Спорт
(Видео) Започна новата сезона во Ла Лига – Хетафе освои бод во Билбао

Новата, 94-та сезона во шпанската Ла Лига беше отворена со ново, четврто последователно реми на старите ривали на „Сан Мамес“.
Атлетико едноставно не знае како да го победи Хетафе во Билбао, натпреварот заврши 1:1 (1:0).
Актуелните освојувачи на Купот на Шпанија, фудбалерите на Атлетик на последните осум натпревари имаат само една победа против Хетафе. Лани на овој стадион беше 2.2.
Хетафе кој со „крпен“ тим дојде во Билбао, во текот на целиот натпревар беше подобриот тим на теренот. За таквата храбра игра Бордалас и неговите фудбалери се наградени со еден бод. Билбао на овој меч беше без европските шампиони, Бико Вилијамс, Дани Вивијан и голманот Унаи Симон.
Единствената добра акција во првиот дел фудбалерите на Атлетик ја претворија во гол во 27.минута. Првиот гол во сезоната 2024/2025 го постигна Ојан Сансет. Играчот од редот за врска одлично палсираше од 20 метри, Сорија беше немоќен.
Хетафе жестокот нападна од стартот на вториот дел, во 48. минута, Питер Федерико ја погоди стативата, а потоа ударот на Карлес Алења го одбрани голманот на Атлетик, Алекс Падиља.
На крајот, Падиља беше совладан во 64. минута кога Уче на центаршутот на Луис Миља од корнер скокна највисоко и со гол го круниса дебитантскиот настап во Шпанија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Меси суспендиран

Аргентинецот Лионел Меси е суспендиран на еден натпревар во МЛС лигата поради тоа што го пропушти неодамнешниот Ол-стар натпревар. Иста казна заработи и неговиот соиграч Џорди Алба.
Фудбалерите на клубот од Мајами ќе го прескокнат многу важниот натпревар на Интер против лидерот во Источната конференција, Синсинати, во кој тимот од Флорида, со евентуална победа, би можел да се приближи до првото место.
Правилата на лигата налагаат играчите кои се поканети на Ол-стар натпреварот и не се појават, а немаат соодветно медицинско оправдување, автоматски да бидат суспендирани.
Тренерот на Интер, Хавиер Маскерано, по натпреварот со Њујорк изјави дека Алба е повреден, па затоа не може да игра на Ол-стар натпреварот, додека за Меси рече дека бил уморен.
Оваа сезона, Меси постигна 24 гола на 29 натпревари во сите натпреварувања.
Спорт
Сопругата на Халк Хоган: „Срцето ми е скршено“

Сопругата на Халк Хоган, Скај Хоган, му оддаде почит на својот покоен сопруг.
Таа рече дека срцето и’ е скршено додека зборуваше во трогателна почит по смртта на ѕвездата на WWE.
Седумдесет и едногодишната икона на борењето и телевизијата, Халк Хоган, почина вчера наутро откако доживеа срцев удар.
Итната помош беше повикана во неговиот дом во Флорида, каде што беше лекуван околу 30 минути пред да биде однесен во болница.
За жал, тој беше прогласен за мртов подоцна тоа утро.
По шокантните вести, холивудските и боречките ѕвезди му оддадоа почит на Халк.
Дури и сегашниот претседател на САД се збогува со него.
„Халк Хоган беше МАГА (Make America Great Again) цело време – силен, жилав, паметен, но со најголемо срце“, напиша Доналд Трамп на платформата „Трут соушал“.
„Тој одржа апсолутно електричен говор на Републиканската национална конвенција, тоа беше еден од најважните моменти од целата недела.“
„Тој ги забавуваше фановите од целиот свет, а културното влијание што го имаше беше огромно. На неговата сопруга Скај и на семејството, им испраќаме најтопли желби и љубов. Халк Хоган многу ќе ни недостига!“
Фото: Инстаграм профил на Скај Хоган
Спорт
Пјастри со брутален круг до пол-позицијата за спринт трката во Белгија

Оскар Пјастри од пол-позицијата ќе ја стартува спринт трката на патеката Спа Франкошамп во Белгија. Лидерот во генерланиот пласман со со брутален круг ја освој првата стартна позиција.
Кругот со кој Пјастри ја освои пол-позицијата е со време 1.40.510 минути. Австралиецот за половина секунда зад себе го остави актуелниот шампион Макс Ферстапен, а за шест десетинки беше подобар од тимскиот колега Ландо Норис.
Спринтот од вториот ред, веднаш до Норис ќе го започне возачот на Ферари, Шарл Леклер.
Брилијантни квалификации имаа возачите на Хас, Естебан Окон ќе стартува од петтото, а Оли Бернман од седмото место. Меѓу нив е возачот на Вилијамс, Карлос Саинц јуниор.
Во Топ 10 на стартото ќе бидат Пјер Гасли (Алпин), Исак Хаџар (Рејсинг Булс) иГабриел Бортолено (Заубер).
Најголемото разочарување во квалификациите се Луис Хамилтон и возачите на Мерцедес. Хамилтон ќе стартува од 17.позиција, Џорџ Расел од 13-та, а Андреа Кими Антонели во последната позиција.
Спринт трката се вози утре во 12 часот, а четири часа подоцна на програмата се квалификациите за главната трка.
Foto/ McLaren Media