Спорт
За малку од готово-вересија! Лазаров ја „крена“ Македонија над Украина (видео)

Македонската ракометна репрезентација, сепак, не дозволи незгодната Украина да ни ги помати сметките за пласман во наредната фаза на Европското првенство, откако во Виена стигнавме до на крајот непотребно тежок 26:25 триумф.
Македонија имаше предност од почетокот на мечот, правејќи 10:6 предност, но дозволувајќи Украинците да се вратат во игра со три гола едноподруго. На полувреме имавме 13:10, по што во второто полувреме имавме и пет гола предност (17:12).
Наместо по ова да се отиде рутински до победата, ние дозволивме Украина со серија од 5:1 да израмни на 22:22, а потоа и да дојде до водство (22:23) на десетина минути пред крајот. Македонија повторно успеа да се одвои на +2 (25:23), но Украина пак израмни на 25:25, пред во последниот напад на мечот, Кирил Лазаров, како и секогаш, да биде на висината на задачата и да донесе победа.
Капитенот беше најефикасен со осум голови, Дејан Манасков додаде шест, а на голот беше одличниот Митревски, додека кај Украинците ракометарот на Еурофарм Пелистер Остроушко имаше пет гола.
Сега следува пресметка со Чешка во недела (16.00 часот), каде што со победа би разрешиле многу дилеми околу пласманот во наредната фаза.
Во другите два вечерни меча на Европското првенство, немаше ваква драма. Норвешка рутински со 32:26 беше подобра од Босна и Херцеговина, додека Швеѓаните ја „растурија“ Швајцарија со 34:21.
Фото: ЕПА
ЕВРОПСКО ПРВЕНСТВО 2020, 1.КОЛО
ГРУПА Б
Чешка – Австрија 32:29 (14:13)
Македонија – Украина 26:25 (13:10)
ГРУПА Д
Франција – Португалија 25:28 (11:12)
Норвешка – Босна и Херцеговина 32:26 (17:12)
ГРУПА Ф
Словенија – Полска 26:23 (13:11)
Шведска – Швајцарија 34:21 (20:13)
You just got to love King Kiril! He is never done. Cold as ice. How many games has Lazarov decided for ???#handball #ehfeuro2020 pic.twitter.com/Ismr4MKsUE
— Rasmus Boysen (@RasmusBoysen92) January 10, 2020
Watch the Game Highlights from FYR Macedonia vs. Ukraine, 01/10/2020 pic.twitter.com/HJPz5uDfHk
— EHF EURO (@EHFEURO) January 10, 2020
Watch the Game Highlights from Sweden vs. Switzerland, 01/10/2020 pic.twitter.com/xfXa4c6AdP
— EHF EURO (@EHFEURO) January 10, 2020
Watch the Game Highlights from Norway vs. Bosina Herzegovina, 01/10/2020 pic.twitter.com/kBucz5xIG6
— EHF EURO (@EHFEURO) January 10, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Зошто Роналдо не беше на погребот на Жота?
Фудбалерот Кристијано Роналдо не беше присутен на погребот на Диого Жота и неговиот брат Андре Силва, а неговото отсуство беше предмет на многу коментари.
Се очекуваше легендарниот напаѓач, капитенот на португалската репрезентација и соиграч на Жота во националниот тим, да биде присутен, но тоа не се случи.
Најверојатната верзија за неговото непојавување беше дека не сакал да привлече внимание кон себе и со тоа да ја изгуби смислата на тажното собирање.
Во исто време, сепак, има информации дека Роналдо контактирал со семејството на Жота и им кажал дека сака финансиски да ги поддржи децата на покојниот ас на Ливерпул.
Кристијано, трогнат од трагедијата, вети дека ќе се грижи за образованието на трите деца што ги остави Жота зад себе. Со својата долгогодишна партнерка Рут Кардосо, тој има две ќерки (четири и две години) и син кој има само седум месеци.
Браќата Диого Жота и Андре Силва загинаа во сообраќајна несреќа во Шпанија, а беа погребани во катедралата во Гондомар.
Спорт
Ноер го обвинува Донарума за ужасната повреда на Мусијала: Тој беше спремен да го преземе тој ризик

ПСЖ влезе во полуфиналето на Светското клупско првенство. Парижаните го победија Баерн со 2:0, головите ги постигнаа Дуе и Дембеле. Иако останаа со двајца играчи помалку, шампионите на Европа успеаја да го издржат нападот на Баерн и да се пласираат понатаму. Натпреварот беше засенет од сериозната повреда на Џамал Мусијала на крајот од првото полувреме, кој ја скрши левата нога и сега му претстои долга пауза.
Најстрашниот момент од натпреварот се случи во третата минута од судиското продолжение. Донарума ја зеде топката пред Мусијала, но и падна врз него. Германецот беше сериозно повреден и мораше да го напушти натпреварот, а италијанскиот голман беше во солзи. Голманот и капитен на Баерн, Мануел Ноер, го критикуваше Донарума: „Тоа беше ситуација каде што немаше потреба да се влегува така. Беше преземање ризик. Тој беше спремен да го преземе ризикот да го повреди противникот.“
„Отидов кај него и му реков: „Не сакаш ли да одиш да го видиш нашиот играч?“ Тоа е прашање на почит, да му се приближиш и да му посакаш се најдобро. Дури тогаш тој го направи тоа. Фер-плејот е секогаш дел од тоа. Јас би реагирал поинаку.“
Спорт
(Видео) Реал ја победи Борусија Дортмунд

Списокот на учесници во полуфиналето на Светското клупско првенство е комплетиран. Во последниот натпревар од четвртфиналето на стадионот „Мет Лајф“ во Њу Џерси, Реал Мадрид ја победи Борусија Дортмунд со 3:2.
Чаби Алонсо за нешто помалку од еден месец колку што е тренер на Реал, на големата сцена го промовираше Гонзало Гарсија.
Момчето од клупската академија го постигна четвртиот гол на првенството, моментално е израмнет на првото место на листата на стрелци и е сериозен кандидат да биде главен хит на ова прво клупско Светско првенство.
21-годишниот централен напаѓач му донесе водство на Реал во 10-та минута по асистенцијата од Арда Гулер. Неговиот имењак Фран го зголеми резултатот на 2:0 десет минути подцна.
Реал ја држеше предноста до финишот, а потоа во судиското надополнување беа постигнаи уште три гола.
Максимилијан Баер намали на 2:1 во 92-та, а една минути подцна Килијан Мбапе му ја врати на Реал предноста од два гола. Хујсен во 95-та минута доби црвен картон, а Гираси од пенал во 98-та минута го постави конечниот резултат.
На крајот, може да се каже дека херој е Тибо Куртоа, кој во десеттата минута од судиското продолжение го одбрани ударот на Марцел Сабицер, со кој Реал обезбеди пласман во полуфиналето на Светското клупско првенство.
Во полуфиналето, Реал ќе игра против актуелниот европски шампион, Пари Сен Жермен. Флуминенсе и Челзи се среќаваат во второто полуфинале.