Актуелниот фудбалер на премиерлигашот Брајтон – Адам Лалана раскажа како се чувствувал во текот на финалниот меч од Лигата на шампионите што неговиот поранешен клуб Ливерпул го играше во 2018 година во Киев, против Реал Мадрид.

Лалана за „Марка“ раскажа дека откако влегол во игра, по повредата на Салах од страна на Рамос, никако не успевал да го пронајде своето место на теренот, едноставно не бил подготвен да игра.

„Ми беше многу страв, имав ужасна година поради повредата, само што се опоравив, имав одиграно само 15-тина минути во ПЛ, не бев во форма. Никому не можев да му пријдам, да се доближам, посебно не на Лука Модриќ. Само трчав по теренот. Се чувствував како зајак кон кој се вперени сите рефлектори. Ако сте играле фудбал знаете дека ништо не е полошо кога ќе ве стават во игра по 20 или 25 минути од почетокот на мечот. Доцнев во сите дуели, се задушив на теренот. Не стигнав да бидам возбуден дека играм финале на ЛШ, само внимавав да не бидам виновен за некој гол“ рече Лалана.

Наполи ќе прифати понуда за Елиф Елмас, не помала од 25 милиони евра, тврди локалниот новинар Емануеле Камарото. Наполи се наоѓа во финансиска криза, поради што мора да продаде неколку фудбалери во летниот преоден рок. Покрај Елмс, претседателот Аурелио Де Лаурентс би подготвен да ги разгледа понудите за калиду Кулибали и Фабијан Руиз.

Борусија Дортмунд, Лидс јунајтед, Бенфика и Борусија Мехнехгладбах, во зимскиот преоден рок покажаа интерес за Елмас, но тогаш клубот не сакаше да разговара за неговиот трансфер, а и фудбалерот истакна дека ако замине од Наполи тоа ќе го направи по завршувањето на сезоната.

Италијанските медиуми сега тврдат, дека Борудија Дортмунд и Бенфика се уште се заинтересирани за Елмас.

Македонскиот репрезентативец, во Наполи пристигна во 2019 година од Фенербахче за сума од 16 милиони евра.

Тајсон Фјури се закани дека ќе се повлече од борбата со Ентони Џошуа, доколку во наредните денови не биде одреден терминот и локацијата. Фјури, сепак се надевал дека борбата ќе се одржи.

Фјури и Џошуа ќе се борат за обединување на сите титули во тешка категорија. Џошуа е шампион во верзиите на ИБФ; ВБО и ВБА, а кај Фјури е појасот за најдобар во верзијата на ВБЦ.

„Ми кажаа дека имаме некоку големи понуди. Со нетрпение чекам да ги разгледам, сакам да видам дали се прифатливи или не и дали можеме да се договориме. Мислам дека борбата ќе се одржи. Се треба да биде познато за неколку дена“, рекол Фјури.

Британците немале апсолутен шампион во тешка категорија уште од Ленокс Луис, кој во 1999 ги освои, а во 2000 ги одбрани шампионките титули.