Кајри Ирвинг се здоби со повреда на левото колено за време на натпреварот Далас Маверикс-Сакраменто Кингс и прашање е колку долго ќе отсуствува. Пред да го напушти паркетот, тој направи потег кој беше поздравен од навивачите кои го скандираа неговото име, а Далас Маверикс го опишаа како „дефиниција на силата“.

Во турбулентната сезона на Маверикс, во која тимот од Тексас остана без лидерот Лука Дончиќ, сега играч на ЛА Лејкерс, Ирвинг требаше да биде тој што ќе се погрижи заминувањето на Словенецот да мине безболно.

Левото колено Ирвинг го повреди во една акција при резултат 23:16 за Кингс во првата четвртина. За време на нападот дојде до контакт помеѓу Ирвинг и Демар Дерозан, поради што ѕвездата на Далас изгуби рамнотежа.

Ирвинг чекаше помош за да ја напушти играта. Она што ги воодушеви присутните во салата и на социјалните мрежи се случи неколку моменти подоцна. Со помош на две лица, Ирвинг со куцање се врати на теренот за да ги изведе слободните фрлања.

Публиката стана, го скандираше неговото име. Ирвинг мораше да ги изведе за да има шанса да се врати на теренот подоцна во натпреварот доколку се укаже прилика.

Ирвинг ја започна својата кариера во 2011 година како прв пик на Кливленд Кавалирс. Во клубот со кој го освои шампионскиот прстен во 2016 година остана до 2017 година, а потоа настапуваше за Бостон Селтикс и Бруклин Нетс. Во Далас е од 2023 година, а сезонава игра со просек од 24,7 поени, 4,8 скока и 4,6 асистенции по натпревар.

Натпреварот заврши со убедлива победа на кралевите кои во еден момент имаа и 32 поени предност. Ги предводеа Зак ЛаВин со 22 поени и Дерозан со 20.

Најмногу поени за Далас постигна Каи Џонс, 24-годишниот кошаркар од Бахамите, кој во понеделникот потпиша двонасочен договор со клубот.

Холандскиот фудбалер Тижани Рејндерс го продолжи договорот со Милан, соопшти италијанскиот клуб.

Рејндерс се обврза да остане во Милан до 30 јуни 2030 година.

Неговата моментална пазарна вредност е околу 50 милиони евра.

Рејндерс пристигна во Милано во летото 2023 година од холандскиот АЗ Алкмар и постигна 16 гола на 90 одиграни натпревари за Милан.

Тој оваа сезона веќе одигра 40 натпревари, постигна 12 гола и забележа три асистенции.

За холандската репрезентација одигра 20 натпревари и постигна три гола.

Оклахома сити Тандер славеа победа во дуелот со Хјустон со резултат 137:128.

Шеј Гилџес-Александер уште еднаш покажа дека е неверојатен кошаркар и зошто е кандидат за МВП. Канѓанецот ја предводеше Оклахома до победата над Хјустон со 51 поен (20 постигна во првата четвртина), пет скока и седум асистенции.

Гилџес-Алкесандер четврти пат во сезоната постигна 50+ поени, а Оклахома ја забележа 50. победа.

Вилијамс постигна 24 поени, Кејсон Валас додаде 14, а Чет Холгрен 11 поени. На другата страна се најефикасни беа Кам Витмор со 27 поени и Рид Шепард со 25. За Хјустон на овој најтрпевар не играа Шенгун, Ајмен Томпсон, Брукс, ВанФлит.

Резултати:

Шарлот – Голден Стејт 101:119
Филаделфија – Портланд 102:119
Мајами – Вашингтон 106:90
Мемфис – Атланта 130:132
Оклахома – Хјустон 137:128
Далас – Сакраменто 98:122
Јута – Детроит 106:134