Фудбалерите на Манчестер сити победија во Шефилд на отворањето на седмото коло, во Премиер лигата. „Граѓаните“ победија со единствениот гол кој го постигна Кајл Вокер во 28.минута.

Манчестер сити и на овој натпревар играше без класичен напаѓач, Агуеро и Жесус се повредени, што г покажува и конечниот резултат.

Сити доминираа во текот на целиот натпревар, создадоа неколку добри шанси (Феран Торес, Стерлинг, Марез), но само една топка заврши во мрежата на Шефилд Јунајтед.

Вокер со прецизен удар од 20 метри го совлада голманот на Шефилд Јунајтед.

Сити со оваа победа, од шест одиграни натпревари, дојде до 11 поен во Премиер лигата.



Менаџерот на Арсенал, Микел Артета, смета дека неговиот тим го очекува тешка задача на гостувањето кај Манчестер Јунајтед. Артета се надева дека Арсенал ќе може да стави крај на лошата традиција кога станува збор за натпреварите на „Олд Трафорд“.

Фудбалерите на Арсенал немаат победа на „Олд Трафорд“ упте од 2006 година.

„Би било одлично кога би победиле. Мислам дека веќе 14 години Арсенал не победил во гости кај Јунајтед…По поразот што го доживеавме минатата недела од Лестер, мислам дека совршено сценарио би била наша победа во Манчестер“, рекол Артета.

Шпанскиот тренер посебен акцент ставил на нападот на „црвените ѓаволи“.

„Тие имаат добар однос, одлично функционираат, тоа може да се види на теренот. Оле успеа да го подобри тимот, бројот на постигнати голови зборува за тоа. Можат да играат со две или три различно формации“.

Арсенал забележа порази на последните два натпревари и се наоѓа на 11 место на табелата, додека Јунајтед се на 15 место.

Дербито на „Олд Трафорд“ се игра утре од 17.30 часот.

Светското клупско првенство на ФИФА наместо во декември ќе се одигра во февруари наредната година, тврди „Зидојче Цајтунг“.

На конгресот на ФИФА, одржан во август, првиот човек на ФИФА, Џани Инфантино, најави дека поради пандемијата со коронавирусот, календарот ќе претрпи измени.

Досега се познати само екипи кои обезбедија учество на клупскиот Миндијал: европскиот првак Баерн Минхен, шампионот на Океанија Оукланд сити и домаќинот Ал-Духаил.

Поради пандемијата беа прекинати останатите натпреварувања поради што допрва треба да бидат познати шампионите на Јужна, Северна и Средна Америка, односно Азија и Африка.