Спорт
Во Унгарија ништо ново, пак Хамилтон пред Ферстапен и останатите
Британскиот возач Луис Хамилтон од Мерцедес триумфираше на денешната Формула 1 трка за Големата награда на Унгарија возена на патеката „Хунгароринг“. Зад него остана возачот на Ред Бул, Макс Ферстапен кој беше на чело на трката на само 3 круга пред крајот. Трет на целта стигна Себастијан Фетел од Ферари.
Ова беше седми триумф на Хамилтон на оваа патека во неговата кариера. Победата е благодарение на одличната тактика на луѓето од Мерцедес.
BREAKING: Lewis Hamilton wins the #HungarianGP ??
Max Verstappen started on pole but finishes in P2
Sebastian Vettel takes P3 after overtaking his team mate, Charles Leclerc#F1 pic.twitter.com/OK7JP6PRJi
— Formula 1 (@F1) August 4, 2019
Голема предност имаше Ферстапен, но пневматиците го издадоа во последните кругови од трката.
Сведоци бевме на неколку исклучително интересни дуели меѓу Ферстапен и Хамилтон денеска во Унгарија. Цели 20-тина кругови Британецот го бркаше Холанѓанецот на патеката откако ги смени гумите. Ферстапен се обидуваше со старите гуми да направи недостижна разлика, но не успеа во намерата.
Што се однесува на Ферари, Фетел пред самиот крај го помина клупскиот колега Леклерк кој долго време беше трет на патеката.
Зад нив од петтата позиција завршија Карлос Сајнц, Пјер Гасли, Кими Раиконен, Валтери Ботас, Ланд Норис и Серхио Перес кои успеаја да дојдат до бодови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
31. финале во Купот на Македонија – За трофејот се борат Тиквеш и Воска Спорт
Вечерва на Националната арена „Тодор Проески“ во Скопје, екипите на Тиквеш и Воска Спорт ќе се соочат во 31-то финале во Купот на Македонија. Ова е прво финале за двата клуба, победникот ќе избори пласман во квалификациите во Конференциската лига.
Тиквеш и Воска Спорт од 19 часот ќе се борат за својот прв трофеј во најмасовното фудбалско натпреварување во Македонија.
Патот до финалето во Купот на Македонија, Тиквеш
1/16 финале: Арсими – Тиквеш 1:2
1/8 финале: Пелистер – Тиквеш 0:1
1/4 финале: Тиквеш – АП Брера 1:1 (6:5 пенали)
1/2 финале: Шкупи – Тиквеш 0:0, 0:0 (3:5 пенали)
„Тиквеш има голема традиција, а сега првпат ќе играме и во финалето на Купот. Ќе дадеме се од себе, па и повеќе од тоа, за да слави цело Кавадарци. Подготвени сме, имаме позитивен притисок и навистина се надевам дека победа во финалето ќе биде круна на успешната сезона“, вели капитенот на Тиквеш, Александар Вареловски.
Патот до финалето во Купот на Македонија, Воска Спорт:
1/16 финале: Карбинци – Воска 0:10
1/8 финале: Воска – Струга ТЛ 0:0 (4:1 пенали)
1/4 финале: Брегалница – Воска 0:1
1/2 финале: Воска – Македонија ЃП 2:0, 1:2
„Очекувам добар натпревар. Тиквеш е квалитетна екипа, играат офанзивен фудбал и заслужено се тука. Ние исто така имаме свои очекувања од мечот за титула. Многу е поинаку од моите претходни искуства во вакви натпревари. Се надевам дека ќе успееме да стигнеме до пехарот. Блиску сме до пехарот, но треба и да се одигра финалето на најдобар можен начин”, рече на прес-конференцијата капитенот на Воска, Костадин Захов.
Спорт
Непалецот Ками Рита по 30-ти пат се искачи на врвот на Еверест соборувајќи го светскиот рекорд
Планинарот од Непал, Шерпа Ками Рита, по 30-ти пат го достигна врвот на Еверест, соборувајќи го сопствениот рекорд за искачување на највисоката планина на светот, објави организаторот на неговата експедиција.
„Ками Рита го достигна врвот утрово. Тој постави нов рекорд од 30 искачувања на Еверест“, изјави за AFP Шерпа Мингма од Seven Summit Treks.
Планински водич повеќе од 20 години, Ками Рита првпат се искачи на врвот Еверест, на височина од 8.849 метри, во 1994 година. Тогаш тоа беше комерцијална експедиција. Оттогаш речиси секоја година се искачува на највисоката планина во светот, а ги предводи клиентите.
„Среќен сум со овој рекорд, но на крајот рекордите се срушени“, изјави Ками Рита за AFP на 12 мај, откако по 29-ти пат стигна до врвот на Еверест.
„Фактот што моите искачувања му помагаат на Непал да биде препознаен во светот ме прави уште посреќен“, рече тој.
Во 2023 година, двапати се искачи на врвот на Еверест, секој пат поставувајќи нов рекорд откако беше престигнат од друг водич, Пасанг Дава. Самиот Ками Рита изјави дека само „работи“ и дека немал цел да поставува рекорди. Непалецот во својата колекција има уште неколку врвови над 8.000 метри, вклучувајќи го и К2 во Пакистан, втората највисока планина во светот.
Оваа година Непал издаде 419 дозволи за искачување на Еверест во пролетната сезона на искачување, која трае од април до почетокот на јуни. Повеќето планинари се искачуваат со непалски водич. Се очекува повеќе од 800 луѓе да се справат со Еверест во текот на сезоната.
Осум од десетте највисоки планини на планетата се наоѓаат во Непал, кој секоја пролет е домаќин на стотици авантуристи, кога условите се поповолни. Во 2023 година, повеќе од 600 алпинисти стигнаа до врвот на Еверест, со рекордни 18 смртни случаи.
Спорт
Гвардиола тренер на сезоната во Премиер лигата
Пеп Гвардиола ја доби наградата за најдобар тренер во Премиер лигата. Петти пат во кариерата, Гвардиола ја доби оваа престижна награда.
Шпанецот во неделата со Манчестер сити ја освои четврта последователна титула во Англија, што е и рекорд во Премиер лигата.
Само Сер Алекс Фергусон има повеќе награди од Гвардиола. Легендарниот Шкот 11 пати бил тренер на сезоната.
„Сакам да ја поделам оваа награда, најмногу со Микел Артета, кој заврши одлична работа со Арсенал. Тој навистина не натера да ги тестираме нашите граници. Секако, тука е и Клоп, со кој имав многу битки за паметење. Унаи Емери направи големи работи со Астон Вила, Андони Ираола во неговата прва сезона во Борнмаут беше брилијантен. Ми претставува голема чест што се натпреварував против нив и што го освоив овој трофеј. Наредната сезона ќе ја браниме титулата“, рече Гвардиола.