Спорт
Климов со шокантна победа во Висла! (видео)
Русинот Евгениј Климов е изненадувачки победник на првото индивидуално натпреварување во новата сезона од Светскиот куп во скијачки скокови, откако беше најдобар во двете серии во полска Висла, потврдувајќи дека најдобриот скок од квалификациите не бил…
Русинот Евгениј Климов е изненадувачки победник на првото индивидуално натпреварување во новата сезона од Светскиот куп во скијачки скокови, откако беше најдобар во двете серии во полска Висла, потврдувајќи дека најдобриот скок од квалификациите не бил случаен.
Ова не само што е негова прва победа од Светскиот куп, туку е и прва победа во скијачки скокови на еден натпреварувач од Русија.
Подиумот покрај Климов го комплетираше Германецот Штефан Лајхе и Германецот Рјоју Кобајаши, додека домашниот фаворит Камил Штох мораше да се задоволи со четвртото место, откако вчера неговата Полска победи во тимското натпреварување.
Климов имаше скокови од 127.5 и 131.5 метри за да собере 263.4 поени, за победа пред Лајхе со 256.7 (124.5 и 130.5 метри) и Кобајаши со 255.6 (137.5 и 123 метри).
24-годишниот Климов дојде во Светскиот куп во ски скокови во 2015 година, откако претходно имаше просечна кариера на натпреварувач во нордиска комбинација (спорт кој ги комбинира скоковите со класични крос-кантри трки).
Во нордиска комбинација тој имаше најдобар пласман на 30. место, а по трансферот во скијачките скокови освои две медали на Универзијадата во Осрбље, Словачка во 2015 година, пред да дебитира во сезоната 2015/16.
Фото: ЕПА
Evgeniy Klimov is Russia’s first Ski Jumping World Cup winner!
He triumphs in Wisla! pic.twitter.com/nKqG5iA6yj
— Eurosport UK (@Eurosport_UK) November 18, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Нан го продолжи договорот со Панатинаикос
Американецот Кендирк Нан денеска, како што беше најавено, потпиша нов договор со Панатинаикос.
Нан, кој го однесе Панатинаикос на завршниот турнир во Евролигата, имаше желба да се врати во НБА веќе летово, но како што изјави му се допаѓа Европа, Атина и Панатинаикос.
Тој е еден од најдобрите играчи во Евролигата во моментов и е фигура која може да ја направи разликата на теренот во корист на Панатинаикос на претстојниот фајналфор.
Тој ќе биде член на зелените во следните две сезони, со излезна клаузула во НБА следното лето.
На 33 натпревари во Евролигата, Нан имаше просек од 16 поени, три асистенции и 2,6 скока (48 проценти од шутот за два поени, 42 проценти од шутот за три поени и 96 проценти од слободните фрлања).
Пред да дојде во европската кошарка, тој играше четири години во НБА лигата, а во првата сезона 2019/20 година се најде во најдобрата петорка на дебитанти. Во НБА играше за Мајами Хит и ЛА Лејкерс.
Спорт
Луис Енрике: Фудбалот понекогаш е толку нефер
Борусија Дортмунд е во финалето на Лигата на шампионите. Двата полуфинални натпревари против ПСЖ, Борусија ги доби со 1:0.
На „Паркот на принцовите“, победникот го реши голот што го постигна Матс Хумелс во 50. минута.
Ова ќе биде трето финале во Лигата на шампионите за Борусија. Во првата, во 1997 година, го победија Јувентус со 3:1, а во 2013 година загубија со 2:1 од Баерн.
На првиот натпревар во Дортмунд, ПСЖ погоди две стативи, а во Париз само во вториот дел уште четири пати ја погодија рамката на голот.
„Морам да бидам искрен и да кажам дека моравме да го добиеме натпреварот. Имавме 30 удари кон голот, дури четири пати ја погодивме стативата. Фудбалот понекогаш е толку неправеден“, изјави тренерот на ПСЖ, Луис Енрике за „ТНТ“ по натпреварот и продолжи.
„Честитки за нив. Тие се одличен тим и се надевам дека ќе победат во финалето. Мораме да се регрупираме и да создадеме нешто посебно и да се вратиме следната сезона и да го освоиме ова натпреварување”.
Спорт
Видео на денот – Марко Ројс како водач на навивачите
Борусија Дортмунд ја пишува приказната на сезоната во Европа, а во центарот на вниманието е клупската легенда Марко Ројс.
Во пресрет на реваншот со Пари Сен Жермен, Ројс официјално објави дека го напушта саканиот клуб на крајот на сезоната, по истекот на договорот.
Не можеше да замисли подобро збогување од финалето на Лигата на шампионите на „Вембли“, каде што беше актер и во 2013 година во поразот од Баерн Минхен.
Токму затоа ова е видеото на денот, Марко Ројс го предводи навивањето по победата над „светците“ во Париз.
Борусија славеше со голот на уште еден ветеран, Матс Хумелс и со вкупен резултат 2:0 се пласира во финалето.
🇩🇪 Marco Reus celebrating with the Dortmund fans last night… 🫂🗣️
𝙄𝙣𝙘𝙧𝙚𝙙𝙞𝙗𝙡𝙚. ⚫️🟡 pic.twitter.com/laOKT95VvJ
— PurelyFootball ℗ (@PurelyFootball) May 8, 2024