Спорт
Златан стана легенда на Милано, Лече сонува за опстанок, Чиро поблиску до „златната копачка“
Златан Ибрахимовиќ постигна два гола, а Милан стигна до импресивна 4:1 победа на гостувањето кај Сампдорија, со што Швеѓанецот стана првиот фудбалер во историјата кој има постигнато над 50 голови за двата клуба од Милано, Милан и Интер.
Со овие два гола, 38-годишниот Златан има вкупно 51 постигнато голови за „росонерите“, откако постигна 42 во 61 меча од 2010 до 2012, и девет гола од враќањето во Милано во јануари. Ибрахимовиќ исто така има и 57 гола за Интер од 2006 до 2009, со што е првиот фудбалер кој постигнал над 50 гола за двата легендарни клубови. Златан исто така има 553 гола во 934 меча, достигнување до кое од активните фудбалери имаат стигнато само Лео Меси и Кристијано Роналдо.
Ибрахимовиќ го отвори резултатот во 4. минута, пред Хакан Чалханоглу во 54. минута да зголеми на 0:2, а само четири минути подоцна му асистираше на Ибрахимовиќ за вториот гол. Самп пропушти шанса да се доближи со промашениот пенал на Марони во 78. минута, но Аскилдсен со убав гол во 87. минута намали на 1:3, пред Рафаел Леао во 92. минута да ги постави конечните 4:1. Со победата, Милан се одвои на четири поени пред Наполи на шестото место на табелата.
Во борбата за опстанок, Џенова на Горан Пандев загуби со катастрофални 5:0 на гостувањето кај Сасуоло, за да ја продолжи битката со Лече за опстанок во лигата, откако Лече ги изненади Удинезе на Илија Несторовски со 2:1 победа. Двајцата македонски репрезентативци беа стартери на мечевите, но не успеаја да се запишат во листата на стрелците.
Овие резултати значат дека пред последното коло Џенова на 17. место има 36 поени, само еден повеќе од Лече на 18. место. Во последното коло, Грифоне на Пандев игра дома со Верона, додека Лече игра со Парма.
Чиро Имобиле, пак, постигна гол при 2:0 победата на Лацио над „отпишаната“ Бреша за да се одвои на четири гола пред Кристијано Роналдо во трката за најдобар стрелец во италијанската Серија А. Со 35 постигнати голови, Имобиле исто така го помина Роберт Левандовски како најдобар стрелец во топ 5 европските лиги.
СЕРИЈА А, 27.КОЛО
Лацио – Бреша 2:0
Сампдорија – Милан 1:4
Сасуоло – Џенова 5:0
Удинезе – Лече 1:2
Верона – СПАЛ 3:0
САМПДОРИЈА – МИЛАН
ЛАЦИО – ВЕРОНА
САСУОЛО – ЏЕНОВА
УДИНЕЗЕ – ЛЕЧЕ
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.