Тренерот на Ливерпул Јирген Клоп смета дека титулата во Серија А оваа сеозна ќе ја освои Лацио. Римскиот тим синоќа славеше над Интер (2.1) и се доближи до лидерот Јувентус на еден бод.

Јувентус се уште е најголемиот фаворит за трофејот во Серија меѓутоа Клоп смета дека „старата дама“ нема да ја одбрани титулата.

„Навивам Лацио да стане шампион. Имаме поранешен фудбалер на Ливерпул тму (Лукас Леива). Чиро Имобиле е играч кого го тренирав во Дортмуд. Жалам Конте, Жалам Сари, мислам дека Лацио ќе приреди изненадување. Тие имаат неверјатна сезона“, рекол Клоп за „Раи Спорт“.

Тимот на Леброн Џејмс го победи Тимот на Јанис Адетокумбо со 157:155 на Ол стар викендот во Чикаго. На пвој меч, благодарение на промената на правилата, во последната четвртина се играше серизна кошарка. Тимот на Леброн успеа да надополни 17 поени негатива и на крајот да победи со поените на Ентони Дејвис од линијата за слободни фрлања.

По три четвртини кошарка кои започнуваа со резултат 0:0 делуваше дека ќе победи Тимот на Јанис кој во еден момент имаше предност од 17 поени (106:89). Во последната четвртина Тимот на Јанис влезе со предност од девет поени, а бидејќи резултатот беше 133.124 и споменатот правило во чест на Коби Брајант и додавањето на 24 поени, победникот мораше да стигне до 157 поени.

Тогаш започна жестока борба. Сјано се играше во одбраната, публиката виде многу украдени топки, две рампи од Јанис за Леброн. На крајот победи Тимот на Леброн каде најефикасен беше Каваи Ленард со 30 поени (8 тројки), по 23 поени постигнаа Леброн и Крис Пол, а на 20 поени застана Дејвис.

Јанис го предводеше својот тим со 25 поени и 11 скока, 23 поестигна Кемба Вокер, а 21 со 11 скока забележа Џоел Ембид.

МВП наградата која од оваа година го носи името на Коби Брајант му припадна на Каваи Ленард од Лос Анџелес Клиперс.

Еден Азар го заигра првиот меч за Реал Мадрид по подолга пауза, но ниту тој не беше доволен „кралскиот“ клуб да извлече победа, одигрувајќи само 2:2 со Селта на „Сантијаго Бернабеу“.

Гостите најавија дека се дојдени во шпанската престолнина да играат фудбал уште во седмата минута, кога Федор Смолов избегна офсајд стапица и го совлада немоќниот Тибо Куртоа. Реал доминираше во играта и во поседот на топката, но чекаше дури до 50. минута да израмни кога Тони Крос доби убава топка од Марсело и стрелаше за 1:1.

Тимот на Зинедин Зидан успеа да дојде во водство во 65. минута кога беше досуден пенал по стартот на голманот Бланко, а капитенот Серхио Рамос не згреши од белата точка.

Но, гостите стигнаа до поенот во 86. минута, кога по една прекрасно одработена акција, Санти Мина истрча на вистинско место и го совлада Куртоа.

Со ремито, Реал пропушти шанса да ја врати предноста од три поени пред Барселона и сега имаат 53 поени, само еден пред вечните ривали. Селта, пак, излегува од зоната за испаѓање со 31 поен на 17. место, исто колку што имаат и 18-пласираните Мајорка со послаба гол-разлика.