Навивачите на Пари Сен-Жермен повторно ќе имаат кошмар од Маркус Рашфорд, откако англискиот напаѓач во финишот на првиот меч од Лигата на шампионите, успеа да постигне гол на „Паркот на принцовите“ и да им донесе на Манчестер јунајтед неочекувана победа, слично како пред две сезони.

Јунајтед, зачудувачки, имаа повеќе од играта во првото полувреме и дојдоа во водство со 11-тиот гол од пенал на (привремениот) капитен Бруно Фернандеш, кој во 23. минута од вториот обид успеа да го совлада Кејлор Навас. ПСЖ влегоа во ритам во второто полувреме, посебно преку Килијан Мбапе, кој му задаваше главоболки на Арон Ван-Бисака, но својот гол го дочекаа во 55. минута кога Антони Марсијал ја заби топката во сопствената мрежа по еден корнер.

Додека ПСЖ одеа на победа, Маркус Рашфорд во 87. минута доби топка од Пол Погба, за од работ на шестнаесетникот да го совлада Навас. Рашфорд пред две сезони успеа да го елиминира ПСЖ по 3:1 победата на Јунајтед на „Паркот на принцовите“ со гол од пенал по 90-те минути.

Лацио при своето враќање во Лигата на шампионите по подолго време, стигнаа до импресивна 3:1 победа над Борусија Дортмунд. Чиро Имобиле го „начна“ својот поранешен клуб по катастрофалната грешка на одбраната на германскиот клуб, пред Луиз Фелипе да зголеми на 2:0. Ерлинг Халанд во 71. минута им даде надеж на гостите за камбек, пред Жан Акпа Апро да ја запечати победата.

Барселона немаа мака во својот прв меч во ЛШ, откако со 5:1 го совладаа унгарскиот шампион Ференцварош иако мечот го завршија со играч помалку. Лео Меси (од пенал) и Ансу Фати со фантастичен гол по проигрувањето од Де Јонг донесоа 2:0 водство во првото полувреме. Филипе Кутињо зголеми на 3:0, пред Жерард Пике да добие црвен картон, а Ференцварош од пенал на намали на 3:1, за Родри да стави точка на натпреварот.

ЛИГА НА ШАМПИОНИ, 1.КОЛО

ГРУПА Е

Челси – Севилја 0:0

Рен – Краснодар 1:1

ГРУПА Ф

Зенит Санкт Петерсбург – Клуб Бриж 1:2

Лацио – Борусија Дортмунд 3:1

ГРУПА Г

Динамо Киев – Јувентус 0:2

Барселона – Ференцварош 5:1

ГРУПА Х

Пари Сен-Жермен – Манчестер јунајтед 1:2

РБ Лајпциг – Башакшехир 2:0

ПСЖ – МАНЧЕСТЕР ЈУНАЈТЕД

БАРСЕЛОНА – ФЕРЕНЦВАРОШ

ЛАЦИО – БОРУСИЈА ДОРТМУНД

ЧЕЛСИ – СЕВИЛЈА

РБ ЛАЈПЦИГ – БАШАКШЕХИР

Барселона, по проблематичното лето, и трауматичниот 8:2 пораз од Баерн Минхен во Лигата на шампионите, ја отвори новата сезона во натпреварувањето со 5:1 победа над Ференцварош, во која легендата на клубот Лео Меси постави нов рекорд, а иднината на клубот, Ансу Фати исто така се запиша во историјата на ЛШ.

33-годишниот Меси го постигна првиот гол, со удар од белата точка, со што стана само вториот фудбалер кој постигнал голови во 16 сезони во Лигата на шампионите, заедно со Рајан Гигс од Манчестер јунајтед. За Меси ова е само втор гол оваа сезона, откако и претходниот против Вилјареал, го постигна од пенал.

Фати, пак, со својот гол (вториот на мечот), стана првиот фудбалер кој постигнал повеќе од еден гол во ЛШ пред својот 18-ти роденден.

Ѕвездата на Баерн Минхен, Серж Гнабри ќе го пропушти првиот меч од одбраната на титулата во Лигата на шампионите против Атлетико Мадрид поради позитивен тест на корона вирусот.

25-годишниот Гнабри беше стартер во текот на викендот, играјќи еден час при 4:1 победата над Арминија Билефелд. Тој се наоѓа во добра состојба и е во домашна изолација. Во групата А покрај Атлетико и Баерн се и РБ Салцбург и Локомотив Москва.

Гнабри имаше фантастична 2019/20 сезона, втора во дресот на Баерн откако претходно не успеа да се пробие во првиот тим на Арсенал, постигнувајќи 23 гола во 46 меча.

ℹ️ Serge Gnabry has tested positive for Covid-19. He is doing well and is currently in quarantine. pic.twitter.com/ZMYliMAiy6

— FC Bayern English (@FCBayernEN) October 20, 2020