Спорт
Заниоло е 15. фудбалер на Рома со повреда на коленото во само шест години
Младиот италијански талент Николо Заниоло денеска ќе биде на операција и ќе стане 15. фудбалер на Рома кој ги скинал лигаментите на коленото во последните шест сезони во неверојатна статистика за клубот од „Олимпико“.
Италијанскиот печат повеќепати шпекулираше за причините за враќањето на оваа специфична повреда на фудбалерите на „волчицата“, со вести дека клубот поставил нова подлога на тренинг-терените во Тригорија. Крилото Диего Пероти имаше интересен коментар по повредата на Заниоло при вчерашниот пораз од 1:2 од Јувентус.
„Теренот на ’Олимпико’ никогаш не бил добар и е еден од најлошите во Серија А. Секогаш има дупки и мислам дека тоа придонесе за повредата. Николо е многу важен фудбалер за нас, така што се надевам дека ќе се врати бргу“, изјави Пероти.
One of the best solo runs of the season by Nicolo Zaniolo, which unfortunately ends in a ruptured ACL injury ?
Looks like he will miss Euro 2020. Gutted. pic.twitter.com/tgiJTep7Rs
— Uncle Sharma (@RSharmzz) January 12, 2020
КОМПЛЕТНА ЛИСТА НА ФУДБАЛЕРИ НА РОМА СО ВАКВА ПОВРЕДА
Кевин Стротман – 9 март 2014
Елија Капрадоси – 14 септември 2015
Езекиел Понсе – 24 ноември 2015
Абдулахи Нура – 28 мај 2016
Антонио Ридигер – 11 јуну 2016
Марио Руи – 5 август 2016
Алесандро Флоренци – 26 октомври 2016 и 17 февруари 2017
Емерсон Палмиери – 28 мај 2017
Лука Пелегрини – 15 јули 2017
Рик Карсдорп – 25 октомври 2017
Рикардо Калафиори – 2 октомври 2018
Давид Буа – 23 ноември 2018 и 16 септември 2019
Вилијам Бјанда – 4 февруари 2019
Давиде Запакоста – 4 октомври 2019
Николо Заниоло – 12 јануари 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Брејк на Фенер во Монако и на Олимпијакос во Барселона
Кошаркарите на Фенербахче и Олимпијакос славеа како гости бво Монако и Барселона, во првите плеј-оф натпревари во Евролигата.
Фенербахче, во малото кнежевство славеше по дополнителните пет минути со 95:91. Во регуларниот дел натпреварот заврши 81:81. Победата на Фенер ја засени повредата на Скоти Вилбекин, кој веројатно нема да биде подготвен за вториот натпревар.
Во победничкиот тим најефикасен беше Најџел Хејс-Дејвис со 19 поени, Ник Калатес додаде 17, а Нејтан Сестина 16 поени.
Во редовите на Монако Ели Окобо имаше 19, а Џордан Лојд и Мајк Џејмс постигнаа по 16.
Следниот натпревар се игра на истото место во петок на 26 април од 19 часот.
Олимпијакос во „Палау Блауграна“, го контролираше натпреварот од првата до последната секунда и заслужено ја победи Барселона со 77:75. Имаше Олимпијакос 13 поени предност во третиот период, Барселона се врати во мечот со серија 8:0. До крајот на натпреварот играчите на грчкиот тим ги одбија сите напади на Барселона.
Црвено-белите до брејк стигнаа со 15 поени на Најџел Вилијамс-Гос, 14 на Ајзеа Кенан, додека Петрушев имаше 12 со пет скока, а Мустафа Фал 11 поени.
Во тимот на Барселона Вили Ернангомез и Џабари Паркер постигнаа по 13 поени, Алекс Абриаес 11, а Рики Рубио 10 поени.
Вториот меч на програмата е во петок во Барселона.
Спорт
(Видео) Аталанта ќе се бори за трофејот во Купот на Италија
Аталанта вечерва избори пласман во финалето, во Кушот на Италија. Во реваншот, талнат ја победи Фиорентина со 4:1.
Предноста со која Фиорентина допатува во Бергамо ја анулира Копмајнерс во осмата минута.
Фиорентина остана со фудбалер помалку во 53.минута, кога Миленковиќ како последен човек во одбраната направи фаул врс Скамака.
И со играч помалку Фиорентина успеа да изедначи преку Мартинез Кватра во 68.минута. Работите во вкупниот резултат ги врати Скамака со евро-гол во 75.минута.
Драмата кулминираше во самиот финиш Лукман погоди во 95. за 3.1, а три минути подоцна точка на натпреварот стави Пашалиќ.
Фиорентина сигурно ќе има жестоки поплаки за судењето на Ла Пења. Впечаток е дека Фиорентина не доби пенал при водство на Аталанта 1:0, а исто така спорен е почетокот на акцијата при третиот гол, кога Бираги беше фаулиран, а и спорна е позицијата на стрелецот на голот Лукман.
Таму ги чека Јувентус кој претходно го победи Лацио.
Финалето е закажано за 15 мај.
Спорт
(Видео) Евертон ги згасна шампионските сништа на Ливерпул
Шампионските сништа на Ливерпул во „Мерсисајд“ дербито ги згасна Евертон. „Карамелите“, вечерва славеа со 2:0 и прв пат по 14 години славеа како домаќини над градскиот ривал.
Корнерите му пресудија на Ливерпул на „Гудисон парк“. Најпрвин реализираше Брејтвајт во 27., а точка на мечот стави Калверт-Лувин во 58.минута.
Ливерпул остана втор на табелата со три бода помалку од Арсенал, трет е Манчестер сити со четири бода и два натпревари помалку.
Евертон, со сите проблеми што ги има сезонава (одземањето на бодови), се чини дека со овој триумф го обезбеди опстанокот во лигата.
На „Олд Трафорд“, нова мачна партија на Манчестер јунајтед. Тимот на Тен Хаг губеше до 61.минута од најслабиот тим во Премиер лигата. На крајот „црвените ѓавли“ славеа со 4:2.
Шефилд поведе во 35. минута преку Богл, а Мегваер израмни во 42. Гостите го вратија водството во 50. минута, кога Чилеанецот Бреретон-Дијаз го совлада Онана. Бруно Фернандеш од пенал во 61. минута изедначи на 2:2.
Во финишот дојде до израз напаѓачкиот квалитет на Јунајтед, па домашните славеа со головите на Бруно Фернандеш во 81. минута и Хојлунд во 85. минута.
Кристал Палас е во одлична форма под водство на новиот менаџер Оливер Глезнер, а по Ливерпул и Вест Хем неговата сила ја почувствува и Њукасл. Двоен стрелец беше Матета во 55. и 88. минута.
Во Вулверхемптон, Бурнемаут со голот на Семења во 37. минута победи со 1:0.