На состанокот на Советот за општи работи денеска во Брисел, министрите на ЕУ ќе разговараат за ситуацијата во областа на политиката за проширување и пристапните процеси.

Министрите за прв пат ќе го разгледаат францускиот предлог за реформа на политиката за проширување, но не се очекуваат конкретни заклучоци, објави Советот на ЕУ.

„Не знаеме колку можеме да бидеме конкретни, но сигурно сакаме да испратиме позитивна порака до регионот“, соопштија од таму.

Најавено е дека министрите за општи и европски прашања на ЕУ (ГАЦ), денеска како последна точка на дневниот ред ќе разговараат за состојбата на полето на политиката за проширување и процесот на пристапување.

„Ова треба да биде само првиот чекор кон обновување на политиката за проширување, но и довербата меѓу земјите членки на ЕУ и земјите од Западен Балкан“, велат извори од Советот на ЕУ, а пренесе „Танјуг“.

Исто така, се очекува француската државна секретарка за европски прашања, Амели де Моншалан, да ги претстави предлозите на официјален Париз за промена на методологијата за проширување.

Франција минатата недела до земјите-членки на ЕУ за разгледување достави таканаречен „нон-пејпер“ или предлог за дискусија, во кој беа наведени четири принципи што Париз ги смета за основа за новата методологија за проширување на ЕУ.

Американскиот државен секретар, Мајк Помпео, изјави денеска дека Соединетите Американски Држави се подготвени да воведат санкции за ирачките власти кои ја украле државата и оние што се одговорни за смртта на демонстрантите.

„Нема да стоиме додека ирачките власти прават народот да страда“, рече Помпео пред новинарите во Стејт департментот, пренесува „Ројтерс“.

Тој најави дека САД ќе го користат правниот орган за санкционирање на корумпираните лица и оние што повредуваат и убиваат мирни демонстранти.

Четворица војници и двајца цивили загинаа денеска во лавина на глечерот Сијачен, на источниот крак на Хималаите и на надморска височина од 5.700 метри, а осум лица останаа заробени, соопшти индиското Министерство за одбрана.

„Причина за смртта е екстремна хипотермија“, изјави портпаролот на Министерството и додаде дека две лица, кои биле заробени во снегот, се спасени.

Индискиот портал „Индија тудеј“ јави дека се спасени сите осум заробени војници.

Седум лица добиле сериозни повреди и тие со хеликоптери се префрлени во најблиската воена болница.

Глечерот Сијачен е познат како највисока воена област на светот.