Свет
Бил Гејтс ги објави предвидувања за иднината
![](https://makfax.com.mk/wp-content/uploads/2022/06/bil-gejts-2.jpg)
Коосновачот на „Мајкрософт“ објави текст од седум страници на својот блог со наслов „Почна ерата на вештачката интелигенција“, во кој ги изложува своите ставови. Тој напиша дека вештачката интелигенција е еднакво фундаментален, како и создавањето на микропроцесорот, персоналниот компјутер, интернетот и мобилниот телефон“.
Гејтс претходно зборуваше за тоа колку е возбуден за иднината на вештачката интелигенција, имено како таа би можела да се користи како учител во образованието или да дава медицински совети на луѓе каде што лекарите не се лесно достапни. Милијардерот во писмото признал и дека е загрижен за вештачката интелигенција, ризикот од луѓето да ја злоупотребуваат и можноста за суперинтелигентна вештачка интелигенција, која би можела да воспостави свои цели.
Во писмото Гејтс ги елаборира овие идеи нудејќи размислувања за тоа како вештачката интелигенција може да се користи и како алатка за подобрување на човечката продуктивност, но и како може да помогне за подобрување на глобалните нееднаквости – на работното место, здравството и образованието.
Работник кој е таму да ви помогне во различни задачи
Гејтс пишува за тоа како вештачката интелигенција може да се користи како „дигитален личен асистент“ за подобрување на продуктивноста на вработените – идеја за која претходно зборуваше во февруари. Вештачката интелигенција, интегрирана во дигиталните работни алатки како Microsoft Office, може да помогне во управувањето и пишувањето е-пошта, напиша Гејтс.
Тој додаде дека овие лични агенти генерирани од вештачката интелигенција, опремени со огромно знаење и податоци за нивната компанија и индустрија, исто така може да бидат ресурси за комуникација со вработените.
„Како што компјутерската моќ станува поевтина, способноста на GPT да изразува идеи сè повеќе ќе личи на достапноста на работниците што ќе ви помогнат во разни задачи“, напиша тој.
Дигитален асистент што ќе ги преземе работните места на здравствените работници
Во здравствената индустрија Гејтс напиша дека вештачката интелигенција може да ги ослободи здравствените работници од одредени задачи, како што се поднесување барања за осигурување, пополнување документи и составување белешки за посета на лекар.
Гејтс напиша дека за сиромашните земји, каде што „многу луѓе никогаш не одат на лекар“, вештачката интелигенција може да им овозможи на здравствените работници да бидат попродуктивни со пациентите што ги гледаат. Можно е вештачката интелигенција да помогне и во лекувањето на пациенти што не живеат во близина на медицински установи, напиша Гејтс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) Олимписки игри во Париз 2024: церемонијата на отворање започна со пловење по Сена
![](https://makfax.com.mk/wp-content/uploads/2024/07/Screenshot-2024-07-26-213525-1.jpg)
Олимписките игри во Париз беа свечено отворени со свечена церемонија која се разликува од сите досегашни, бидејќи парадата на најдобрите спортисти на планетата првпат не беше организирана на стадионот.
Овие, 33. Олимписки игри, беа отворени со пловење по реката Сена, каде што повеќе од 10.000 спортисти од светот во чамци им мавтаа на стотици илјади гледачи на брегот на познатата река што тече низ главниот град на Франција.
Со димни сигнали во боите на француското знаме, настапот на Лејди Гага, американската пејачка и стотици танчерки на бреговите и мостовите, првите натпреварувачи беа од Грција што испловија по Сена, што е обичај во најголемиот светски спортски настан, кој потекнува од таа европска земја.
Дожувувањето на стотици илјади гледачи низ Париз донекаде го расипа дождот, кој паѓаше цел ден во француската престолнина.
Регион
(Видео) Тешка сообраќајка во Грција: бебе меѓу загинатите
![](https://makfax.com.mk/wp-content/uploads/2024/07/Screenshot-2024-07-26-204400.jpg)
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Свет
(Видео) Во Русија гори облакодер, има загинати меѓу кои и двегодишно дете
![](https://makfax.com.mk/wp-content/uploads/2024/07/Screenshot-2024-07-26-195828.jpg)
Пожар избувна во облакодер во градот Уљановск, соопшти прес-службата на регионалното Министерство за вонредни состојби.
„Според првичните информации, пожарот првично зафатил три стана на третиот кат“, се вели во соопштението. Загинаа двегодишно дете и уште едно лице, а три лица се повредени.
A powerful explosion took place in a high-rise building in the Russian city of Ulyanovsk
Three apartments in a residential building caught fire at once. Residents of the upper floors are waving their hands and asking for help from rescuers. An evacuation is underway.
According… pic.twitter.com/NNmcy6scfu
— NEXTA (@nexta_tv) July 26, 2024
Сите расположливи служби за итни случаи излегоа на терен и помагаат во евакуацијата. Со пожарот се борат вкупно 68 пожарникари со 22 возила. Повеќето од луѓето кои живеат во облакодерот се евакуирани.
🇷🇺 A high-rise building is on fire in Ulyanovsk.
A fire broke out on the third floor of a building on Korunkova Street. According to the Base, three apartments are on fire. The entrance was heavily smoky and all residents were evacuated from the house. pic.twitter.com/7JzpTz1sg5
— * (@V141NGs) July 26, 2024
Гувернерот на регионот Уљановск им нареди на раководството на Министерството за здравство и Министерството за социјален развој веднаш да излезат на местото на настанот за да ја координираат медицинската помош на жртвите и да ги решат прашањата за финансиска помош за жртвите.
Градските власти соопштија дека пожарот настанал по експлозија на плинска боца. „Некста“, канал на Х, пишува дека жителите од горните катови мавтале со рацете и побарале помош од спасувачите.