Спорт
Започна чистката во ПСЖ

ПСЖ започна со плановите за наредната сезона. Актуелната во која клубот стана шампион на Франција е оценета како неуспешна, најмногу поради испаѓањето во осминафиналето од Лигата на шампионите.
Француски „Л’Екип“ пишува дека започнала чистката во Париз и дека веќе се знае кои петмина играчи први ќе си заминат.
Најголемото име на таа листа е Анхел Ди Марија, 34-годишниот Аргентинец кој има договор со ПСЖ до крајот на сезоната. За Аргентинецот се заинтересирани шпанските гиганти Барселона и Атлетико, а најблиску до неговиот потпис е италијански Јувентус.
Јулијан Дракслер е уште една ѕвезда што го напушта ПСЖ. Тој требаше да биде еден од клучните играчи, но во последните години падна во втор план и ПСЖ сега сака да се ослободи од него. Го бараат неколку германски клубови и Севиља.
Леандро Паредес пред само три години беше платен 40.000.000 евра, а сега 27-годишниот аргентински играч за врска би требало да ја продолжи кариерата во италијанската лига.
Лајвин Курзава веќе подолго време е на трансфер листата. Тој има договор за уште две години и најверојатно ПСЖ ќе му исплати одредена сума на пари за тој да си замине од клубот.
Последен на оваа листа е Тило Керер, 25-годишниот германски дефанзивец. Керер е баран играч на пазарот и ПСЖ за разлика од Курзава нема да има проблем да го продаде.
Се уште не е познато што ќе биде со трите најголеми ѕвезди Килијан Мбапе, Лионел Меси и Нејмар.
Мбапе има договор до крајот на сезоната. Мистерија е дали тој ќе остане во клубот или ќе се пресели во Реал Мадрид.
Меси е бесен поради лошата сезона и свирежите на навивачите, а Нејмар изјави дека планира да остане во клубот.
ПСЖ следната сезона би требало да добие нов тренер. На врвот на желбата за нов тренер е легендарниот француски играч Зинедин Зидан, а се споменува и актуелниот тренер на Тотенхем Антонио Конте.
Веројатни се и промени во раководството на клубот, па Бразилецот Леонардо би требало да биде заменет со Арсен Венгер, кој го водеше лондонски Арсенал од 1996 до 2018 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Интер испадна од клускиот Мундијал

Фудбалерите на Флуминенсе направија изненадување победувајќи го фаворизираниот Интер со 2:0 и се пласираа во четвртфиналето на Светското клупско првенство.
Интер доживеа шок во четвртата минута кога Херман Кано со глава шутираше ниско во средината на голо и го совлада Јан Зомер.
Победата бразилскиот тим ја потврди во судиското надополнување, во 93.минута, стрелец беше Херкулес.
Спорт
Турците се задоволни од Монтела

Италијанскиот стручњак Винченцо Монтела ќе остане тренер на турските фудбалери до јули 2028 година, објави Фудбалската асоцијација на Турција (ФСТ).
Според ФСТ, Монтела (51) потпишал нов договор и се обврзал на нелојалност до крајот на Европското првенство во 2028 година.
Монтела седеше на клупата на Турција во 2023 година, а на претходното Европско првенство ја водеше екипата до четвртфиналето.
Турција го очекува почетокот на квалификациите за Светското првенство 2026 во септември.
Екипата на Монтела е во групата Е, во која се и Шпанија, Грузија и Бугарија. Победникот од групата ќе обезбеди директно место на Светското првенство, додека второпласираната селекција ќе оди во плејофот.
Спорт
Еванс ја заврши кариерата, доби интересна работа во Јунајтед

Џони Еванс ја заврши својата 20-годишна играчка кариера и се пресели од теренот во канцеларијата.
Долгогодишниот дефанзивец на Манчестер Јунајтед, но и на бројни други клубови (Лестер, Сандерленд, ВБА) ќе ги извршува своите должности во клубот од Олд Трафорд, а неговиот опис на работното место ќе вклучува работа со млади играчи.
Тој ќе соработува со директорот на клубот Џејсон Вилкокс и директорот на академијата за подобрување и развој на младите играчи. Неговиот фокус ќе биде испраќање играчи на позајмица.
Во два периода во Манчестер, Еванс одигра вкупно 241 натпревар за „Црвените ѓаволи“.
Учествуваше во освојувањето на Лигата на шампионите и три титули во Премиер лигата, сите под водство на Сер Алекс Фергусон.
За репрезентацијата на Северна Ирска одигра вкупно 107 натпревари.