Спорт
Зидан збесна кон новинарите: Заслужувам респект, кажете во лице што мислите!

Зинедин Зидан реагираше луто на прашањата околу неговата иднина како тренер на Реал Мадрид, барајќи „почитување“ од новинарите и порачувајќи им да му кажат во лице ако сакаат тој да замине, најавувајќи дека на крајот на сезоната ќе има промени во кралскиот клуб.
Ова беше прва прес-конференција на Французинот откако се опорави од КОВИД-19, и доаѓа пред мечот со Уеска, откако по 2:1 поразот од Леванте минатиот викенд клубот заостана 10 поени зад лидерите Атлетико Мадрид (со натпревар повеќе).
„Дали сте сериозни? Секој ден според вас добивам отказ од клубот и го знаете тоа. Лани ја освоивме лигата. Навистина. Реал Мадрид. Следната година ќе мора да се направат работи, да се промени нешто. Но, оваа сезона имаме право да се бориме. Дајте ни го тоа. Титулата ја освоивме лани, не пред 10 години. Покажете малку респект за тоа. Вие новинарите кажувате многу работи, но мора да ја преземете и одговорноста. Кажете ми во лице: Сакам да си одиш. Но, мора да го кажете тоа, не да ми зборувате зад грб“, изјави лутиот Зидан.
Зидан, кој освои три титули од Лигата на шампионите во низа во првиот престој на клупата од 2016 до 2018, признава дека неговата работа зависи од успехот.
„Јас сум одговорен за овој тим. Ако работите не функционираат, го барате тој што е одговорен. Следната сезона, сигурно, ќе мора да се направи нешто. Но, оваа сезона заслужуваме да одиме понатаму“, вели Зидан.
Zidane pide que le digan las cosas de frente
-'Todos los días estoy fuera del Real Madrid'
-'Hay que decirlo a la cara, no sólo por detrás'pic.twitter.com/ftDnDUUwP8— Adal Franco (@AdalFrancoESPN) February 5, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ги елиминира Фенербахче од Лигата на шампионите, па потпиша договор со нив

Во денот кога Фенербахче му врачи отказ на тренерот Жозе Мурињо, турските медиуми објавија дека клубот го договорил трансферот на поранешниот играч на Галатасарај, Керем Актуркоглу.
Бенфика ќе добие фиксни 22.500.000 и низ бонусите уште 2.500.000 евра.
Интересно, Актуркоглу на некој начин му го потпиша отказот на Жозе Мурињо.
Во средата, тој го постигна единствениот гол во плејоф двомечот меѓу Бенфика и Фенербахче. Овој гол и овозможи на Бенфика да игра во Лигата на шампионите, а Фенербахче го испрати во Лига Европа.
Актуркоглу од семејни причини инсистираше да трансферот.
Foto/ EPA/ERDEM SAHIN
Спорт
Миовски се враќа во Шкотска, ќе потпише за Глазгов Ренџерс

Македонскиот репрезентативец Бојан Миовски се враќа во Шкотска. Џирона и Глазгов Ренџерс го договориле трансферот. Миовски ќе гоо стави потписот на договорот со „полицајците“ кога ќе ги мине лекарските прегледи, кои се најавени до крајот на денот.
Бојан Миовски две сезони блескаше во дресот на Абердин, во кои постигна 44 гола. Минатото лето реши да се пресели во Шпанија, за да игра во Лигата на шампионите. Џирона за него на Абердин му плати 8.500.000 евра.
Во Каталонија немаше добра сезона, постигна четири гола во 25 натпревари во сите натпреварувања, но речиси не играше во вториот дел од сезоната, поради повредите, но и поради одлука на тренерот.
Неговиот статус не се смени ниту во новата сезона и покрај тоа што беше стартер во првото коло против Рајо Ваљекано (0:2). Миовски одигра 45 минути, а потоа беше заменет кога голманот Газанига доби црвен картон.
Во второто коло и убедливиот пораз од Виљареал, Миовски воопшто не беше во составот на Џирона и тогаш беше јасно дека во клубот повеќе не сметаат на него.
Џирона реши да го продаде напаѓачот и покрај тоа што имаше до јуни 2028 година.
Глазгов Ренџерс за Миовски на Џирона ќе и плати 5.000.000 евра.
Foto/ EPA
Спорт
Челниците закажале состанок со Аморим

Манчестер јунајтед, во средата доживеа шокантна елиминација од Лига купот од членот на Четвртата лига Гримзби.
Поразот во медиумите беше означен како најголем срам во клупската историја. Логично е дека елиминацијата предизвика потреси во клубот.
Рубен Аморим не успева да ги спроведе своите идеи, а за време на репрезентативната пауза се очекува да разговара со клупските челници, објавува „Дејли меил“.
Португалецот истакна дека нешто мора да се промени, но да се сменат 22 играчи е невозможно. Медиумите оваа изјава ја протолкуваа како знак на заминување.
Сепак, во клубот не размислува за такво сценарио, иако Аморим нема победа во првите две кола од Премиер лигата. Ќе видиме дали оваа шлаканица во Купот ќе ги раздвижи „црвените ѓаволи“, кои потрошија повеќе од 200.000.000 евра во овој преоден рок.
Фото/ Принтскрин