Спорт
Ф1 возачите го кренаа гласот: Во вакви услови невозможно е да се вози во Катар
Нехуманите услови, во неделата, ја одбележаа трката за Големата награда на Катар. За возачите оваа трка сигурно е најтешка во нивните кариери. Победи Макс Ферстапен, кој ден претходно ја одбрани шампионската титула. и во текот на викендот ја прослави титулата.
Трката во Катар се возеше во ноќните часови, но и покрај тоа пеколните горештини им направија големи проблеми на на возачите бидејќи температурата на воздухот не се спушти под 30 Целзиусови степени.
⚠️ Wow, Lance Stroll walked straight away to ambulance in the pit lane, probably disoriented. Watch the video 🎥
Alex Albon was taken to the medical centre of #QatarGP because of exhaustion and heat exposure.
Lando Norris said several drivers have passed out there.
Ocon said… pic.twitter.com/XMIe6Y7nrD
— F1newsletter.com (@F1_Newsletter) October 8, 2023
Ландо Норис (Мекларен) по трката изјави дека шест или седум возачи побарале лекарска помош бидејќи биле дехидрирани. Дебитантот Логан Сарџент (Вилијамс) се повлече од трката бидејќи за малку ќе се онесвестил во болидот. Естебан Окон (Алпин) откри по трката дека два пати повратил во кацигата.
Сите возачи го критикуваа терминот во кој се одржа трката. ФИА најави ќе направи анализа, се очекува наредната година Големата награда на Картар да се вози во ноември, кога температурите се пониски.
Макс Ферстапен и Оскар Пјастри по трката лежеа на подот и се обидуваа да се оладат, а Шарл Леклер порача дека вакво нешто не смее да се повтори во Формула 1.
„Мислам дека ова беше најтешката трка во нашите кариери. Има многу кривини на патеката низ кои поминуваме со големи брзини, а моравме да направиме три пит-стопа за да се промениме гуми. Ако се најдеме во слична ситуација, ќе мораме да разговараме за тоа меѓу возачите. Не се работи за нашата физичка подготовка, ние дехидриравме. Температурата е висока и видот почнува да ви се замаглува, срцевиот ритам оди нагоре и сето тоа е многу тешко да се контролира. Плус не ни помогнаа течностите кои беа загреани на 60 степени“, откри Леклер.
Alex Albon struggling post-race while getting out of the car!!
Ocon puking in the helmet, Lance struggling to Exit, George almost fainting, Logan Sargeant retiring.
Qatar GP is really hard on the Drivers and it has a contract for 10 years#F1 #QatarGP pic.twitter.com/Vf6NLltBp4— Desi Racing Co. (@DesiRacingco) October 8, 2023
„Тажно е тоа што ни се случи. Не е добро, многу возачи веднаш беа однесени од нивните автомобили во болница. Се онесвестија! Можеби не изгледаше тешко на телевизија, но верувајте дека беше. Преопасно е и се можеше да има се случи“, изјави Ландо Норис кој ја заврши трката на третата позиција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Нан го продолжи договорот со Панатинаикос
Американецот Кендирк Нан денеска, како што беше најавено, потпиша нов договор со Панатинаикос.
Нан, кој го однесе Панатинаикос на завршниот турнир во Евролигата, имаше желба да се врати во НБА веќе летово, но како што изјави му се допаѓа Европа, Атина и Панатинаикос.
Тој е еден од најдобрите играчи во Евролигата во моментов и е фигура која може да ја направи разликата на теренот во корист на Панатинаикос на претстојниот фајналфор.
Тој ќе биде член на зелените во следните две сезони, со излезна клаузула во НБА следното лето.
На 33 натпревари во Евролигата, Нан имаше просек од 16 поени, три асистенции и 2,6 скока (48 проценти од шутот за два поени, 42 проценти од шутот за три поени и 96 проценти од слободните фрлања).
Пред да дојде во европската кошарка, тој играше четири години во НБА лигата, а во првата сезона 2019/20 година се најде во најдобрата петорка на дебитанти. Во НБА играше за Мајами Хит и ЛА Лејкерс.
Спорт
Луис Енрике: Фудбалот понекогаш е толку нефер
Борусија Дортмунд е во финалето на Лигата на шампионите. Двата полуфинални натпревари против ПСЖ, Борусија ги доби со 1:0.
На „Паркот на принцовите“, победникот го реши голот што го постигна Матс Хумелс во 50. минута.
Ова ќе биде трето финале во Лигата на шампионите за Борусија. Во првата, во 1997 година, го победија Јувентус со 3:1, а во 2013 година загубија со 2:1 од Баерн.
На првиот натпревар во Дортмунд, ПСЖ погоди две стативи, а во Париз само во вториот дел уште четири пати ја погодија рамката на голот.
„Морам да бидам искрен и да кажам дека моравме да го добиеме натпреварот. Имавме 30 удари кон голот, дури четири пати ја погодивме стативата. Фудбалот понекогаш е толку неправеден“, изјави тренерот на ПСЖ, Луис Енрике за „ТНТ“ по натпреварот и продолжи.
„Честитки за нив. Тие се одличен тим и се надевам дека ќе победат во финалето. Мораме да се регрупираме и да создадеме нешто посебно и да се вратиме следната сезона и да го освоиме ова натпреварување”.
Спорт
Видео на денот – Марко Ројс како водач на навивачите
Борусија Дортмунд ја пишува приказната на сезоната во Европа, а во центарот на вниманието е клупската легенда Марко Ројс.
Во пресрет на реваншот со Пари Сен Жермен, Ројс официјално објави дека го напушта саканиот клуб на крајот на сезоната, по истекот на договорот.
Не можеше да замисли подобро збогување од финалето на Лигата на шампионите на „Вембли“, каде што беше актер и во 2013 година во поразот од Баерн Минхен.
Токму затоа ова е видеото на денот, Марко Ројс го предводи навивањето по победата над „светците“ во Париз.
Борусија славеше со голот на уште еден ветеран, Матс Хумелс и со вкупен резултат 2:0 се пласира во финалето.
🇩🇪 Marco Reus celebrating with the Dortmund fans last night… 🫂🗣️
𝙄𝙣𝙘𝙧𝙚𝙙𝙞𝙗𝙡𝙚. ⚫️🟡 pic.twitter.com/laOKT95VvJ
— PurelyFootball ℗ (@PurelyFootball) May 8, 2024