Контакт

Свет

Азербејџан тврди дека уништил ерменски противвоздушен ракетен систем во Нагорно-Карабах

Објавено пред

Министерството за одбрана на Азербејџан објави дека неговите вооружени сили успеале да деактивираат ерменски ракетен систем „земја-воздух“ – „С-300“ за време на вооружените судири во зоната на конфликт во Нагорно-Карабах, пренесува ТАСС.

„За време на борбите вчера на територијата на населбата Шушакенд во областа Коџали (Мартуни) беше уништен противвоздушен ракетен систем ‘С-300’, кој му припаѓаше на непријателот“, се вели во соопштението на Министерството.

Според агенцијата, за да ги врати изгубените позиции, ерменската страна концентрирала дополнителни сили во насока кон Матагиз и утрово се обидела да нападне.

„Оваа непријателска активност беше пресретната, азербејџанските трупи изведоа контранапад со цел да го неутрализираат противникот. Интензивната борба продолжува“, се вели во соопштението од Министерството.

Министерството за одбрана на Азербејџан во вторникот предупреди дека неговите вооружени сили ќе ги уништат ерменските ракетни системи за противвоздушна одбрана „С-300“ (АДМС) ако се појават во Нагорно-Карабах.

На 27 септември Баку објави дека позициите на азербејџанската армија се интензивно гранатирани од Ерменија. Ереван, од своја страна, тврдеше дека вооружените сили на Азербејџан почнале офанзива во правец на Нагорно-Карабах гранатирајќи ги населените места на непризнатата република, вклучително и главниот град Степанакерт.

Двете страни пријавија жртви и меѓу цивилното население. Ерменските власти прогласија воена состојба и најавија мобилизација. Азербејџан воведе воена состојба на целата територијата.

Конфликтот меѓу Ерменија и Азербејџан за планинскиот регион Нагорно-Карабах, спорна територија што беше дел од Азербејџан пред распадот на Советскиот Сојуз, но главно населена со етнички Ерменци, избувна во февруари 1988 година кога автономниот регион Нагорно-Карабах најави повлекување од Советската Социјалистичка Република Азербејџан.

Во периодот 1992-1994 година тензиите зовреа и ескалираа во големи воени акции за контрола над енклавата и седумте соседни територии кога Азербејџан ја изгуби контролата над нив. Разговорите за решението за Нагорно-Карабах траат од 1992 година под закрила на групата од Минск на ОБСЕ, предводена од нејзините тројца копретседатели – Русија, Франција и САД.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет

Едно од ретките места во светот без коронавирус ги забележа првите два случаја

Објавено пред

Маршалските острови, едно од последните места во светот каде што немаше коронавирус, ги забележаа првите два позитивни случаи, пишува Би-Би-Си.

Двајцата позитивни пристигнале со воен лет и од моментот кога дознале дека се позитивни, биле ставени во карантин. И двајцата се асимптоматски случаи.

Владата на далечниот пацифички архипелаг соопшти дека двајца работници во американска база биле позитивни на тестот откако пристигнале од Хаваи во вторникот. Властите нагласија дека двајцата заболени биле веднаш изолирани без опасност од понатамошно ширење на вирусот во заедницата.

Маршалските острови ги затворија своите граници во март за да спречат продирање на вирусот.

Повеќето островски држави во Пацификот ги затворија своите граници во раните денови на пандемијата, поради загриженоста нивните слаби здравствени системи да не можат да се справат со епидемијата.

Во јуни, Маршалските острови ги ублажија ограничувањата и дозволија на вработените во американската воена база да влезат во земјата, но со тринеделен карантин во базата.

Кирибати, Микронезија, Науру, Палау, Самоа, Тонга, Тувалу и Вануату сè уште немаат пријавено случаи на коронаврус.

Со население од 55.000 жители, Маршалските острови се состојат од два синџири корални атоли заедно со повеќе од 1.000 островчиња, северно од Екваторот во Пацификот.

Тоа е самоуправувачка нација, но САД ја контролираат нејзината безбедност и одбрана и обезбедуваат милиони долари помош секоја година.

САД го изнајмуваат атолот Квајалеин како база за ракетни тестирања.

Прикажи повеќе...

Свет

Индија ја премина темната линија од 8 милиони заболени со коронавирус

Објавено пред

Индија ја премина „темната линија“ од 8 милиони заболени со коронавирус. Во последните 24 часа потврдени се 49.881 нов случај, соопшти индиското Министерство за здравство.

Со овој нов број на заразени, Индија, како втора најнаселена земја во светот, сепак е на второ место во светот по бројот на зарази, зад САД, каде има 8,8 милиони заразени.

Во Индија има релативно помалку смртни случаи од коронавирус во споредба со бројот на заразени лица, односно биле регистрирани 517 смртни случаи во последните 24 часа. Вкупниот број на смртни случаи е 120.527, објави Министерството.

Прикажи повеќе...

Европа

(Видео) Од петок карантин во цела Франција

Објавено пред

Францускиот претседател Емануел Макрон прогласи каратин од петок што ќе трае најмалку до 1 декември.

„Бранот се рашири низ цела Европа, несомнено ќе биде посилен и поубиствен од првиот“

„Вирусот циркулира со брзина што не ја предвидуваат ниту најпесимистичките прогнози“, рече Макрон на почетокот на своето обраќање. Тој рече дека сите француски региони се во црвено.

„Бранот ја зафаќа цела Европа. Дали сторивме сè како што треба? Не. Но, направивме се што можеме. Нашата стратегија, со оглед на информациите што ги имавме, беше вистинската“.

Тој рече дека Франција е преплавена од втор бран „кој несомнено ќе биде помоќен и поубиствен од првиот“. Изрази увереност дека 9000 пациенти ќе бидат на интензивна нега до средината на ноември, што би значело дека капацитетите ќе бидат речиси полни.

„Вирусот ги погодува сите генерации“, рече Макрон, нагласувајќи дека задачата е да се заштитат оние кои обезбедуваат грижа за болните.

„Треба да ја заштитиме економијата“, рече Макрон, додавајќи дека рамнотежата е важна, меѓутоа, ништо не е поважно од човечките животи.

„Франција никогаш нема да усвои стратегија на колективен имунитет. Оваа опција ќе доведе до скоро 400.000 дополнителни смртни случаи”, рече францускиот претседател.

Карантин од петок, на луѓето ќе им биде дозволено да го напуштат домот само од оправдани причини

Макрон прогласи карантин, почнувајќи од петок. Според новите мерки, на луѓето ќе им биде дозволено да ја напуштаат куќата само заради неопходни обврски, работа или од здравствени причини. Во секој од овие случаи, луѓето ќе мора да пополнат образец за да го оправдаат напуштањето.

Карантинот вклучува и забрана за собирање.

Училиштата ќе останат отворени, како и градинките.

Макрон објасни дека карантинот ќе трае најмалку до 1 декември. Тој се надева на вакцина во текот на летото, повикувајќи се на проценки на научници.

„Имам доверба во нас. Ќе се издигнеме уште еднаш и ќе бидеме обединети. Да живее Република и да живее Франција”, го заврши Макрон своето телевизиско обраќање во живо.

Најавата на Макрон за карантин доаѓа по рекордните бројки на заразени во земјата.

Прикажи повеќе...

Најново

Македонија17 минути

Стапија на сила новите мерки – забрането е групирање по 22 часот, казната е 500 евра

Од денеска забрането е групирање на отворено на повеќе од четири лица по 22 часот, а казната за непочитување на...

Свет30 минути

Едно од ретките места во светот без коронавирус ги забележа првите два случаја

Маршалските острови, едно од последните места во светот каде што немаше коронавирус, ги забележаа првите два позитивни случаи, пишува Би-Би-Си....

Македонија46 минути

Од денеска маските се задолжителни на отворено

Собранието синоќа со 53 гласови „за“, 26 воздржани и ниту еден глас против ги изгласа измените во Законот за заштита...

Македонија1 час

Седница на Советот за безбедност за состојбата со коронавирусот во Македонија

Во Кабинетот на претседателот Стево Пендаровски во „Вила Водно“ со почеток во 11 часот, ќе се одржи седница на Советот...

Европа11 час

(Видео) Од петок карантин во цела Франција

Францускиот претседател Емануел Макрон прогласи каратин од петок што ќе трае најмалку до 1 декември. „Бранот се рашири низ цела...

Македонија11 час

Славјанка Петровска позитивна на коронавирус, качила температура додека била на седница во Собранието

Актуелната пратеничка во Собранието од СДСМ и поранешна дополнителна заменичка на министерот за внатрешни работи во техничката влада Славјанка Петровска...

Македонија12 часа

Во Скопје рекорден број новозаразени, Аеродром надмина 700 активни случаи

Во Скопје во изминатите 24 часа се регистрирани рекордни 422 нови случаи на Ковид-19, а во тој период починале тројца...

Македонија13 часа

Рекордни 870 нови случаи на коронавирус во Македонија, починаа 14 лица

Во последните 24 часа во Македонија 14 лица починаа од коронавирус, а потврдени се 870 нови случаи од  2.647 тестирања,...

Свет15 часа

Германија воведе строги мерки: рестораните, кината и баровите ќе бидат затворени 4 недели

Германската канцеларка Ангела Меркел изјави денеска дека германските власти се согласиле на четиринеделен делумен карантин. Во овој временски период затворени...

Македонија18 часа

МОН го повлече учебникот по македонски јазик за петто одделение

Министерството за образование и наука го повлече учебникот по македонски јазик за петто одделение поради несоодветна и дискриминирачка содржина. „Во...

Македонија19 часа

Пауновски: Нови вработувања ќе има в година, дотогаш ќе се снаоѓаме

Државниот пазарен инспекторат добил од Владата ветување дека в година ќе им бидат одобрени бараните 20 нови вработувања. Директорот на...

Македонија19 часа

Поради контакт со Спасовски, само едно лице е во изолација

Државниот санитарен и здравствен инспекторат издал само едно решение за изолација на лице што било во контакт со министерот за...

Македонија19 часа

Пожарникарите протестираа пред канцеларијата на Шилегов

Пожарникарите на мирниот протест пред канцеларијата на градоначалникот на Скопје, Петре Шилегов, порачаа дека не се откажуваат од своето барање...

Македонија20 часа

Поранешениот шеф на кабинетот на Мијалков, Тони Јакимовски, осуден на шест години затвор

Поранешениот шеф на кабинетот на ексдиректорот во УБК, Сашо Мијалков, Тони Јакимовски, е осуден на шестгодишна затворска казна во случајот...

Македонија20 часа

„Изброј до 15 пред да ја заколеш жена ти“ – совет во учебник по македонски за шесто одделение

„Изброј до 15 пред да ја заколеш жена ти“ – ова е совет во учебник по македонски за шесто одделение....

Македонија21 час

Советот за безбедност ќе одржи седница за состојбата со коронавирусот

Во Кабинетот на претседателот Стево Пендаровски во „Вила Водно“, утре, 29 октомври, со почеток во 11 часот, ќе се одржи...

Свет21 час

Куба ја регистрира својата втора вакцина против коронавирусот

Куба официјално регистрира втора вакцина против Ковид-19, а испитувањата се очекува да почнат набргу, објави „Агенсија Кубана де нотисијас“ (АКН)....

Македонија22 часа

Мицкоски: Бремените жени да се ослободат од работа поради загадувањето и пандемијата

Поради високата загаденост на воздухот, паралелно со пандемијата на Ковид-19, апелирам бремените жени да се ослободат од работа, и во...

Свет23 часа

(Видео) Меланија Трамп: Медиумите од мојот сопруг направија личност што не је препознавам

Првата дама на САД, Меланија Трамп, вчера одржа говор на предизборен митинг во Пенсилванија – тоа беше нејзино прво соло...

Македонија1 ден

Митко Јанчев повикува на протест за смена на Мицкоски

Митко Јанчев повикува на протест за смена на лидерот на ВМРО-ДПМНЕ, Христијан Мицкоски.   Поранешниот потпретседател на ВМРО-ДПМНЕ и актуелен...

Досие