Германецот Александер Зверев со 6:4/3:6/10:4 беше подобар од Милош Раонич во последниот меч од Лејвер купот за да ја донесе третата титула за Европа од тенискиот Лејвер куп во Женева.

Со оваа победа, Европа го комплетираше кам-бекот против Остатокот од светот за да стигне до 13:11 победа. Европските тенисери го освоија и Лејвер купот, кој го носи името на австралиската легенда Род Лејвер во 2017 и 2018 година. Турнирот е ко-основан од Роџер Федерер, кој е главен промотор на турнирот.

Федерер прво денеска со 6:4/7:6(3) го победи Џон Изнер, пред Тејлор Фриц да го совлада Доминик Тим со 7:5/6:7(3)/10:5 и да го донесе Остатокот од светот во водство од 10:11. Меѓутоа, во мечот кој вредеше три поени, Зверев остана концентриран за победа над Канаѓанецот Раонич. Зверев втора година по ред го освојува победничкиот поен за Европа.

Рафаел Надал денеска требаше да игра во сингл и во двојки со Роџер Федерер, но се повлече од турнирот поради повреда на зглобот на раката.

Victory scenes like no other.#LaverCup | #TeamEurope pic.twitter.com/giPju7nIgm

— Laver Cup (@LaverCup) September 22, 2019

For the second consecutive year, @AlexZverev wins the #LaverCup for #TeamEurope.

The world No.6 def. Milos Raonic 6-4 3-6 [10-4] in the deciding match to win the tournament 13-11. pic.twitter.com/91wKTQ3vwN

— Laver Cup (@LaverCup) September 22, 2019

Борусија Дортмунд не успеа да стигне до победа на гостувањето кај Ајнтрахт Франкфурт со што дозволи РБ Лајпциг да се одвои на врвот во германската Бундеслига.

„Милионерите“ дојдоа до рано водство на „Комерцбанк-арената“, откако Аксел Вицел во втор обид ја искористи мешаницата пред голот на домаќините во 11. минута од мечот, но „орлите“ успеаја да израмнат до крајот на полувремето, кога во 43. минута кога Андре Силва ја затресе мрежата на Роман Бирки.

Борусија повторно дојде до водство преку англискиот талент Џејдон Санчо во 66. минута од мечот, кога одбиената топка од слободниот удар дојде до Вицел, кој убаво му асистираше на младиот напаѓач. Меѓутоа, победата избега во 88. минута, кога Томас Дилејни си ја смести топката во сопствената мрежа.

Борусија сега има 10 поени на третото место на табелата, три помалку од лидерот Лајпциг и еден помалку од Баерн Минхен.

БУНДЕСЛИГА, 5.КОЛО

Борусија Менхенгладбах – Фортуна Диселдорф 2:1

Ајнтрахт Франкфурт – Борусија Дортмунд 2:2

Партизан е победник на 161. издание на „вечното“ белградско дерби со Црвена звезда, откако Сејдуба Сума постигна фантастичен гол при 2:0 триумфот на „црно-белите“.

Откако актуелниот шампион, Црвена звезда имаше шест победи во првите шест меча од сезоната во српската Суперлига, дербито беше совршена шанса Партизан да се доближи до својот ривал откако во првите шест кола, тие двапати одиграа нерешено.

По „тивкото“ прво полувреме, Звезда прва постигна гол во 70. минута од мечот преку Милуновиќ, но тој беше поништен поради фаул над голманот на Партизан. Во 80. минута, фудбалерот од Гвинеја, Сума се најде во шанса пред шестнаесетникот на Звезда по грешка на гостинските фудбалери и упати топовски удар.  Конечните 2:0 беа поставени во 93. минута од мечот преку Зоран Тошиќ.

Звезда останува четврта со 18 поени, еден повеќе од Партизан на петтото место, додека изненадувачки лидер е тимот на Бачка Топола со 21 поен, иако тој тим има два натпревари повеќе (Звезда и Партизан имаа одложени мечеви поради европските купови).