Контакт

Европа

Брисел денеска ќе ги презентира ковид-пасошите

Објавено пред

Одење во ресторан или кино, патување на море или скијање, набргу може да биде можно за луѓето што примиле вакцина против коронавирусот.

dobivaj vesti na viber

Европската комисија денеска ќе го презентира нацрт-зелениот сертификат, што може да важи во сите земји членки на ЕУ. Според пишувањето во медиумите, граѓаните во своите сертификати ќе имаат забележана вакцинација против коронавирусот, позитивен корона-тест, стар најмалку 20 дена, кој сугерира дека има антитела или нов негативен тест како доказ дека тој во моментот не е заразен.

Како тоа може да изгледа покажува примерот на две мали области во Германија, кои веќе користат такви картички. Апликацијата, на хартија или пластична картичка, ги содржи основните лични податоци на корисникот и QR-код, кој може да се скенира со мобилен телефон, на пример, на влезот во ресторанот. Потоа се отвора список на вакцини или тестови против коронавирусот.

Системот е развиен од келнскиот стартап Ubirch, кој сега, заедно со гигантот ИБМ, треба да го подготви овој пасош за вакцинација за цела Германија за што државата заштеди 2,7 милиона евра.

Европската комисија е на удар на земјите членки, пред сè, поради набавката на вакцините, тие велат дека Брисел преговарал бавно и преговарал премногу, а земјите како САД и Велика Британија биле побрзи. Затоа зелениот сертификат сега треба да му го врати угледот на Брисел, пишува весникот „Ханделсблат“ во Диселдорф.

Сепак, планот беше оценет како амбициозен затоа што одлуките треба да ги донесат Европскиот совет и Европскиот парламент, а тоа може да потрае и не е сигурно дека сите земји на ЕУ ќе пристапат на овој пакт, пишува „Дојче веле“.

Исто така, постои спор за тоа дали вирусот е гаранција за имунитет. Некои членки на ЕУ сметаат дека антителата обично остануваат од три до шест месеци од инфекцијата, а други зборуваат за осум месеци. Исто така, прашање е дали да се прифатат во сертификатот само негативните резултати од тестот за ПЦР или и брзиот тест за антиген.

Сè уште не е јасно дали во тој пасош ќе бидат прифатени само вакцините одобрени од ЕУ. Тоа се вакцините на „Астра зенека“, „Фајзер/Бионтек“ „Модерна“ и „Џонсон и Џонсон“. Европската агенција за лекови размислува и за други вакцини, како што е руската „спутник В“.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа

Лавров: Западот мора да стане свесен за новата реалност

Објавено пред

За Русија апсолутно не е од значење дали западните земји ќе го признаат влегувањето на новите региони во нејзиниот состав, но покоректно би било кога би биле свесни за новата реалност, изјави шефот на руската дипломатија Сергеј Лавров.

dobivaj vesti na viber

„Апсолутно не е од суштинско значење. Секако, покоректно би било сите земји во светот да бидат свесни за новата реалност, која беше неизбежна. Тоа го потврдуваат огромен број правни аргументи, меѓу кои и Повелбата на Обединетите нации, која го воспоставува принципот на еднаквост и самоопределување на народите, како и Декларацијата на Генералното собрание на ОН, која прецизно појаснува дека секој е должен да го почитува територијалниот интегритет на оние земји кои имаат влади кои го признаваат правото на самоопределување и го претставуваат целиот народ што живее на територијата на една земја“, изјави Лавров пред новинарите.

Според него, режимот на актуелниот претседател на Украина, Володимир Зеленски, како и на неговиот претходник Петро Порошенко, не ги почитува тие критериуми.

„Сега се реализира сценарио кое го диктира самиот живот и кое се потпира на слободната волја на граѓаните“, вели Лавров.

Според него, повеќето земји сфаќаат дека Русија е во право.

„Ви гарантирам дека огромното мнозинство земји совршено разбираат дека сме во право. Не секој има храброст или сила објективно да зборува за тоа директно. Сигурен сум дека вистината ќе го најде својот пат“, изјави шефот на руската дипломатија.

Тој нагласи дека сега, во случај на референдуми во регионите ЛНР, ДНР, Запорожје и Херсон, се реализира сценарио кое се потпира на слободната волја на народот.

„Секакви други обиди, вештачка ескалација на конфронтацијата, вештачка мобилизација на антируските сили, закани и уцени – сето тоа е антиисториско“, рече Лавров.

Прикажи повеќе...

Европа

Украинците објавија инструкции – што да се прави во случај на нуклеарен напад

Објавено пред

Украинскиот центар за стратешка комуникација и информациска безбедност на Украина објави инструкции за граѓаните што да прават во случај на нуклеарен напад.

dobivaj vesti na viber

Од Центарот наведуваат дека во случај на користење на т.н валкани бомби, забрането е земање препарати на база на јод бидејќи истиот може да предизвика непоправлива штета на организмот.

Според познавачите, таканаречените валкани бомби се оружје што комбинира радиоактивен материјал со конвенционални експлозиви.

Центарот наведува и како да се консумираат таблети со јод во случај на напад: доза од 16 mg се препорачува за бебиња до еден месец, доза од 32 mg за деца на возраст од една до три години и доза од 62,5 mg за оние до 12 години. Се препорачува тинејџери, бремени жени, доилки и возрасни под 40 години да земаат 125 mg.

„Ако ве зафати нуклеарна експлозија во стан, погрижете се воздухот однадвор да не влегува во просториите на куќата. Затворете ги сите прозорци, врати, отвори за вентилација, исклучете ја климата и греењето. Доколку е можно, преместете се во просторија без прозорци“, се наведува во препораките.

Се препорачува граѓаните да останат во засолништа 24 часа, освен ако поинаку не е препорачано од властите.

„Не јадете и не допирајте ништо што може да биде радиоактивно контаминирано“, се додава во напишаното.

Исто така, не се препорачува да се пие вода од чешма додека не стигне известување дека тоа е безбедно.

Доколку граѓаните се на отворено во моментот на нападот, може да забележат блесок на небото и им се советува да не гледаат во таа насока бидејќи тоа може да предизвика изгореници на рожницата, слепило и изгореници на очите.

„Запрете го автомобилот на безбедно место на страната на патот, затворете ги вратите и прозорците, блокирајте го влезот на воздух. Ако е можно, заштитете ги ушите со слушалки. Покријте ги устата и носот со маска или крпа и дишете низ неа додека не сте во засолниште“, се советува.

Се препорачува граѓаните да побараат засолниште во случај експлозијата да ги најде на отворено.

Прикажи повеќе...

Европа

Универзален полнач за сите мобилни уреди од есен 2024 година

Објавено пред

Од есента 2024 година на потрошувачите во ЕУ повеќе нема да им требаат други уреди и кабли за полнење на своите мобилни уреди секогаш кога ќе купат нов и ќе може да користат еден полнач за сите нивни преносни електронски уреди со мала и средна големина.
Ова законско решение денеска се усвојува во Европскиот парламент по неколкугодишни преговори меѓу Парламентот и земјите членки на Унијата.

dobivaj vesti na viber

Според ЕП, овој закон е дел од пошироките напори на Унијата да ги направи производите поодржливи, да го намали е-отпадот и да им го олесни животот на потрошувачите.

Потрошувачите ќе треба да чекаат уште две години за спроведување на законот.

Мобилните телефони, таблетите, е-читачите, слушалките, дигиталните камери, тастатурите, слушалките, преносливите конзоли за видеоигри и преносните звучници што може да се полнат преку жичен кабел ќе треба да бидат опремени со USB-C порта, без оглед на тоа од кого се направени.

Лаптопите исто така ќе треба да се приспособат на овие барања во рок од 40 месеци од стапувањето во сила на прописите.

Ова ќе доведе до заштеда од 250 милиони евра. Се проценува дека фрлените и неискористените полначи претставуваат околу 11.000 тони електронски отпад годишно.

Известувачот на ЕП, Алекс Агиус Салиба, пратеник од Малта, вели дека оваа одлука ќе го „поедностави животот на европските граѓани“ и потсетува дека пред 12 или 13 години имало 33 типа полначи, само за паметни телефони.

„Денес, универзалниот полнач станува реалност во Европа. Потрошувачите повеќе нема да треба да купуваат полнач со секој нов мобилен уред“, вели Салиба.

Прикажи повеќе...

Најново

Македонија5 минути

Обвинителство: Зеќири го оштетил буџетот за скоро 1,5 милиони евра, парите завршиле во приватни фирми

Обвинителката Катерина Коларевиќ поднесе обвинение против ексгенералниот секретар на Владата, Мухамед Зеќири. Тој се гони за злоупотреба на службена положба...

Економија1 час

Еврокомесар за управување со кризи: Реална закана од прекин на струја во Европа

Европскиот комесар за хуманитарна помош и управување со кризи, Јанез Ленарчиќ, ја смета за реална заканата од прекин на струја...

Свет1 час

Бербок го обвини Путин за терор

Министерката за надворешни работи на Германија Аналена Бербок го обвини рускиот претседател Владимир Путин дека не е подготвен за мировни...

Свет2 часа

Кина ги предупреди САД: Можна е нуклеарна војна, сите европски земји ќе треперат

Кина предупреди дека САД би можеле да се соочат со тешки последици, вклучително и нуклеарна војна, доколку на Украина ѝ...

Свет4 часа

Азербејџан ја гранатира Ерменија, нови судири на граничниот премин меѓу двете земји

Азербејџанските војници синоќа со минофрлачи и мало оружје ги гранатираа граничните позиции на Ерменија, соопшти Министерството за одбрана на Ерменија....

Свет4 часа

(Видео) Повеќе од 100 луѓе загинаа од ураганот Ијан кој ги погоди Флорида и Северна Каролина

Бројот на загинати од ураганот Ијан во Флорида и Северна Каролина се искачи на 103, а спасувачките тимови по втор...

Свет4 часа

Трамп го тужи Си-Ен-Ен за клевета, бара отштета од 475 милиони долари

Поранешниот американски претседател Доналд Трамп во понеделникот го тужеше Си-Ен-Ен за клевета, барајќи отштета од 475 милиони долари. Во својата...

Свет4 часа

Јапонија подигна борбени авиони откако Северна Кореја лансираше проектил

Откако Северна Кореја лансираше ракета со среден дострел што прелета дел од северна Јапонија, а властите во Токио наредија евакуација...

Свет5 часа

(Видео) Северна Кореја лансираше проектил во Јапонија, во Токио издадена наредба за евакуација

Северна Кореја истрела балистичка ракета која утринава прелета над Јапонија за прв пат по пет години, што предизвика предупредување до...

Регион17 часа

Радев не ја поддржа декларацијата за членство на Украина во НАТО

Бугарското претседателство објави официјален став за одбивањето на шефот на државата Румен Радев да ја поддржи декларацијата на деветмина негови...

Европа19 часа

Украинските сили со голема брзина ги пробија руските линии на југот на земјата

Украинските сили го постигнаа најголемиот успех на југот на земјата од почетокот на војната со пробивање на линијата на фронтот...

Свет19 часа

(Видео) Нов испад на Бајден, ја погреши насоката за движење

Еден ден по гафот на кој ја повика починатата конгресменка обраќајќи и се како да е сè уште жива, американскиот...

Македонија22 часа

(Видео) Ако не се извинат, Ковачевски најави тужба за ВМРО-ДПМНЕ: Јас сум веќе две недели под константни напади

Најдолни лаги, според премиерот Димитар Ковачевски, се обвинувањата од ВМРО-ДПМНЕ за тоа дека го избегнал служењето војска правејќи се неспособен...

Регион22 часа

(Видео) Вучиќ од Будимпешта: Србија нема да биде паркинг за мигрантите

Денеска, во Будимпешта се одржува трилатералниот самит на Унгарија, Србија и Австрија за мигрантската криза. Се работи за заедничка акција...

Македонија23 часа

Обвинетите за убиството на Тот имале гризење на совеста и чувство на вина, сведочеше психијатарот Марцикиќ

Дваесет и еден ден по убиството на ракометарот Денис Тот, сега обвинетите Анџело Ѓорѓиевски, Клементина Лефковска и Андреј Костовски имале...

Економија23 часа

Поскапуваат бензините и дизелот

Малопродажните цени на бензините „евросупер БС-95“ и „евросупер БС-98“ се зголемуваат 0,50 денари/л. Малопродажната цена на „евродизелот (Д-Е V)“ се...

Македонија24 часа

Тупанчески на првиот академски час: Не учете за оцена! Учете да научите! Учете за да знаете!

Министерот за правда, Никола Тупанчески, се обрати на првиот академски час на Правниот факултет „Јустинијан Први“. На идните студенти им...

Економија24 часа

Бонус до 3.000 евра ќе добијат вработените во Германија поради инфлацијата

Вработените во Германија ќе може да добиваат регреси и премии до 3.000 евра годишно, без даноци и придонеси, за полесно...

Свет1 ден

Рамзан Кадиров ги испраќа своите малолетни синови во војна

Лидерот на Чеченија, Рамзан Кадиров, најави дека тројца негови малолетни синови набргу ќе заминат на фронтот во Украина. „Тоа што...

Свет1 ден

Русија ќе го тестира новото оружје „Посејдон“, предупреди НАТО

Како што напредува војната во Украина, има сè повеќе информации за нов тип на оружје што го користат двете завојувани...