Спорт
За Штрлек „доживотно“ нема место во хрватската репрезентација
Хрватска ќе биде без еден од клучните ракометари, Мануел Штрлек, на Европското првенство, потврдија селекторот Лино Червар и потпретседателот на Хрватскиот ракометен сојуз, Зоран Гобац.
„Кога не си задоволен со статусот, а не зборувам само за Мануел, ако не си дел од тимот, тогаш нема да бидеш тука. Нема ракометарите да ни одредуваат кој ќе биде селектор и кој ќе игра. Тоа не го прават во Кјелце, во Веспрем, нема да го прават и тука. Во репрезентацијата имаше и поголеми имиња од Мануел, но на еден Иван Балиќ и Изток Пуц немаше да им падне на памет таква идеја“, изјави Гобац.
Гобац исто така посочи дека отсега за Штрлек нема место во репрезентацијата.
„Кој и да биде селектор по Лино Червар, нема враќање за Мануел, бидејќи тој избра пат без враќање. Тој нема да игра за Хрватска. Целта е да се пласираме на Олимпијадата, а со малку среќа можеме и до медал. Ракометарите мораат да бидат свесни дека репрезентацијата е пред клубовите каде што играат за пари“, додава Гобац.
Хрватска е во групата А на Евро 2020 со Црна Гора, Белорусија и Србија.
ХРВАТСКА НА ЕВРО 2020
Марин Шего (Монпелје), Матеј Ашанин (ППД Загреб), Златко Хорват (ППД Загреб), Владо Матановиќ (Горење), Давид Мандиќ (ППД Загреб), Жељко Муса (Магдебург), Марино Мариќ (Мелзунген), Марин Шипиќ (ППД Загреб), Домагој Дувњак (Кил), Марко Мамиќ (Лајпциг), Јосип Шарац (Целје), Матеј Хрстиќ (ППД Загреб), Лука Циндриќ (Барселона), Игор Карачиќ (Кјелце), Лука Степанчиќ (Пик Сегед).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Борусија е во финалето на ЛШ – Хумелс го замолкна Париз
Фудбалерите на Борусија Дортмуд први изборија пласман во финалето на Лаигата на шампиони. „Милионерите“ и во реваншот го совладаа ПСЖ со 1:0. Стрелец на единствениот гол во Париз беше Матс Хумелс во 50.минута. Борусија по пауза ид 11 години е се бори за европската круна. Противник во финалето на „Вембли“ ќе и биде подобриот од второто полуфинале меѓу Реал Мадрид и Баерн Минхен.
ПСЖ имаше повеќе од играта, напаѓаше во првото полувреме, а во офанзива тргнаа во вториот дел, но Килијан Мбапе и соиграчите немаа доволно спортска среќа. Дури четири пати во второто полувреме ја погодија рамката од голот – двапати стативата и исто толку гредата.
И во првиот натпревар Французите двапати ја погодија стативата (Мбапе и Хакими), но ќе остане запишано дека во 180 минути не успеаја ниту еднаш да го совладаат голманот на Борусија, Кобел.
Стрелец на единствениот гол беше ветеранот Матс Хумелс во 50. минута. Јулијан Бранд одлично изведе корнер, а искусниот дефанзивец со глава го совлада Џиџи Донарума.
Спорт
Нан го однесе ПАО на завршниот турнир во Берлин
Кошаркарите на Панатинаикос по пауза од 12 години изборија пласман на завршниот турнир во Евролигата. Вечерва пред 20.000 навивачи во „ОАКА“, Панатинаикос ја доби мајсторката против Макаби со 81:72.
Панатинаикос клучната предност ја направи во воведните четири минути од последната четвртина, период во кој Макаби постигна само два поени.
Големо влијани врз конечниот резултат имаше и односот на слободните фрлања, Панатинаикос изведе 35, Макаби само 10.
Најефикасен во победата на Панатинаикос беше Кендрик Нан со 26 поени, Костас Слукас имаше уште една добра партија со 15 поени и шест скока, додека Хуанчо Ерненгомес постигна 11 поени. Матијас Лесор беше блиску до дабл-дабл учинок со девет поени и 11 скока. Францускиот центар од линијата за слободни фрлања погоди три пати од 14 обиди.
Кај Макаби најефикасен беше Лоренцо Браун со 17 поени.
На завршниот турнир во Берлин од 24 до 26 мај, Панатинаикос во полуфиналето ќе игра против победникот од четвртфиналето меѓу Монако и Фенербахче.
Спорт
Сашко Кедев на Велигден го искачи Макалу (8.485), петтиот највисок врв на светот
Кардиологот и алпинист Сашко Кедев утрото на Велигден се искачи на врвот Макалу кој е висок 8.485 метри и е петти највисок планински врз во светот.
Кедев со експедиција од четворица меѓународни алпинисти и петмина шерпаси се искачи на Макалу. Тој е првиот акедонец кој се искачил на овој врв.
Беше во придружба на искусниот Кили Пемба Шерпа, кој беше еден од 10-те непалски планинари кои се искачија на К2 во 2021 година.
Во историскиот успех на Кедев се запишани и врвовите Монт Еверест (8.848), К2 (8.611), Далагири (8.167), Манаслу (8.163), Броуд пик (8.051), Анапурна (8.091 метри), Cho Oyu (8.201), Нанга Парбат (8.126).