Спорт
За малку од готово-вересија! Лазаров ја „крена“ Македонија над Украина (видео)
Македонската ракометна репрезентација, сепак, не дозволи незгодната Украина да ни ги помати сметките за пласман во наредната фаза на Европското првенство, откако во Виена стигнавме до на крајот непотребно тежок 26:25 триумф.
Македонија имаше предност од почетокот на мечот, правејќи 10:6 предност, но дозволувајќи Украинците да се вратат во игра со три гола едноподруго. На полувреме имавме 13:10, по што во второто полувреме имавме и пет гола предност (17:12).

Наместо по ова да се отиде рутински до победата, ние дозволивме Украина со серија од 5:1 да израмни на 22:22, а потоа и да дојде до водство (22:23) на десетина минути пред крајот. Македонија повторно успеа да се одвои на +2 (25:23), но Украина пак израмни на 25:25, пред во последниот напад на мечот, Кирил Лазаров, како и секогаш, да биде на висината на задачата и да донесе победа.
Капитенот беше најефикасен со осум голови, Дејан Манасков додаде шест, а на голот беше одличниот Митревски, додека кај Украинците ракометарот на Еурофарм Пелистер Остроушко имаше пет гола.
Сега следува пресметка со Чешка во недела (16.00 часот), каде што со победа би разрешиле многу дилеми околу пласманот во наредната фаза.
Во другите два вечерни меча на Европското првенство, немаше ваква драма. Норвешка рутински со 32:26 беше подобра од Босна и Херцеговина, додека Швеѓаните ја „растурија“ Швајцарија со 34:21.
Фото: ЕПА
ЕВРОПСКО ПРВЕНСТВО 2020, 1.КОЛО
ГРУПА Б
Чешка – Австрија 32:29 (14:13)
Македонија – Украина 26:25 (13:10)
ГРУПА Д
Франција – Португалија 25:28 (11:12)
Норвешка – Босна и Херцеговина 32:26 (17:12)
ГРУПА Ф
Словенија – Полска 26:23 (13:11)
Шведска – Швајцарија 34:21 (20:13)
You just got to love King Kiril! He is never done. Cold as ice. How many games has Lazarov decided for ???#handball #ehfeuro2020 pic.twitter.com/Ismr4MKsUE
— Rasmus Boysen (@RasmusBoysen92) January 10, 2020
Watch the Game Highlights from FYR Macedonia vs. Ukraine, 01/10/2020 pic.twitter.com/HJPz5uDfHk
— EHF EURO (@EHFEURO) January 10, 2020
Watch the Game Highlights from Sweden vs. Switzerland, 01/10/2020 pic.twitter.com/xfXa4c6AdP
— EHF EURO (@EHFEURO) January 10, 2020
Watch the Game Highlights from Norway vs. Bosina Herzegovina, 01/10/2020 pic.twitter.com/kBucz5xIG6
— EHF EURO (@EHFEURO) January 10, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Вардар е лидер во ПМФЛ, го доби дербито против Шкендија во Тетово
Вардар со победа над Шкендија во Тетово, го заклучи 10-то коло во Првата македонска фудбалска лига. Вардар со минимален резултат го победи актуелниот првак. Ова е прва победа на Вардар над Шкендија по цели осоум години, односно по 21 натпревар.
Клучниот момент на натпреваро се случи во 49-та минута кога Алхасан играше со рака пред својот гол, а Давид Бабунски го реализираше пеналот.
!function(r,u,m,b,l,e){r._Rumble=b,r[b]||(r[b]=function(){(r[b]._=r[b]._||[]).push(arguments);if(r[b]._.length==1){l=u.createElement(m),e=u.getElementsByTagName(m)[0],l.async=1,l.src=”https://rumble.com/embedJS/u4″+(arguments[1].video?’.’+arguments[1].video:”)+”/?url=”+encodeURIComponent(location.href)+”&args=”+encodeURIComponent(JSON.stringify([].slice.apply(arguments))),e.parentNode.insertBefore(l,e)}})}(window, document, “script”, “Rumble”);
Rumble(“play”, {“video”:”v6yo0v8″,”div”:”rumble_v6yo0v8″});
Шкендија изедначи во 88-та минута, но ВАР го поништи голот. Стрелецот Ибраими беше во офсајд.
По 10 рунди Вардар е лидер на табелата со 24 бода и единствен е без пораз во првенството. Зад Вардар се Струга со 23, односно Силекс и Шкендија со по 21 бод.
Спорт
Винисиус ќе биде казнет, веројатно и продаден
Непримерното однесување на Винисиус Жуниор, во 72-та минута кога му беше јасно дека ќе биде заменет со Родриго, ја засени блескавата победа на Реал (2:1) во првото „Ел Класико“ оваа сезона.
Шпанските медиуми, многу внимание му посветија на Бразилецот, ги посочуваат неговите поранешни испади во кои се истакнуваат негови изговорени зборови. Пишуваат дека Винисиус, покажува збор за непочитување кон тимот, грбот, дресот, тренерот, соиграчите кои играа, соиграчот на клупата, соиграчот кој влегува по него, навивачите на трибините…
Без разлика дали одлуката на Чаби Алонсо да го извади Винисиус од игра порано од очекуваното беше правилна, јасно е дека неговото однесување не смее да биде пример.
Што сега?
Управата е разочарана, договорот што го има сега трае до 2027 година, а планот на Винисиус е да почека бидејќи по ваквите постапки е сè помалку веројатно дека ќе потпише нов договор.
Наместо нов договор, клубот сега размислува за казна за Вини, тој ќе биде санкциониран за неговото однесување и единственото прашање е на кој начин…
Исто така сега како реална опција се наметнува продажбата. Во 2026 година кога ќе заврши сезоната, Винисиус би можел да го напушти Реал.
Спорт
Јувентус бара тренер, а има двајца под договор до 2027 година
Фудбалскиот клуб Јувентус, по серијата лоши резултати, му врачи отказ на тренерот Игор Тудор. „Старата дама“, нема победа на последните осум натпревари во сите натпреварувања, а на последните четири не постигна гол.
Бизарно е што Јувентус бара тренер, а има двајца на платениот список.
На Тијаго Мота, кој седи, ужива и прима плата од март оваа година, му се придружи неговиот наследник Игор Тудор.
Двајцата имаат важечки договори со „бјанконерите“ до 2027 година и би можеле, доколку одлучат да не тренираат никого додека се под договор со Јувентус, да заработат вкупно 25 милиони евра во меѓувреме.
Италијанскиот фудбалски инсајдер Николо Скира објави дека Лучијано Спалети и Роберто Манчини се заинтересирани за клупата на „Старите дами“, но дека кој било од двајцата ќе претставува голем предизвик за сопствениците на клубот.
И Спалети и Манчини се сметаат за тренери кои инсистираат на основни долгорочни договори, двајцата чинат многу пари, а преговорите вклучуваат задолжителни засилувања, па прашањето е дали Јувентус, може тоа финансиски да го издржи.
Поради сè, некој со помал углед и цена во Италија, како Рафаеле Паладино, би можел да добие шанса. Тој наводно би бил опција до крајот на сезоната, а потоа би подготвиле место во Торино за доаѓањето на Дидие Дешан, кој веќе објави дека се повлекува од функцијата селектор на Франција по Светското првенство во Мексико, САД и Канада.
Скира и други истакнати италијански новинари го споменуваат и Лоран Блан како можно решение.

