Натпреварот помеѓу Манчестер јунајтед и ПСЖ, покрај победата на францускиот тим (1:3), го обележа и судирот помеѓу Нејмар и Скот Мектоминеј.

Во еден момент, во првиот дел од натпреварот, Шкотланѓанецот во дуел згазна на глуждот на бразилскиот фудбалер. Од почетокот на минатата сезона, Нејмар, два пати имаше проблеми со глуждот на десната нога, поради што пропушти голем број на натпревари.

По завршувањето на првото полувреме Нејмар сакаше да се пресмета со Мектоминеј, а откако ги раздвоија нивните соиграчи, Бразилецот се жалеше кај судијата Даниеле Орсато.

„Немам зборови со кои би го опишал однесувањето на нивните фудбалери“, рекол по натпреварот Мектоминеј.

„Не сакам да зборувам за нив. Можам само да си направам проблем доколку проговорам. Исто така не сакам да зборувам за судијата“, дополнил фудбалерот на Манчестер јунајтед, а потоа го критикувал ВАР-системот.

„Разбрав дека од мал офсајд сме примиле гол. Сведоци сме на такви грешки секоја недела. Мораме тоа да го поправиме и да го вратиме фудбалот на вистинските патеки“.

Манчестер јунајтед, во последното коло ќе гостуваат во Лајпциг, додека ПСЖ ќе играат против Башакшехир. По пет натпревари Јунајтед, ПСЖ и Лајпциг имаат по девет поени.

Напаѓачот на Челси, Оливие Жиру, го обележа петтото коло во Лигата на шампионите. Францускиот репрезентативец со четирите гола против Севилја влезе во историјата на ова натпреварување.

Челси синоќа во Севилја го победи домашниот тим со 4:0. Головите за „сините“ ги постигна Жиру.

Тој е првиот играч на Челси, по Дидие Дрогба, кој успеал на еден натпревар во Лигата на шампионите да постигне хет-трик. Во историјата влезе како највозрасниот фудбалер со вакво остварување.

На „Рамон Санчез Писхуан“ во Севилја, Жиру, добил девет „воздушни“ фуели, пет пати шутирал кон голот на притивникот, изнудил три прекршоци, имал една интервенција и една одземена топка.

Жиру влезе во елитното друшто на фудбалери кои постигнале четири гола на натпревар во Лигата на шампионите.

Лионел Меси и Роберт Левандовски два пати успеале да постигнат по четири гола, додека по еднаш тоа им успеало на: Марко ван Бастен, Симоне Инзаги, Дадо Пршо, Руд ван Нистелрој, Андреј Шевченко, Бафетими Гомис, Марио Гомез, Златан Ибрахимовиќ, Луиз Адријано, Кристијано Роналдо, Серж Гнабри и Јосип Иличиќ.

Челси со убедливата победа над Севилја го обезбеди првото место во групата.

Вашингтон визардс и Хјустон рокетс го реализираа трејдот во кој франшизите ги разменија Расел Вестбрук и Џон Вол.

Покрај Џон Вол, Хјустон доби и заштитен пик во првата рунда на драфтот во 2023 година. Доколку тој пик не биде реализиран, тогаш Хјустон  ќе добие два пика од Вашингтон.

Вестбрук беше играчот кој побара да биде разменет во друг клуб. Тој една сезона беше играч на Хјустон. Рас минатата сезона просечно по натпревар бележеше 27,9 поени, 7,9 скока и 7 асистенции.

Од друга страна, Џон Вол се враќа на терените по две години, во кои се рехабилитираше од две тешки повреди. Последниот натпревар тој го одиграл на 26 декември 2018 година.