Ливерпул во последните недели и месеци работи на продолжување на договорите со клучните играчи Мохамед Салах и Вирџил ван Дајк. Сега се чини дека еден од тие договори конечно е решен.

Се чини дека 33-годишниот централен дефанзивец конечно донесе одлука за својата иднина. Шпанскиот весник „Марка“ објави дека Вирџил ван Дајк одлучил да потпише нов договор со Ливерпул, а тоа би требало да се случи наскоро.

Според новиот договор, Ван Дајк ќе остане на „Енфилд“ најмалку до летото 2028 година .

Во изминатите осум сезони, Холанѓанецот одигра 292 натпревари за Ливерпул, постигна 25 гола и забележа 13 асистенции. Со „црвените“ тој освои се што можеше да се освои и заврши на второто место во гласањето за „Златната топка“.

Поранешниот НБА играч, шампион во 2006 година со Мајами Хит, а подоцна и интернационален играч во Европа, Дорел Рајт се сомнева дека Вилт Чембрлен навистина постигнал 100 поени на натпреварот против Њујорк Никс.

На 2 март 1962 година, легендарниот кошаркар на Филаделфија постигна неверојатни 100 поени (36/63 од два, 28/32 слободни фрлања) со 25 скока во победата над Вориорс од 169:147.

„Веќе видов многу видеа. Тој натпревар не е во „HD“ или ништо друго. Сè уште не сме го виделе тоа. Вилт, те сакам до смрт, но треба да го видиме материјалот. Сега сето тоа може да се најде во „HD“. Но, нема 100 поени“, рече Рајт, кој дел од кариерата мина и во АБА лигата, во Игокеа, во подкаст со Двејн Вејд.

100-те поени на Чембрлен се еден од најлегендарните рекорди во историјата на кошарката, но многу фанови, новинари и експерти се уште се сомневаат дека овој рекорд воопшто бил постигнат.

Втор на вечната листа е Коби Брајант со 81 поен, трет е Чембрлен повторно со 78, а по 73 имаат повторно Чембрлен (двапати), Лука Дончиќ и Дејвид Томпсон.

Данскиот фудбалер Михаел Лаудруп е најпотценетиот фудбалер во историјата, објави познатиот светски магазин „Give me sport“, а на Топ 10 листата во оваа необична категорија се најде и легендата на Црвена звезда, Роберт Просинечки.

Поранешниот фудбалер, а потоа и тренер на клубот од стадионот „Рајко Митиќ“ е на петтата позиција, зад него се Франк Рибери, Серхио Бускетс, Георге Хаџи, Мајкл Керик и Руди Фелер, а меѓу него и легендарниот Данец се Дани Карвахал, Џордан Хендерсон и Томас Милер.

Во описот на Просинечки стои дека со Црвена звезда бил европски првак во 1991 година и дека станал светски шампион со младинската репрезентација на Југославија во 1987 година во Чиле, но дека во дресовите на Реал Мадрид и Барселона не успеал да покаже колку е фантастичен играч. Исто така, се наведува дека тој бил еден од клучните играчи во хрватскиот тим кој успеал да го освои бронзениот медал на Светското првенство во Франција во 1998 година.

За Лаудруп се вели дека е најдобриот дански фудбалер на сите времиња, но тој често не ја добива почитта што ја заслужува. Се наведува дека тој бил прва ѕвезда на репрезентацијата, но и на Барселона, по што се преселил во Реал Мадрид, а како илустрација за неговиот квалитет се истакнуваат зборовите на легендарниот Франц Бекенбауер:

„Пеле беше најдобриот играч на светот во 1960-тите, во 1970-тите доминираше Јохан Кројф, во 1980-тите доминираше Марадона, а во 1990-тите тоа беше Ладуруп“.