порази тука, во овој спорт. Сите луѓе овде со кои заедно го правиме ова се мои пријатели, мои семејни пријатели, сите тие го доживуваат ова исто како и јас. Го правиме ова како хоби, ова е прилика да се дружиме, да се забавуваме и да уживаме во животот“, рече Јокиќ.
🃏 Nikola Jokić u suzama nakon pobede na čuvenoj Dužijanci u Subotici! pic.twitter.com/2gOWM9YZj8
— Arena Sport TV (@arenasport_tv) July 27, 2025