Спорт
Завршува кошмарот за Серхио Рамос

Шпанскиот фудбалски интернационалец, Серхио Рамос конечно ќе се приклучи на тренинзите на тимот на ПСЖ и ќе конкурира за настап во лидерот на табелата во Лига 1.
Според информациите на француските медиуми, Рамос конечно стигна до точка на опоравување при што ќе може да почне со индивидуални тренинзи, а наскоро да дојде и неговото деби за парискиот клуб.
Рамос потпиша двегодишен договор со „Светците“ на почетокот на јули годинава. Тогаш лекарите на ПСЖ по петчасовни испитувања утврдија дека Шпанецот иако има 35 години, неговото тело е физички подготвено како 25-годишник.
Сепак, поради повреда на листот на левата нога, Рамос се уште не ги запишал првите минути во неговиот нов клуб.
Фудбалските портали сета таа ситуација ја опишуваат како кошмар за дефанзивецот, а повеќето од нив пишуваат дека ПСЖ погрешиле што го довеле во Париз.
Со 35 години и 22 трофеи со Реал Мадрид на речиси 900 професионални натпревари, Рамос доживува невиден пад на активностите затоа што во 2021 година има одиграно само 7 натпревари.
Последниот настап го имаше на 5. мај во полуфиналето во ЛШ против Челси.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Тами Ејбрахам се пресели од Рома во Бешикташ

Англискиот фудбалер Тами Ејбрахам (27) кариерата ќе ја продолжи во Бешикташ. Турскиот клуб и Рома договорија, Ејбрахам наредната сезона да настапува како позајмен играч.
Бешикташ, на Рома ќе и плати два милиони евра.
Турскиот клуб има опција да го купи Ејбрахам за 13 милиони евра на крајот од позајмицата.
Англискиот фудбалер ја помина минатата сезона како позајмен играч во Милан, каде што одигра 44 натпревари и постигна 10 гола, со седум асистенции.
Тој одигра 11 натпревари за Англија и постигна три гола.
Ејбрахам играше и за Челзи (ја освои Лигата на шампионите), Бристол, Свонси и Астон Вила.
Фото/ Beşiktaş JK
Спорт
Езе се договори со Арсенал, Асенсио кај Мурињо

Еберчи Езе постигна договор со Арсенал за личните услови, сега сè што останува е клубовите да постигнат договор.
Според англиските медиуми, челниците на Кристал Палас за одличниот офанзивен играч од средниот ред побарале 60 милиони фунти.
„Топџиите“ се согласиле да ја платата оваа сума и се очекува договорот да биде завршен најдоцна до утре.
Езе е еден од најзаслужните играчи за освојувањето на ФА Купот од страна на Кристал Палас. Минатата сезона одигра 43 натпревари, постигна 14 гола и забележа 11 асистенции.
Марко Асенсио постигна договор со Фенербахче околу платата. Турскиот вицешампион сака да го доведе на едногодишна позајмица, а потоа да го откупи договорот, додека челниците на ПСЖ сакаат да го продадат.
Шпанскиот репрезентативец доаѓа на инсистирање на Жозе Мурињо, со кого имаше можност да работи во Реал Мадрид.
Анесио одигра 13 натпревари за Астон Вила, каде што беше на позајмица во вториот дел од сезоната, постигна три гола и забележа исто толку асистенции.
Фото/ EPA-EFE/DANIEL HAMBURY
Спорт
Капитенот на Торино го засили Милан

Италијанскиот фудбалер Самуеле Ричи (23) е нов играч на Милан, објави клубот.
Ричи потпиша договор со Милан до 30 јуни 2029 година, со опција за продолжување на соработката за уште една сезона. Тој ќе го носи дресот со број четири во својот нов клуб.
Италијанскиот фудбалер игра во средината на теренот, а во последните три години играше за Торино.
Новиот фудбалер на Милан одигра десет натпревари за италијанската репрезентација.
Милан минатата сезона заврши на осмото место во Серија А и не се квалификуваше за европските натпреварувања.
Foto/ EPA-EFE/CLAUDIO GIOVANNINI