Спорт
Забавна егзибиција во Саудиска Арабија: Роналдо-Меси 2:1, ПСЖ-Ријад Ол-старс 5:4!
Кристијано Роналдо и Лионел Меси уште еднаш се сретнаа, според многу показатели можеби последен пат во нивните кариери, откако на скапиот егзибициски меч во Ријад, Саудиска Арабија, Пари Сен-Жермен и покрај тоа што во поголемиот дел од мечот беа со 10 играчи стигнаа до 5:4 победа над саудискиот „Ол-стар“ тим. Роналдо постигна два гола, негови први по скапиот трансфер во Саудиска Арабија, додека Лео Меси постигна еден пред бучната публика жедна за големи фудбалски ѕвезди.
Само што почна мечот, Лео Меси уште во третата минута ги донесе француските шампиони во водство, но радоста траеше до 34. минута, кога беше досуден пенал, а Роналдо беше безмилосен против својот поранешен соиграч Кејлор Навас. Пет минути подоцна, Хуан Бернат успеа да добие директен црвен картон во пријателски меч по еден не толку пријатен старт, но во 43. минута, ПСЖ дојде во водство со голот на Маркињос. Полувремето донесе уште возбуди – беше досуден пенал за ПСЖ, но Нејмар упати еден очаен удар кој заврши во рацете на голманот. Во судиското продолжение, Роналдо го постигна својот втор гол, откако прво ја погоди стативата за 2:2 на полувреме.
Уште еден поранешен соиграч на Роналдо од Реал Мадрид, Серхио Рамос во 53. минута пак ги донесе ПСЖ во водство, за Кореецот Хјун-Су Џонг три минути подоцна да врати за 3:3. По уште еден пенал за ПСЖ, овојпат Мбапе во 60. минута го врати водството на францускиот клуб, за потоа тренерите да ги извадат од игра главните ѕвезди – Роналдо, Меси, Мбапе и Нејмар. Иго Екитике во 78. минута го потврди триумфот на ПСЖ, за Бразилецот Талиска во 93. минута со прекрасен гол да ги постави конечните 4:5.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ван Перси ќе го предводи Херенвен
Робин Ван Перси е назначен за шеф на стручниот штаб на Херенвен, соопшти холандскиот клуб.
Ван Перси (47) е најдобриот стрелец во Историјата на овој клуб. Тој со Херенвен потпиша двегодишен договор.
Инаку, ова му е прво работно место на кое ќе работи како главен тренер, а претходно работеше како советник, специјалист и тренер на младинците во Феенорд.
„Тренерската професија е сеопфатна и предизвикувачка, а јас ја работам со голема страст и задоволство. Би сакал да продолжам да се развивам во таа насока, а работата главен тренер е идеална можност за тоа. Презадоволен сум од тоа и благодарен за шансата што ми ја даде Херенвен. Тоа е многу убав клуб со богата традиција и верни навивачи. „Фантастичен предизвик е да се придонесе за спортските амбиции и развојот на клубот“, рече Ван Перси.
Ван Перси имаше извонредна кариера во која ги носеше дресовите на Феенорд, Арсенал, Манчестер јунајтед и Фенербахче.
Спорт
Алегри го напушти Јувентус?
Тренерот на Јувентус, Масимилијано Алегри пред крајот на денешниот тренинг го напуштил тренинг центарот на клубот, што предизвика големо внимание и полемики во италијанската јавност.
Тој излетал од „Континаса“ со своето „фиќо“, а снимката експресно се појави на социјалните мрежи.
Многумина сметаат дека неговото заминување од Јувентус е веќе завршена работа, а ова видео само го потврдува тоа.
„Старата дама“ во средата го освои Купот на Италија, со минималната победа над Аталанта. Стрелец на единствениот гол на мечот беше Душан Влаховиќ.
Инаку, Алегри во финишот на натпреарот изведе перформанс кога го фрли палтото и вратоврската, за мелку ќе ја искинеше и кошулата поради што доби црвен картон, а по натпреварот имаше вербална пресметка со локалните новинари, кои со месеци го критикуваа.
Сепак, и покрај овој освоен трофеј, никој не е убеден дека Алегри наредната сезона ќе го предводи Јувентус.
Спорт
Францuзите поради Ембид останале без Мајк Џејмс
Французите во пресрет на Олимписките игри поради Џоел Ембид останале без Мајк Џејмс. Кошаркарскиот сојуз долго време го чекаше Ембид, кој доби пасош, но на крајот реши да игра за САД. Чекајќи го Ембид им пропадна можноста да го нагажират најдобриот стрелец во историјата на Евролигата.
Кошаркарскиот сојуз на Франција потврди дека бекот на Монако сакал да игра за „триколорите“.
Како што пренесува „Лекип“, претставници на Џејмс се обратиле до КС на Франција со прашањето дали може да игра за Франција.
Французите ја разгледувале можноста, но процесот беше одложен поради верувањето дека Џоел Ембид ќе ја избере Франција, а не Америка.
Откако Ембид ја донесе одлуката, Французите немаа време да реагираат, па на најголемиот спортски настан ќе настапат со домашни кошаркари.
Во меѓувреме, тренерот Винсент Коле го објави списокот за Олимписките игри на кој се:
Ендру Албиси, Метју Стразел, Тео Маледон, Килијан Хејс, Френк Нтиликина, Нандо де Коло, Еван Фурние, Билал Кулибали, Николас Батум, Исаја Кординие, Ели Окобо, Усман Диенг, Надир Ифи, Гершон Јабуселе, Руди Гобер, Виктор Вембањама, Матијас Лесор, Џејлен Хорд.