Спорт
„Зарѓаниот“ Федерер елиминиран уште во прво коло во Женева
Шварцарецот Роџер Федерер е елиминиран уште во првото коло на тенискиот турнир од Серија 250 во Женева. Првиот носител на турнирот загуби од Шпанецот Пабло Андухар со 2:1 (6:4, 4:6, 6:4).
Сега Андухар го презема лесниот жреб на Федерер па во второто коло ќе игра со подобриот од дуелот меѓу Швајцарецот Стрикер и Унгарецот Фучович.
Дека навивачите зажелеа да ги видат потезите на еден од најдобрите тенисери на сите времиња доволно говори и фактот што околу оградата на теренот во Женева се насобраа голем број гледачи за „илегално“ да го следат мечот.
Федерер речиси две години не играл на земјена подлога, па потребно беше нозете да се „загреат“.
Двајцата тенисери беа израмнети се од деветтиот гем кога шпанскиот тенисер направи бреј и поведе.
Федерер го возврати ударот во вториот сет, па мечот мораше да биде одлучен во трет сет.
Во третиот гем Швајцарецот направи брејк, но Андухар возвртаи во осмиот гем.
Тогаш, Федерер го загуби и следниот сервис-гем, па иако до крајот успеа да спаси 2 ме топки на противникот, третата му го донесе поразот.
Fed-AIR-er ✈️@rogerfederer @genevaopen pic.twitter.com/CW9ZfgfQAc
— Tennis TV (@TennisTV) May 18, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.