Спорт
Вокер и Тео Ернандез први ќе си заминат од Милан

Милан во текот на неделата доби нов спортски директор (Игли Таре) и нов тренер (Масимилијано Алегри) и сега тие двајца ќе можат да му се посветат на преодниот рок.
Промените ќе започнат од бековските позиции. Кајл Вокер и Тео Ернандез, како што тврдат италијанските медиуми ќе го напуштат клубот.
Англичанецот дојде на позајмица од Манчестер сити во зимнскиот преоден рок, но нема да биде откупен. Ниту Сити не го сака назад, ниту планира да го однесе на Светското клупско првенство, па затоа ќе бара нов клуб.
Ситуацијата околу Тео Ернандез е многу поинтересна. Милан сакаше да го продаде во Кома во зима поради драстичниот пад на формата, но тој не сакаше да оди таму и остана.
Неговите дефанзивни црни дупки не одат со стилот на новиот тренер Алегри, па затоа речиси сигурно ќе го напушти „Сан Сиро“ ова лето. И за помалку пари отколку што вредеше зимата.
Ал Хилал го контактирал Тео, а сето тоа на барање на идниот тренер Симоне Инзаги, кој според медиумите, по финалето во ЛШ ќе објави дека се сели во Саудиска Арабија.
Французинот е идеален за системот 3-5-2 на Инзаги, во кој неговите дефанзивни недостатоци не се толку истакнати.
Единственото прашање е дали играчот сака да оди во Арабија. Милан би го пуштил за 30.000.000 евра, сума која не претставува проблем за Арапите, додека на играчот му се нуди договор вреден околу 18.000.000 евра по сезона. Сега сè зависи од Тео…
Потрагата по замена покажува и дека Милан се помирил со неговото заминување. Целта е Жуниор Фирпо, кој е без договор со Лидс и може да дојде како слободен фудбалер. Лион е исто така заинтересиран за истиот играч.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Баерн се вклучува во трката за потписот на Нико Вилијамс

Нико Вилијамс долго време е интересен за многу големи клубови низ Европа.
Барселона, минатото лето беше заинтересирана за овој млад фудбалер, кој се премисли во последен момент и реши да остане во Билбао. Наводно Арсенал сериозно е заинтересиран, а сега во трката се вклучил и Баерн.
Според германски „Билд“, шпанскиот фудбалер бил скаутиран од директорите на Баерн, Макс Еберл и Кристоф Фројнд, за време на натпреварот против Франција, во Лигата на нации.
Олеснителна околност за Баерн треба да биде откупната клаузула за Вилијамс, која не е поголема од 60 милиони евра, што за гигант како клубот од Минхен не би требало да биде проблем.
Овој крилен напаѓач одигра 29 натпревари за Атлетик Билабо минатата сезона, постигна пет гола и забележа исто толку асистенции.
Спорт
Интер подготвиле договор за Киву

Кристијан Киву, до крајот на денот треба да потпише договор со Интер, тврдат италијанските медиуми.
Романецот, вчера бил во хотел во центарот на Милано, каде што имал разговор со челниците на Интер и како што стојат работите, состанокот поминал добро.
Киву треба да потпише двегодишен договор овој петок, по што официјално би бил претставен како нов тренер на Интер.
Тој доаѓа на тренерската позиција во клубот на местото Симоне Инзаги, кој гзамина по дебаклот во финалето на Лигата на шампионите и го презеде тимот на Ал Хилал.
Досега, Киву работеше како тренер само во младинските категории на Интер, а оваа сезона го водеше првиот тим на Парма, успеа да избори опстанок во Серија А.
Киву, играч доби „кредит“ беше дел од најславните моменти на клубот. Играше за Интер од 2007 до 2014 година, а во сезоната 2009/10 ја освои тројната круна, што е најдобрата сезона во историјата на клубот.
Спорт
Габриел го продолжи договорот

Дефанзивецот на Арсенал, Габриел, потпиша нов четиригодишен договор со клубот, објави „Скај Спортс“. Претходниот договор на Бразилецот имаше важност до јуни 2027 година.
Габриел (27) му се приклучи на Арсенал од Лил во 2020 година. Тој има 210 настапи во сите натпреварувања, на кои постигнал 20 гола.
„Дојдов како млад играч и по речиси пет години сум среќен што научив многу. Горд сум на себе, ова беше неверојатно патување и среќен сум што го продолжувам. Се надевам дека ќе освојувам трофеи со овој клуб, бидејќи го сакам овој клуб, а и моето семејство го сака“, – изјави Габриел за веб-страницата на клубот.
Бразилецот ги пропушти последните два месеци од сезоната поради операција на тетивата, но се очекува да биде подготвен за почетокот на следната сезона.
„Скај Спортс“ објави дека одборот на клубот бара продолжување на договорите на Вилијам Салиба и Букајо Сака.
Порано оваа недела, Арсенал објави дека Жоржињо и Киран Тиерни ќе го напуштат клубот на крајот од месецот, кога ќе им истечат договорите.