Македонија загуби со високи 33:23 во вториот тест-меч против Србија во Ниш, каде што селекторот Кирил Лазаров им даде шанса на сите ракометари кои ги имаше на располагање.

Вчера, Македонија загуби со 29:26, но денеска, Србите беа порасположени за игра и уште на полувреме имаа шест гола предност (17:11).

Фото: РСС

Тунижанката Онс Жабер во своето трето финале во кариерата, стигна до првата ВТА титула, победувајќи ја Русинката Дарја Касаткина со 7:5/6:4 во финалето на Викинг класик во Бирмингем, и така станувајќи првата Арапка со титула во женскиот тенис.

Жабер, која беше втора носителка во Бирмингем, ги имаше загубено претходните две финалиња – од кое едно во 2018 во Москва токму од Касаткина. Тунижанката исто така има 28 победи во 2021 година, со што е израмнета на првото место со светската тенисерка број 1, Ешли Барти.

Подготвителниот турнир за Вимблдон исто така донесе една од најбизарните тениски повреди во историјата – 24-годишната Касаткина мораше да добие медицинска помош откако во вториот сет во лута реакција на еден загубен гем самата се изгреба на вратот.

Medical time-out for Kasatkina. Suspect she scratched her neck by doing this.#VikingClassic pic.twitter.com/BIClv8M4nF

— Tennis GIFs 🎾🎥 (@tennis_gifs) June 20, 2021

Во Берлин, руската тенисерка Људмила Самсонова стигна до својата прва АТП титула во кариерата, победувајќи ја петтата носителка, Швајцарката Белинда Бенчич со 1:6/6:1/6:3.

На Квинс Клаб во Лондон пак, првиот носител, Матео Беретини по тешка битка со 6:4/6:7(5)/6:3 го совлада домашниот фаворит Камерон Нори за да стане првиот дебитант кој победил на ексклузивниот турнир по Борис Бекер во 1985 година

Беретини, кој на патот до финалето победи уште двајца Британци – Ден Еванс и Енди Мареј, станува првиот Италијанец со титулата, која е петта во неговата кариера.

Во една од најнеизвесните трки досега во Формула 1 шампионатот, Макс Ферстапен во претпоследниот круг успеа да го помине светскиот шампион Луис Хамилтон и да стигне до победа за зголемување на водството во генерален ппласман во вистинска класика на патеката Пол Рикар.

Ред бул имаше маестрална статистика со две влегувања во боксот, и ја доби битката со Мерцедес за една од најимпресивните победи оваа сезона. Уште подобро, Серхио Перез во последните кругови го претекна Валтери Ботас за 1-3 финиш на Ред бул рејсинг.

oybLyaaaaaaaa TELEFON EKRANINDA BAXA BAXA 52 turdu bunu gozleyirem son tur realkasdi bu, qarsilayin YENI CEMPION GELIR.
VERSTAPPEN pic.twitter.com/796HcQnfJK

— player 2 🇮🇹🍝🍕 (@elllnurss) June 20, 2021

Трката започна драматично за Холанѓанецот, откако не успеа да ја заддржи пол-позицијата правејќи грешка и излегувајќи надвор од патеката, со што Хамилтон дојде на првото место. Мерцедес успеаја да се оддржат на првото место до влегувањето во боксот, кој зачудувачки Ферстапен повторно излезе пред двајцата возачи на Мерцедес, откако лидерите се решија на тврди гуми.

Меѓутоа, Ферстапен не успеваше да го оддржи темпото со овие пневматици, и од Ред бул решија да влезат уште еднаш во боксот, за да постават „средни“ гуми. Со овие, возачите на „бикот“ беа значително побрзи од Мерцедес, кои се решија да не влезат вторпат во боксот. Ферстапен бргу го стигна Ботас и го претекна, по што во последните три круга влезе во ДРС-зоната за борба со шампионот.

Триумфот значи дека Ферстапен сега има 131 поени пред Хамилтон со 119, а за Ред бул посебно е ветувачки тоа што Пол Рикар беше патека која требаше да биде во корист на „сребрената стрела“.

Зад доминантните болиди на Ред бул и Мерцедес беа двајцата возачи на Мекларен, Лендо Норис и Даниел Рикардо откако имаа неколку интересни битки на патеката, а седми беше одличниот Пјер Гасли во Алфа Таури. во поени успеаја да влезат и ветераните Фернандо Алонсо во Алпине на домашната трка за тимот на осмото место и двајцата возачи на Астон Мартин, Себастијан Фетел и Ленс Строл, оставајќи ги Ферари без поени во уште една разочарувачка трка за Скудерија.

LAP 52/53

Verstappen’s done it!

He’s overtaken Hamilton and leads the race#FrenchGP 🇫🇷 #F1 pic.twitter.com/8QR1oaO2kR

— Formula 1 (@F1) June 20, 2021

END OF RACE (LAP 53/53)

TOP 10
Verstappen
Hamilton
Perez
Bottas
Norris
Ricciardo
Gasly
Alonso
Vettel
Stroll#FrenchGP 🇫🇷 #F1 pic.twitter.com/QV5eQCLCJ4

— Formula 1 (@F1) June 20, 2021