Спорт
Газета: Реал, Барса и Јуве можат да бидат исфрлени од ЛШ

Италијанската „Газета дело Спорт“ носи нови вести за Супер лигата. Поточно, за санкциите предвидени за единствените три клуба кои формално се уште не откажаа од Супер лигата: Реал Мадрид, Барселона и Јувентус.
Да потсетиме, Супер лигата ја основаа 12 клуба (Реал, Барселона, Атлетико, Јувентус, Интер, Милан, Ливерпул, Манчестер сити, Манчестер јунајтед, Арсенал, Челси, Тотенхем). Лигата се распадна по 48 часа.
Минатата недела, Трговскиот суд во Мадрид пресуди дека УЕФА е слободна да ги казни трите клуба.
Во тој поглед се очекуваат исти санкции со кои се соочија клубовите што ја напуштија Супер лигата. Казната за другите клубови беше 15 милиони евра и 5отсто од сезонскиот приход.
Според извори на „Газета дело Спорт“, УЕФА нема да преземе мерки уште некое време. Ново рочиште е закажано за средината на јуни во судот во Мадрид, а Европскиот суд на правдата нема да се произнесе за легитимноста на Супер лигата до 2023 година.
Сепак, Италијанците наведуваат дека УЕФА е подготвена за секакви можни дејствија во случај трите споменати клубови повторно да ја откажат послушноста и да одбијат да ја платат казната.
Се споменува дури и исфрлање од Лигата на шампионите. Со оглед на датумот на одлуката на Европскиот суд на правдата, таквата санкција би можела да се активира само за сезоната 2023/24.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Реал го доби евролигашкото „Ел класико“ за финале на Евролигата!

Реал Мадрид со 86:83 ја совлада Барселона во второто полуфинале од Евролигата во Белград, за слатка одмазда на тимот на Пабло Ласо и обезбедување на големо финале против актуелниот шампион, Анадолу Ефес, кој претходно во драма беше подобар од Олимпијакос.
„Кралевите“ имаа лоша серија од пет порази едноподруго од Барселона, за да им се одмаздат во најважниот меч од сезоната, и тоа откако тимот на Шарунас Јасикевичиус имаше и двоцифрена предност во мечот. Ова е прво финале за „кралевите“ по освојувањето на титулата во 2018 година.
Барса имаше серија од 9-0 во втората четвртина за да поведе со 43:33 пред полувремето, но Реал се врати со 26:11 во третата четвртина, предводени од Серхио Љуљ и Фабиен Касер. Николас Лапровитола ги врати Барса во игра со две тројки во низа за на три минути пред крајот, Реал да има два поени предност (73:75). Мечот влезе во неизвесна завршниц, пред Љуљ да ја осигура победата. Касер заврши со 18 поени за Рел, Јабуселе имаше 18 поени и 8 скока, а Љуљ заврши со 15 поени. За Барса не беше доволна фантастичната партија на Никола Миротиќ со 26 поени, 12 скока и 5 асистенции.
Финалето се игра во сабота во 18 часот.
Спорт
Евертон со луд камбек до победа над Палас и обезбедување на опстанок!

Евертон сигурно нема да биде второлигаш следната сезона. Навивачите на славниот ливерпулски клуб можат да здивнат по вечерната драма, во која тимот на Френк Лампард се врати од 0:2 негатива по 36 минути игра, за да стигне до драматична 3:2 победа над Кристал палас, со што се одвоија од Барнли и Лидс, двата клуба кои во последното коло ќе се обидат да избегнат преселба во понизок ранг.
Мечот на „Гудисон“ не почна најдобро за Евертон – Жан-Филип Матета во 21. минута ги донесе гостите во водство, за ветеранот Џордан Ају во 36. минута да зголеми на 0:2. Но, „карамелите“ не се предадоа – Мајкл Кин во 54. минута намали на 1:2, Ришарлисон во 75. минута израмни на 2:2, пред Доминик Калверт-Луин во 85. минута да го постигне победничкиот гол, предизвикувајќи кратка инвазија на теренот на навивачите на Евертон.
ПРЕМИЕРЛИГА
Евертон – Кристал палас 3:2
Астон вила – Барнли
Челси – Лестер 1:1
(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-1-37036”));
Спорт
Титулата од ЛШ останува сон за ПСЖ по колапсот против Кил!

Сонот на Пари Сен-Жермен за прва титула од Лигата на шампионите ќе остане само сон барем уште една сезона, откако тимот на поранешниот тренер на Вардар, Раул Гонзалес доживеа „колапс“ на гостувањето кај Кил и загуби со 33:32.
Кил требаше да го запечати местото на Ф4 во Келн уште во првиот меч, кога ПСЖ спасуваше реми (30:30) во последните минути од мечот, но имаа одлично отварање на мечот, поведувајќи од првата минута, за да отидат на одмор со два гола предност (17:19), користејќи ја слабата форма на Никлас Ландин, кој имаше само една одбрана по 24 минути игра.
Меѓутоа, во второто полувреме, Кил направија камбек предводени од Домагој Дувњак и Магнус Ландин Јакобсен да стигнат до 26:23 водство. ПСЖ успеа да ја врати рамнотежата
Ландин Јакобсен заврши со 7 гола за бундеслигашот, по шест имаа Харалд Реинкинд и Патрик Винцек, додека за ПСЖ, Недим Ремили имаше 8, а Камил Сипжак заврши со 7.
ЕХФ ЛИГА НА ШАМПИОНИ, 1/4 ФИНАЛЕ
Кил – Пари Сен-Жермен 33:32 (17:19), прв меч 30:30
Барселона – Флензбург 27:24 (10:10), прв меч 29:33
Вчера играа:
Алборг – Веспрем 31:30 (20:21), прв меч 29:36
Кјелце – Монпелје 30:22 (15:8), прв меч 31:28